Ayat-ayat Alkitab Ternama dari Taruparea̧ Ma̧ȩ 7

Berbagi

Ja̧dëa ji̧ Jeova judi yo̧rëremȩdejȩ Noe ju̧i̧: —Danȩ, chara ana̧rä yu̧a̧vä. Na̧ pumȩ pio judiro̧borë yu̧a̧tädirȩ. Ado o judiro̧borë yu̧a̧tärea̧ ji̧, cjäri̧ madirȩ, jiada maeadirȩ. Pio mȩnȩmo̧rȩ coëma cjiari̧ cjo̧ro̧renȩ. Ja̧di tara chara ana̧rä yu̧a̧tä earequedemȩ na̧ pumȩ pio ji̧ri̧ nö̧ta —yo̧a̧dejȩ—.

Ado cjücjürü tjamo̧pe bagarëremȩ ui üdë, jabechji̧ jo̧ȩra̧pe gape jädë marëremȩa̧de. Jabo japamitë chjätä ëte, 150 do chjätä ëte, cja̧rȩichimo̧ gupënȩ chjätä ëte, jabechji̧ taruparëremȩde gaüpe jäpea̧ ji̧.

Aja̧, Noe judi 600 ui goamȩpea̧ uirä, yo̧a̧ri gupënȩrȩ chjätäa̧rä, ado 16 do chjätä ëte ui ana̧ oa chjadürëremȩde Ütë tjamo̧ judi. Pio jiro doro dabu ëteri pio judiri uëräpȩmo̧ acji cjitë tänȩrëremȩdejȩ ui oa urëdi tjamo̧ri pio judiri. Ma̧i̧ dari̧ cjitë tänȩrëremȩdejȩ ae chja̧de ae chja̧de cjiarea̧mi̧ dari̧. Ado a̧dë iri pio judiribo gu̧ro tänȩrëremȩdejȩ ui oa. Aja̧, a̧dë i uëmo̧ bararemȩ ui pio ju̧i̧ a̧dë chjäte ma̧i̧ dari̧ gu̧ro tänȩrëremȩdejȩ chjä ma cjiari̧.

Aja̧, ja̧di dari̧ japamȩrȩ ja̧bo tänȩrëremȩdejȩrȩ Ütë tjamo̧ judi chirirä cjo̧ro̧ji̧ri̧ chjö̧na̧i̧däräti̧ oa. Pumȩ ji̧ri̧ chjö̧na̧i̧däräti̧ oa, pua chjö̧na̧i̧ oa, coë jäji̧ri̧ chjö̧na̧i̧ oa ja̧bo tänȩ marëremȩdejȩrȩ chiriräpȩ cjo̧ro̧ji̧ri̧ pio ji̧ri̧. Noe pio judimo̧rȩ cjiadiärëremȩde jibëa̧ pumȩborë. Chara ana̧räpȩji̧ri̧ pio judiro̧mo̧rȩ cjiadiärëreji̧ri̧dirȩ. Pio judiro̧mo̧rȩ chjätärea̧ darëreji̧ri̧dirȩ.

Aja̧, 40 do nö̧ta cjürëremȩdejȩ davä chiri nö̧tai̧ oa. Do yoa, gȩnȩ yoa cjürëremȩde, cjüdëpe järea̧ decjiari̧.