Ayat-ayat Alkitab Ternama dari Yele-za-pɛr-tib 9

Berbagi

A Naaŋmɩn tɩ yel'a ƴãw pʋɔ: «A wõ-taa bãwfʋ ɩ̃ na ƴãwnɛ mãa nɩ a nyɩɩm cara pʋɔ a, mãa nɩ bʋ̃-vʋʋra za na be a nyɩ zie a cara pʋɔ, a nɩbɛ za na na dɔwr lɩɛrɛ taa a ƴãw a, ʋlɛ n'ɩ ŋa: Ɩ̃ ƴãwnɛ nɩ a ɩ̃ tam a zũzuwe pʋɔ. Ʋ na ɩ n wõ-taa bãwfʋ mãa nɩ a tẽw cara pʋɔ.

A sa-gõguo na mɩ́ be n a zũzuwe pʋɔ, ɩ̃ɩ na mɩ́ jɩ́r ʋ na lɛb bãwnɩ a wõ-taa ɩ̃ na ƴãw ʋ be kʋralɛ mãa nɩ a tẽw zu bʋ̃-vʋʋrɩ bʋʋrɛ za cara pʋɔ a.»

Nɩr wa ɩ nɩsaal zɩ̃ɩ a cir a, nɩsaal'ʋ na ɩ a ʋ zɩ̃ɩ a cir. Bʋ̃ʋ n'ʋ vɛ̃, Naaŋmɩn ír'ɩ a nɩsaal ʋ ɩ a ʋ ŋmɛ̃-ta-tɔ.

A Naaŋmɩn tɩ maal'ɩ a Nowe nɩ a ʋ bidɛbr ɛ́ yel bɛ: «Nyɩ dɔwr yɛ̀rɛ, nyɩ paalɩ a tẽw.

Bom za na vure a tẽw ɛ́ tɛr vʋʋrʋ a na ɩ n bʋ̃-dɩra a nyɩ zie. Mɛ̃ a lɛ ɩ̃ na tɩ dãw kʋ̀ nyɩ a mɔ̃-ɓaar a, ɩ̃ kʋ̀rɛ nyɩ nɩ à á ŋá za.

A tẽw zu dʋn za nɩ a lili za na zɔ nyɩ na tɩ lo vũumí. A tẽsɔw bʋ̃-vura za nɩ a kʋ̃ɔ-kpɛ̃ɛ zʋ́mɛ́ za a, ɩ̃ de a na ƴãw a nyɩ nuru pʋɔ.

Nyɩɩm ƴãw a, nyɩ dɔwr, nyɩ yɛ̀rɛ, nyɩ paalɩ a tẽw ɛ́ yãwmɛ yaga za a ʋ zu.»