Ayat-ayat Alkitab Ternama dari Huwan 10

Bagikan

Unman sumitay tag ti mananakaw purya lang hampay manakaw, manmatay hanggan mamapas. Aku nagsitay hampay kang manga karanidu kumakit tutuu pag buhi udyi may kakurangan.

“Aku ti mayad pag manug-alaga sa karanidu. Ti mayad pag manug-alaga handa diman mamatay para sa kay manga karanidu.

Kang manga karanidu magdungug sa kang magbagaw. Kilala niku sida ag sida magkuyug sa kangku.

Ti manga magpaminsan sa kangku pagpakan-an niku tutuu pag buhi unman may katapusan. Hanggan waya aban dayu gid sida ipadamhak sa kamatayan. Unman may umagaw sa kanda ginan sa kang kamang.

Aku ti puwirtahan. Una hintay pag tawu nu sumulud lakaw sa kangku, siya maribri. Sumulud siya lumuwas ag makakit siya karan-unun.

Aku ngani ti mayad pag manug-alaga sa karanidu. Kilala di gid niku kang sadili manga karanidu, sida magkilala di gid waydi sa kangku

Sida ipinakaun niku Ama sa kangku. Kang Ama makapangyarihan sa tanan, unman may umagaw ginan sa kamang niku Ama. Aku hanggan ti Ama urusa kami.”

parihu diman sa kay magkilala niku Ama sa kangku ag kang diman magkilala sa kang Ama. Handa diman aku mamatay tungkul sa kang manga karanidu.

Unman may tawu bum-ul kang buhi, buluntadan ngap kang ipakaun. May kapangyarihan aku mamatay, may kapangyarihan diman aku hampay mabuhi uman. Inda yi ngani ti ibinilin niku Ama sa kangku hampay kang tupadun.”

Sinabi maan ni Hisus sa kanda magkun, “Ungud duy kang pagsabihun sa kanyu, aku ti puwirtahan manga karanidu.

Tuhay ti inupahan lang, unman siya ti tutuu pag manug-alaga sa karanidu ag bukun waydi siya kay apu. Nakan nu makitan niya may simarun idu magpakarani sa manga karanidu, pabay-anan lang niya ti manga karanidu, pumalagiw yi lang siya. Pagka tinkub simarun idu ti karanidu, namululagan yi lang kay iba.

Sinabi ni Hisus magkun, “Ungud duy kang pagsabihun sa kanyu, nu may tawu sumulud sa tudir manga karanidu balaw lakaw sa kay puwirtahan, nu abi dumayik sa kay alad, tunda pag tawu mananakaw ag tulisan.