Ayat-ayat Alkitab Ternama dari Dzwan 11

Berbagi

Yesù ə bə̀lì kə a we nə, “Mə də wù wə̀ mə zɛmə̀ kə nəniy aghû yìy anə ipfə, də̀ sòʼò wù wə̀ ù nyiə̀ nəniy aghû yìy nə̀ imuə̀ yìy. Aghû yə̀ ghu bɛmə nəniy â mìə̀, abu ghu tsəb pfə kə ŋwô, ghu nî zɛ̀mə̀ dzwəŋə bə̀ ŋwò anə ipfə. Aghû yə̀ ghu bɛmə nəniy â mìə̀ nə̀ ghu nam də̀ utaw, ghu nî pfə kòʼ dzə̀ wày. Wò bɛmə ŋwô àyiə yə mə dzîy nəniy ə̀?”

Yesù ə bəb yə̀ a we nə, “Mə kə kə̀ dzây nəway à ghà nə̀, abu gha bɛmə nəniy â mìə̀ ghà kî kòʼò ŋwò daʼa k-a-zə̀kìy yə̀?”

Yesù ə dìy.

Abù Yesù zuw tsə nəniy ayiə ghè yə̀ ghii, u dzày tsə nə̀, “Idzâŋ yə̀ kì wiy màʼà dzə̀ wày Lazalùs. I dzâŋ yə̀ də̀ ani zəŋi tsə nə̀ aghê kəli tsə nə̀ Zə̀kìy də wù ùsòŋə̀ wìy. À də̀ sòʼo dzəd yə aghê kî kyilə nəniy ndzòʼò daʼa kə Wà Kə̀zə̀ kwu nəniy.”

Yəə Yesù dzày mà tsə nəniy ayiə yə, u twoŋə tsə anə dzə̀ ìtaw yìy nə̀, “Lazalùs, ŋwòə fyi bə.” Wù ù pfə wə̀ ə fyi bə̀ abee, ubə̂d u təndzwu wiy kə nam baŋ dòʼò kə anə uwè u we nə̀ anə awù ə we, bə̂d kə ndzwu kiy də̌ anə utwùmusə u we. Yesù ə dzày yə̀ a ghu nə̀, “Ghà zê ŋwô ùfyiə wiy azoŋə we, tə̀ ù zù a ndaw.”

Yəə fòŋ kàm ŋge fyimi fwuli bə̂ nəniy Yesù, u ŋwò zù anə lòʼo kə isây Lazalùs yìy kə də nəniy ate. Isây i ghè yə̀ kə də̌ kətî ghu kə fê na nəniy idzwə i ghè yə̀ nə̀ ìtay ìnê yìy.

Yesù ə dzày tsə ayiə yə ghii, kwe fwuli tsə ate nə̀, “Wè fə̀lə̀ ŋgàŋ Lazalùs màŋə̀ bvunə ŋwò, mə kwu ani zù zɛ̀m ŋwò kə we idoŋ.”