Ayat-ayat Alkitab Ternama dari ᤋᤥᤗᤡᤱᤛᤥᤔᤢ 24

Bagikan

ᤜᤧᤰᤁᤩᤠᤱ ᤂᤧᤸᤗᤧ ᤋᤢᤘᤠ ᤆᤥᤃᤢ. “ᤀᤠᤴᤍᤠᤱᤒᤠ ᤀᤒᤪᤠᤜᤠᤶᤔᤡᤸᤗᤧ ᤁᤢᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤀᤠᤀᤡᤴ ᤀᤠᤱᤃᤠ᤹ ᤀᤠᤕᤠ᤺ᤶᤒᤰᤁᤡᤴ ᤁᤢᤗᤡᤱᤍᤥ ᤁᤧᤳᤋᤠᤱ ᤐᤡᤖᤠᤱᤅᤧ᤹ᤀᤥ. ᤂᤧᤒᤩᤠᤱ ᤀᤠᤴᤍᤠᤱᤒᤠ ᤀᤒᤪᤠᤜᤠᤶᤔᤧᤴ ᤂᤧᤏᤧ᤹ ᤁᤧᤏᤢ᤹ᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤏᤡᤴ ᤀᤢᤛᤣ᤺ᤴᤎᤠᤰᤋᤧ᤹ᤀᤥ॥

ᤜᤧᤰᤁᤣ᤺ᤸᤗᤧ ᤀᤰᤂᤣ ᤐᤥᤱᤗᤖᤥ—ᤀᤠᤳᤋᤡᤴ ᤛᤡᤛᤠᤍᤡᤱ ᤔᤧᤴᤇ᤻ᤕᤠᤴ ᤀᤠᤱᤃᤠ᤹ ‘ᤁᤧᤃᤢ᤺ᤴᤍᤠᤀᤥᤗᤠᤶ ᤆᤫᤠ᤺ᤳ ᤌᤢᤱᤔᤠᤖᤧᤗᤠᤃᤡ ᤁᤢ᤺ᤴᤍᤠ᤺ᤴ ᤁᤧ᤺ᤱᤕᤠ ᤔᤧᤳᤋᤠᤱ ᤐᤡᤖᤠᤱᤅᤧ᤹’ ᤔᤧᤳᤋᤢᤱ. ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ‘ᤌᤢᤅᤧ᤹ᤏᤧᤒᤠ’ ᤔᤧᤳᤋᤠᤀᤠᤱ ‘ᤁᤧᤀᤢᤔᤣᤜᤠ᤹ᤀᤠᤱ ᤆᤫᤠ᤺ᤳ ᤌᤢᤱᤛᤢᤱᤛᤡᤱ’ ᤗ᤹. ᤜᤠᤒᤠ ᤂᤧᤴᤏᤣ ᤂᤧᤏᤧ᤹ ᤁᤧᤛᤧᤘᤠᤖᤥᤒᤠ ᤀᤡᤛᤜᤠᤰᤁᤡᤸᤗᤧ ᤁᤢᤗᤠᤃᤡ ᤁᤧᤛᤣᤃᤢᤔᤠ ᤐᤥᤱᤗᤖᤥ॥ ᤂᤧᤴᤗᤠᤶᤒᤠᤀᤣ ᤂᤧᤏᤧ᤹ ᤁᤧᤏᤢ᤹ᤒᤠ ᤁᤧᤈᤥᤰ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤱᤃᤠ᤹ ᤀᤠᤴᤍᤠᤱᤒᤠᤴ ᤀᤢᤛᤣ᤺ᤴᤃᤧᤎᤠᤰᤋᤢ ᤑᤠ᤹ᤀᤠᤱ ᤀᤠᤱᤃᤠ᤹ ᤏᤡᤱᤘᤠ᤹ ᤂᤥᤛᤢᤱᤗᤥ॥”

