Ayat-ayat Alkitab Ternama dari KARARIADI 3

Berbagi

Ko wawine e'e nakawua himoneu kau e'e masidada, dang wua nge tuhungang matemang kanengang. Dang i sie nusipiri wal᷊inge gampang kapiange boko i sie makoa ko pande. Watu'u e'e i sie nanipo wua ngu kau e'e, mbuhue nikange, dang nangonggo l᷊ai su kawinge, dang kawinge l᷊ai nukumang wua e'e.

Katoang ko binatang kal᷊eokange bou patiku binatang ko nikoa u MAWU Ruata. Katoang e'e nakina su kowawine e'e, “Apa Mawu Ruata tinga-tingari nularang si kumu kumang manga wua ngu patiku kau su taman i'i?”

I kau dingang kowawine e'e sarung mubinsi simbau dingang u ko wal᷊inge, hintounge l᷊au hintou ngu sarung sintinia muraroka. Hintounge sarung mupakal᷊ul᷊e ngu timbou, dang i kau sarung mangiki pakeli sire.”

Bou e'e angkung u MAWU su kowawine e'e, “Ia sarung manamba turu'u su tempo ngi kau kapumbawae kal᷊uwaeng dang su tempo ngi kau mahinding. Kateho maneng kere'e i kau tatapi pia kao u ghisi su kawingu, kateho i kau sarung musumulung si sie.”

I kau sarung muhal᷊i mabuha dang mul᷊iagha tadeau makakoa tana i'i mangonggo u ghisinge sarang i kau musul᷊e kapia sarang tana, watu'u bou tana i kau nihunsuri. I kau niriadi bou tana, dang sarung musul᷊e sau sarang tana.”

Bou e'e angkung u MAWU su ko ese e'e, “I kau nundaringihi wisara ngu kawingu bou e'e nukumang wua ko seng Daku nilarang kanengangu. Ual᷊ingu kakanoa u e'e, tana nikutoki. I kau mambeng muhal᷊i kahingang su kanandu u puwawiahiu tadeau l᷊uang u tana i'i botonge makasuku puwawiahiu.

“I sai nangul᷊i si kau ko i kau ko tintal᷊ang?” Mawu Ruata nakina. “Apa i kau nukumang wua ko Daku nilarang kanengangu e'e?”

Bou e'e su simbuka ngu raki bou taman e'e su tingo ngu tukari sasukang, MAWU Ruata namilo manga kerub, dang pera simbau karilie katiringe tamai-namai, mundiaga l᷊al᷊eng sarang kau ko mangonggo puwawiahi e'e. Dingang kere'e takoae sarang singkatau ko makasu dang makasandighi kau e'e.

I Adam nusigho areng u kawinge i Hawa, ual᷊ingu kowawine e'e nakoa i mama ngu kaul᷊i u taumata.