Ayat-ayat Alkitab Ternama dari Matìyò 10

Berbagi

Kòʼò nənìy, mə twumə yə̀ ghà yəə à də̀ təndzù anə uzə ukəŋ, yəə i də nəniy aghii, ghà kəli tsə utwab yəə à də təzwə. Ghà ki bvamə tsə iwee yiy yəə à də̌ ububumə.

Wù wə̀ ù tòʼò khu təŋə dzəd ani bii fyi imuə iwe ù kì nìì myàʼà ŋwò imuə̀ i we yiy. Wù wə̀ ù kwuni dziy nə̀ ghe pfə bòʼ mìə̀, ù kì kyilə dzwəŋə ŋwò imuə̀ i we yiy.

Ghà kə tsəŋ dzə̀ aghû yə̀ ghu də ani wiy màʼà tsə kə gùw ùwè nə̀ ghu way ani zəŋə iyiə ì liy nə̀ fòŋ ghii. Ghà fə̂d tsəŋ yə̂ Kə̀zə̀ aŋwòə à də we ù də nəniy ani byɛbi màʼà gùw ùwè nə̀ fòŋ ghii anə uvə̀lə̀.

Wù wə̀ ù də kə̀ boʼò kə kâʼ fə təzəd fə we fiy dzwùmì bə̀ mìə̀, ù kə̀ kwoʼ kpe ani dòʼò tsə̀ndii wam.

Aghû yə̀ ghu kî dzìy fyiə bə̂ nə̀ ndaa awò àghè liy nə̀ ghu də aghû yam fə an-a-mvə̀dintsə, mə ki dzây yə̂ soʼò anə ndaa awò təlì wam wə ù də nəniy an-a-vələ nə̀ ghu də aghû yə̀ ghu dzwumə̀ nəniy miə. Wù wə̀ ù kwuni twe maʼà nəniy miə anə səkə ghù nə̀ ghe dzwumə̀ dzə̀ wày miə, mə ni twe màʼà soʼò we anə səkə təli wam wə ù də nəniy an-a-vələ.

Ghà zəŋi taw kə aghû yə̀ ghu dzaŋə̀ nəniy, ghà zɛmə̀ bə̂ aghè àpfə yiy, nə̀ à yuu ghu kwu nəniy uŋkə̀m wìy, ghà dzwûm fyi soʼò nsìy mə̀bɛbə̀ mìy, à nyə̀ mìə̀ daʼa kə ghà kə̀ awò ghà, ghǎ kə̀ zwe dzə̂. Kəə ghǎ nə̀ bəbə ukhiy wiy ate.

Yəə i də nəniy ghii, Ghà kə tsəŋ dzə̀ fyiə kə̀ liy kiy, aŋwòə, ghà tsîy fyi ŋwô saʼ kə ŋwùni kiy.

Ghà kə môʼ dzə̀ nə̀ mə fə̀ bù nə̀ ìbvay yiy si də an-a-mbvə̀dintsə, hǎy, mə bû nə̀ ùtswə̀d wìy.