Ayat-ayat Alkitab Ternama dari Wakkagagerak 4

Berbagi

Yoge nagagerik, “Kat obeelom aret ee'netak nen kenete paga i'ndok nggi ari keyanetak kwe, obeelom eeriyak mbaka'lek keenok perak, maluk eeriyak kinikime unggwi woraakit nduk, enaakkake logonet, molok kirit nege me, kinikime unggwage kero, mondok liippake logot o,” yoreegerak.

Ti'nuk, peebi at Tet nogo aput wulaga ambi ndake nagagerik, endage Enot aret tooneegerak. Ne ti eyom paga it aakumi nen at Aliku ALA endage kunogo tamban eeko logonet, alut eeko nogogwaarak.

Warogo pege nagagerik wonage me, at Aliku ALA nen, “Kayin wae. Kawuluk Kaben ngga nagaarak o?” Yoge mbareegi, at Kayin nen, “An neenggo'lek o. An nawuluk ti, an nenegen wonok nege me nduk ari agandik ya?”

Yoge mbareegi, at Aliku ALA nen, “Kat kawuluk nonggop eekendak me, amiya nggween paga nen oone yo'nege agaarik?”

Yoge mbareegi, at Aliku ALA nen, “Lek o. Aap ta nen kat kooke keenok, an nen onggo aaninggin ne 7 kuli paga aret oba pigin o,” yoge nagagerik, at Kayin nogo aakumi ugun inom aabuk a'nuk wakwi iyo, ili eerak wonage ineenu ogo logowak nduk, ili agago pereegerak.