Ayat-ayat Alkitab Ternama dari Matayo 13

Berbagi

Kake kore nkuluponi supat natodokita ꞉lantarara, naa ltung'ani oning ilo rerei, neibung. Neiu lng'anayio ip, anaa sii ntomoni ile, tanaa sii osom.>>

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Kore pooki ng'ae oning lkilikuai le nkitoria, nemening'u, naa kelotu ilo torno aisimarie inia apa natuunoki taatua ltau lenye. Naaku kore ilo lemening'u, ninye inia oitiei duo natodoka lantarara.

Kore ilo karkar otodokita ꞉lantarara naa ltung'ani oning rerei, neng'amaa asioki te ng'ida. Kake kore amu meata ntana, newuon ake te nkini kata. Kore payie etum nyamali o sina oitami tankaraki ilo rerei, nesioki arriaa.

<<Keinyinyukore nkitoria e chumata ntoki e tipat oleng naisudoro ta lchampa. Kore pootum ꞉ltung'ani, neisudoo, nelo te ng'ida amir nenia pooki naata, neinyiang'u ilo champa.

Nedoki lkulie nkuluponi supat, kore lobo, neiu ip, neiu likae ntomoni ile, neiu likae osom.

Enchoo ebulu tenebo, metaa tenebau nkata e ndung'ore, najoki ladung'ok, <<Enturrurro ang'as ndeti, nienien too rridat, payie ipejoo, kake kore nkano supat, enturrurroki atua lkompe lai.>> > >>