Ayat-ayat Alkitab Ternama dari Mathiyu 5

Berbagi

Wɔmɛti o ka wo bohoŋ mumɔɔli e muŋ pututa kuma. Kɛrɛ ndɛ kɔŋ muŋ tutu ka ntha, awa e ndɛ muŋ kiya ka banka baŋ mateete ka muŋ dunkune waŋ ka banka baŋ fooma. Niyaŋ ba waŋ ndeŋ baŋ tɔŋinɔkɔ ka biyamɛti, wuna bindɛ kutu bɛyiniŋ bayɔhɔy ba beŋ ni baŋ, awa bindɛ thunkunuwa Fanda ndeŋ wo ka ariana woŋ.

“Beŋ athɔyande hɛlɛŋ nɔŋ waŋ ba ka faydo baŋ. Mɛti ba thoyo ka kusɛri ka thinthi, bɛŋ sa punku nununo.

“Mayehitɔkɔ ma kiŋ ka bi mɛthɛ thathukuma beŋ, baa bi kɔŋ kutiyɔkɔ Masaala na.

“Mayehitɔkɔ ma kiŋ ka bi iŋ kufiyo ba niya mathumbɛ nɔŋ na wɔmɛti kaho kɔnthɔ iŋ kumbɛ, baa Masaala kɔŋ bindɛ thimbiŋ.

Kɛrɛ yaŋ tepe bena, thimoŋ bihadeni bikendeŋ, awa e beŋ niyiyɛ ŋaraminɛ bi bena ni thɔrɔ beŋ

“Mayehitɔkɔ ma kiŋ ka bi kɔthɛ beŋ ba dɔma na bi kiŋ ba kuta kumase ka Masaala, baa bindɛ bina biyɛ huybakine hu ka ariana haŋ.

“Mayehitɔkɔ ma kiŋ ka bi thiyi mathɛbɛ beŋ, baa bi kɔŋ thiya mpati bi ka Masaala.

“Mayehitɔkɔ ma kiŋ ka bi boki beŋ, baa Masaala kɔŋ bindɛ thaayi.

“Mayehitɔkɔ ma kiŋ ka bi niya thɔrɔ beŋ saathɛ ba mathumbɛ, baa bindɛ bina biyɛ huybakine hu ka ariana haŋ.

“Mayehitɔkɔ ma kiŋ ka bi kutiyɛ biya bihɛna nkinikiniŋ beŋ, baa Masaala kɔŋ bindɛ kutiyɛ nkinikiniŋ.

“Mayehitɔkɔ ma kiŋ ka bendo biyamɛti yaki beŋ, e bindɛ bena kɔ niya thɔrɔ, awa e bindɛ bena kɔ tɛpiyɛ bɛyiniŋ fooma bahothi saathɛ ba kiyaŋ. Yɔhɔŋ thathukuma awa e beŋ yehitɔkɔ, baa beŋ kiŋ iŋ kuthunkuŋ kumandiŋ ka ariana, baa nɛna niyo nde banabiŋ bi kɔtiyɔkɔy nde bena beŋ thɔrɔ iŋ biyamɛti.

“Mayehitɔkɔ ma kiŋ ka bi thathinɔkɔy beŋ, baa Masaala kɔŋ thiŋiŋ lahiri ba ni ndɛ bindɛ baŋ.

“Beŋ athɔyande nɔŋ mɛɛti ma ba biyamɛti fooma, kɛrɛ mɛnɛ mɛɛti maŋ piriŋiŋ wuthimɔy wukɛnama wuŋ, nama nda mɛŋ niye ba mɛŋ thimɔ? Mɛŋ sa nda yɔhɔ ba bɛyi o bɛyi, yɔkɔŋ nthɔŋ nda ba mɛŋ yelo ka biyamɛti mɛŋ yaathuwe iŋ ŋathaki namɛŋ ŋaŋ.

Yɔkɔŋ beŋ be niyɔ biya bi thankinuwɛ ka niya bayɔhɔy nɔŋ na Fanda ndeŋ wo ka ariana woŋ na.

Bɛyi o bɛyi ba wɔ gbonkoy ba niyɔyŋ ‘ndo’ maa ‘ade.’ Bɛyi o bɛyi ba nda ndinta kɛndɛ, bɛŋ ŋaye ka Wɔ Nɛnɔy woŋ.

“Beŋ yuye nde na tepo wuŋ, na ‘Naa wɔ tambe ntɔ nama na hooya, ndɛ kɔŋ nɛnɛ tamba hooya. Awa naa wɔ thinke ntɔ nama na thithi, ndɛ kɔŋ nɛnɛ thinka thithi.’ Kɛrɛ yaŋ tepe bena, baŋ tɛnkɛŋ banɛnɔy ka bi bena ni banɛnɔy beŋ. Mɛnɛ wɔ thoroŋ yina ka kuwaabu kuthome koŋ, dapiniyande niŋ kuwaabu kupɔkɔdɔ koŋ, ndɛ be hɛlɛŋ yina thoroŋ.

Mɛnɛ hooya nda huthome haŋ ni ba yi niya hakɛ, fuŋuna huŋ, e yi huŋ yɛla. Wu kɔŋ yina niyɔ hita ba piriŋina ntha kinthe ka kɔtɔ kukɛnda koŋ ayaŋ ba kɔtɔ kukɛnda koŋ fooma yelo ka yahanama. Awa mɛnɛ yɔnkɔ nda huthome haŋ ni ba yi niya hakɛ, thoŋa huŋ, e yi huŋ yɛla. Wu kɔŋ yina niyɔ hita ba piriŋina ntha kinthe ka kɔtɔ kukɛnda koŋ ayaŋ ba kɔtɔ kukɛnda koŋ fooma yelo ka yahanama.