Ayat-ayat Alkitab Ternama dari Matius 10

Berbagi

Esigit diluk yogisasikesik omanggi men yogisasike, “An nen, kit yi, kinobabut domba obabut kak mende, it akoni inobabut yengge kelo yengge obabut weyak mende kak mende inanggerleka kiyakogo laʼbinagaginmo eti, kit kinobabut warlo obabut kagarigogo eti kak kinobabut kinomarlokogo kagakik, sewe yogik kagarigogo mende kak, kinobabut enago welagik, kagako dogono.

Ta nen enggaerek ebe irli korlagin kalok, ebe watlatluk nuk akagin o. Mende, ta nen an nake watlasigin kalok, ebe irli korlagin o,” yiluk yogisasike.

Akoni nen kinagurengge kinasusak erlok dek. Kinowado sikmangge mende kinasugun eti paga, kinayukogo dogogup o. Mende, at Allah arligat, kinagurengge inom, kinowado sikmangge inom, erlok mondok warogo kali aikmo laʼbinagusak werek eti paga, at Allah at kinayukogo dogoni o.

O paga mendiyalok inarigogo mende etnogo, kinago dombok kinomorlo paga waganiluk an nomborlik wolok wagidek kalok, an nagoromi asusak degat o.

Esigit diluk yogisasikesik, omanggi men yogisasike, “Ta nen, Yesus eti an newe o yiluk, akoni inil oba ane ʼbukakogo yisi kalok, an nen, At eti an nagot o, yiluk nombae mbogot oba mende il oba, nane ʼbukakogo yiginat o. Esigit diluk mendeat, ta nen, Yesus eti an nonggodek o, yiluk akoni inil oba laʼbelko kalok, an nen, At eti nonggodek o, yiluk nombae mbogot oba mende il oba ʼbukakogonat yigin o,” yiluk yogisasike.

It akoni u warek kalok panorinakik, watlago kalok inilugurinakik, u konanggo kak inayuk mende inoba werek kalok panorinakik, kugi inobabut weyak mende inakla unggiluk werek mende mukogo wula ʼbiyigik, pano kagarinabik noko dogono. An nen onggo dek wokisigi eti kagat, kit nen esigit dilugat onggo dek wogisilik lani o.

Allah nen sewe wurle eti ebe dogalegat mende, nggok ambaligogo ʼbuk. Akoni kinebeat nggok mondok ambaligogo o. Eti paga kinayuk dekogo dogoni o,” yiluk yogisasike.

Esigit diluk yogisasikesik omanggi men yogisasike, “Kit kinakla nen, At wagike eti, agat oba yoma wim dambuligiluk wagike, yiluk ambagup o. An wagagi eti, ombae aʼbut imbisak weyak agik, agoya eyak imbisak weyak agik, akowan agalko imbisak weyak agik, it-it inom weyak atluk dogowagaluk wagagi o.