ᤀᤡᤛᤜᤠᤰᤁᤧᤸᤗᤧ ᤖᤡᤒᤣᤁᤠᤴ ᤀᤠᤒᤠᤅᤣ ᤁᤢᤶᤔᤠ ᤛᤠᤖᤠ᤺ᤸᤗᤧ ᤁᤢᤛᤠ᤺ᤱᤃᤠ ᤜᤡᤶᤔᤥ ᤋᤣ᤹ᤖᤢᤀᤠᤱ ᤔᤣ᤺ᤰᤂᤡᤶ ᤔᤧᤳᤋᤢ॥ ᤂᤧᤒᤩᤠᤱ ᤂᤧᤴ ᤂᤢᤏᤧ᤹ ᤁᤢᤔᤣᤳ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤀᤡᤛᤜᤠᤰᤁᤡᤸᤗᤧ ᤖᤡᤒᤣᤁᤠᤴ ᤏᤠᤏᤢ᤹ᤖᤢ॥ ᤀᤰᤂᤣᤗ᤹ᤖᤡᤰ ᤀᤡᤛᤜᤠᤰᤁᤡᤸᤗᤧ ᤀᤠᤒᤠᤅᤣ ᤁᤢᤶᤔᤠ ᤔᤠᤛᤡᤱᤒᤠ ᤀᤣᤃᤠᤱ ᤂᤢᤏᤧ᤹ ᤀᤠ᤺ᤴᤇᤡᤱᤔᤠ ᤂᤥᤛᤢᤖᤥ॥

ᤂᤧᤱᤜᤠ᤹ᤖᤧ ᤖᤡᤒᤣᤁᤠᤴ ᤔᤢ᤹ᤀᤡᤛᤠᤶ ᤔᤧᤎᤠᤛᤢ ᤔᤧᤒᤢᤖᤢᤀᤠᤱ ᤔᤧᤔᤧᤳᤋᤢ. “ᤀᤠᤏᤡᤃᤣ ᤆᤣᤗᤡᤔᤠ ᤏᤢᤛᤠ᤹ᤀᤣ. ᤂᤧᤏᤧ᤹ ᤜᤧᤴᤇᤡᤱ ᤜᤧᤴᤇᤡᤱᤗᤧ ᤂᤢᤴᤇᤡ᤹ ᤔᤠ ᤁᤧᤒᤥᤱᤗᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤛ᤻ᤛᤠ ᤁᤧᤀᤣᤜᤠ᤹ᤏᤢ ᤌᤱ ᤁᤧᤈᤥ᤺ᤰᤐᤠ ᤏᤡᤱᤔᤡᤜᤠ᤹ᤖᤧ ᤂᤢᤏᤡ᤹ ᤕᤧᤰᤕᤰᤜᤠ᤹ ᤁᤧᤛ᤻ᤛᤠᤜᤠ᤹ ᤜᤢᤰᤁᤠᤵ ᤔᤧᤔᤧᤳᤇᤡᤱᤗᤖᤥ॥”

ᤀᤠᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤥ ᤁᤴ ᤔᤠᤱᤜᤧᤰᤁᤡᤴ ᤆᤥ᤺ᤰᤐᤠᤱᤏᤧ. ᤀᤠᤸᤗᤥ ᤀᤠᤱᤃᤠ᤹ ᤕᤢᤱᤅᤠᤒᤠ ᤋᤧᤴᤏᤥᤒᤠ ᤁᤏᤠᤏᤡ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤀᤠᤳᤋᤡᤴ ᤔᤧᤴᤇᤢᤔᤠ ᤛᤠᤜᤠ᤹ᤀᤠᤱ ᤀᤠᤛᤠ᤺ᤸᤗᤧ ᤁᤢᤗᤠᤃᤡ ᤂᤧᤏᤧ᤹ ᤔᤣ᤺ᤳ ᤔᤧᤔᤧᤍᤠᤖᤧᤴᤏᤧ᤹ᤀᤥ. ᤁᤖ ᤀᤠᤱᤃᤠ᤹ ᤀᤠᤒᤠᤅᤣ ᤀᤠᤗᤠᤈᤣ᤹ᤀᤥ ᤁᤧᤒᤣ᤺ᤰᤁᤠᤱ ᤀᤠᤱᤃᤠ᤹ ᤀᤠᤔᤏᤠᤜᤠ᤹ᤀᤥᤗᤠᤶᤔᤧ ᤀᤠᤛ᤻ᤛᤠ ᤀᤡᤛᤜᤠᤰᤁᤡᤸᤗᤧ ᤁᤢᤗᤠᤃᤡ ᤗᤳᤇᤠ ᤔᤣ᤺ᤳ ᤁᤧᤍᤠᤖᤢ ᤁᤧᤒᤡᤖᤢᤖ ᤐᤥᤱᤗᤥ॥”