Ayat-ayat Alkitab Ternama dari Maˍkuˆ 6

Bagikan

Yeˍsuˆ mangˉ muiˉ nawng ngaˍ changˉ baˍ ca nae ang kyap uiˉ beu nawng htiˍ yaˍ nae laˉ yao tiˍ chitˍ saoˍ a laeˍ beun nae yawng na ha biˍ jiˍ. Haeˉ mae ha biˍ jiˍ hingˉ ngaˍ awngˉ laˉ naeˉ changˉ nae awkˍ naeˍ uiˉ changˉ ang byaˍ nae yawng ngaˍ ang caˍ caˍ laeˍ nyamˍ muiˍ baˍ ca.

Yeˍsuˆ maˇ pa rawˉ hpaet nawˍ hkaˍ tawng keutˆ yaˍ jiˍ vengˍ hkaˍ tawng yaˍ changˍ mawngˉ namˉ uiˉ kawngˉ veu nae hkaˍ tawng yumˉ changˉ uiˉ beu mae kaˍ ya kyaˉ baˍ ca nae ha biˍ jiˍ.

Yeˍsuˆ heuˍ htaˍ veu lungˍ aeˉ beu, changˉ ang byaˍ uiˍ na myangˉ jiˉ. Changˉ ningˉ uiˉ aˍ po hing hu baˍ ca nae soˉ uiˉ laˉ mae hpeuˍ jaˇ nae kuitˆ yao, yawng na saˍ kyaˍ kyaˍ naeˍ uiˉ nuing ba nae ang byaˍ ceuˍ seungˍ maˍ jiˍ.

Yeˍsuˆ nawˍ changˉ daˉ htiˍ baˍ uiˍ na laˍ puˍ boeˉ biˍ yao, taeng pyo biˍ jiˍ hingˉ baˍ baoˇ hingˉ keung veu laˍ htiˍ tanˉ hkoˇ aˉ mae uiˉ na muiˉ baˍ ha saˍ. Yeˍsuˆ maˇ yawng baˍ yumˍ nae hingˉ na manˍ yao, ang tawngˍ htang veu ca naeˉ hkawngˍ uiˍ beu saˉ kvaˍ aeˉ yao seungˍ maˍ jiˍ.

Yeˍsuˆ hkaoˍ munˉ ngaˍ suiˍ nae nuingˍ taeˍ nyiˍ mangˍ hingˍ na yuˉ yao buingˍ htaˍ veu hu laeˍ yao ang buinˉ na chiˍ mawng laeˍ jiˍ. Hkaoˍ munˉ yangˍ hpaetˍ yao changˉ uiˉ na peungˍ bu nae ta peˍ uiˍ na biˍ jiˍ. Nuingˍ taeˍ nyiˍ mangˍ hingˍ na muiˉ changˉ uiˉ na peungˍ biˍ jiˍ. Changˉ uiˉ caˍ yao kawˉ hko jiˉ. Hingˉ nawngˍ veu caˍ kawˍ yao hkaoˍ munˉ ang hpaetˍ nae nuingˍ taeˍ canˉ laˉ jiˉ uiˉ na kaw chawnˉ yao htiˍ cheˍ nyiˍ bungˍ chawnˉ ya laeˍ jiˍ.