Ayat-ayat Alkitab Ternama dari Fagsigadan 6

Berbagi

Ay nu katanya, Yawi inbalu dawdaw. Ay gamatangan te, “Sek, satu ro ebi kwa nangus naawat kanya ayuwayu fag ngay taw.

Ay Yawi nu glag wa gugat at ngay taw leleganan sas fagdaul daga, nalag te, at ngay taw leleganan mauri way dawdaw. Mason wan nu mauri. Fagayu at amatanganan ay at fasadan, mauri wadi.

Ay roro tam Diyus guseganan tuwa glag sadik taw. At ngayan, Nuwe. Kanya masadi tuwa sas Diyus.

Ay katatuy at foyungan sas Nuwe talanan baliwa: Nuwe e baguwama tuwa tulu, at ngayan Sem, Kam, ay Afet. Ay Diyus nu glag at ngay taw sas fagdaul daga, Nuwe way fagsadi at masine.

Katsi ngap at masine, nanfamin kwan fagayu tagleleg sas fagdaul daga. Fagayu ku naawat, dewa taw, dewa mangimut, dewa manuk, kanya fagayu nanfamin kwan. Teway satu ro ebi kwa nangus naawat kanya ayuwayu.” Katanya Diyus amatanganan.

Bandi at ngay taw, kaayu wa dawdaw, ay karapyag wa sa sangay talun. Ay tiba at diyaga masine dawdaw. Ay roro Diyus e awatan sik ngay madaragang dawdaw. Ay kanya fag ngay madaragang kaumsig glag ka fag ngay diyaga at masine dawdaw. Nu katanya, indaduwa wa sanya. Nus nganda at naumsigan, kanya wan bandi at mangena. Ay kanya fag ngay mangena at kindaduwa sas Diyus naawat fag ngay madaragang, inke unga wan. Ay nu bandi wan, kanya fag ngay unga sik ngay taw at madaragang ayu daw. Ay nus nganday fag talun at ngay taw nasaful wa te, kanya fag ngay taw madaragang. Ay roro Diyus nu nalag at ngay taw nu kadaduwa sat naawat fag ngay madaragang, wa guseganan. Kanya glong te, “Ku nafon fag engasan sas taw bunwa faggugat, teway at masine sa anya kate yakman. At kadugayan ban taw nu gleleg, 120 wayk banwa.”

Ay Nuwe nafaning wa fiya kata Diyus suguwan anya fagayu fagayu. Nafafaningun tuwa fiya fiya.

Diyus nu nalag sa sangaba daga, te at ngay taw ugali mauri wa dawdaw, Diyus igfoyung at amatanganan sas Nuwe. Glong te, “Katsi ku naawat ayuwayu anway kamabarangyan tiba. Nu katanya, iglong aw emu te, igfamin kwa ban fagayu ku naawat tagengasan. Anggan fagayu takalag sa sangaba daga, rumasras kwan.”

“Ay nu katanya,” Diyus glong te, “emu am fagbulun, awati sik balutu daul. Ay am fangawat, at matigas tuwa fag kayu. Ay nu kawat o, 70k dufa at kabaan. At kadaulan, labi duwak dufa. Ay at kabatan, fituk dufa. Kadaw anya am fakawatun fag balutu daul. Ay nu naawat wo ka fag balutu, ani tuwa rarusi fandafut sa sangaba basad balutu ay sa sangaba guyuy, laman di kasafa sat basad. Ay nu kawat o, ani tuwa fe salugi tulu, tudtungudan. Ay fe dingdingi ayuwayu sat basad. Ay sis tungud balutu, fe uguni tuwa. At ugun di daw matungkud sis fungfung dingding. Fe bukngai tuwa kabas duwak darafa. Ay sis tigyangan balutu fe sakbawani tuwa. Ay fe dingdingi tuwa at sakbawan.

Fagayu tiba, mauri way at fagbulun. Anway kamabarangyan tiba. Nu katanya, Diyus infurat wa glag.

Ay dewa gina, ani tuwa ban fasakboi mangimut ay manuk ayuwayu. Fagayu nus nge wain fag mangimut ay fag manuk, fasakboi tuwa sik daduwa. Kanya wa ban mandi fag ngay mangimut ay fag ngay manuk takakbang emu, laman kanya sigon di mkafuy.