Ayat-ayat Alkitab Ternama dari Wepélisiananu 17

Berbagi

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wo ’ka dan i laa lɛ Abram é dɛrɛ lo, naa, maa dan i kɛlɛ lɛ bɛngɔnɔ kiɛre ti nya, amalé wo dan i tɔ laa lɛ Abraam.

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

An gi lé maa dan a pa lɛ i va do, yee lé ke ’ko: i dan kɛlɛ lɛ bɛngɔnɔ kiɛre ti nya.

Kazambale léé: Webozen lé, i na Sara é dan né yaa lɛ gɔné nya i lɛ; yé i dan a tɔ pa lɛ Izak. Maa dan an gi pa lɛ do a va, gipawe do lé é ’ka nyaan lo, ’té é dan kɛlɛ lɛ alé nénu zé nya a zuo, a nya.

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Abraam dia é bli la; é yéri si yé é lé é bli gi léé: Gɔné lé a lɛɛ bɔ yɔ soru ’naan, ’bɛ é dan né yaa lɛɛ? Yé Sara lé ’bɛ lɛɛ bɔ yɔ ziɛn wɔlɛ vu ’naan, ’bɛ é dan né yaa lɛ kaa?

Kazambale lé Abraam lɛ léé: Té i na Sarai tɔ laa Sarai é dɛrɛ lo; naa, bé laa Sara.

’Ka ka va gɔnénu gane dɔ yé ’bɛ é dan kɛlɛ lɛ kaa gipale do tɔmase nya.

Naa, Izak lé Sara é dan a yaa lɛ i lɛ bléyi ’ko va lɛɛ bɛ gi, yee ɛ va lé maa dan an gi pa lɛ do.

’Ka ka va gɔnénu faa gane dɔ wo yi sɔraazan nya, wo kulu é kulunu nya; dé wa yaa ilé kɔn gioo, dé bé lɔ bɛn bɛ mi lee yé é ’ka i bɛn nya looo, ’ka wo gane dɔ. Négɔné lé wa yaa ilé kɔn gi koo, mi lé bé lɔ gɔɔli nya koo, é a lé ka wo gane dɔ; yé anlé gipale tɔmase é dan kɛlɛ lɛ ka kɔlɛ ma, gipawe lé é ’ka nyaan lo, a nya.