Ayat-ayat Alkitab Ternama dari Mateo 19

Berbagi

Jesús jitiej yikiajlayi, sekyi'i iyo'ne 'ate ti isiujlieyi: —Naka siunie napo i'nio' je 'yijene paka wone, jlam pet ni Sinia' je kia'iyo, 'yina je k'istieja'm jla'am paka k'iejliyeyi.

Ijiatjliyi je pa timesie napo i'nio', tijnayek'i ti ijwienjli. Nak it'imina ti siunie i'nio' je 'esiji ka ilan wita'm siunie Sinia' pajk'i ti ijiut wita'm.

Jesús isiujlie'ne ti iyo'ate: —¿Je jlamtijiena niwak inamtis t'ipi siunie iyot'iyipi siupa ipiujunit ni i'nio' siu'neje jana asejnia? ti iyo'ate, “Jant'emina ni i'nio' ti jantajla napo jiniewot, ti janejiap jana iyo k'iemjlaye, ja 'yiniyeyi ka injwanjli ni i'nio' ti janitoti wita'm.”

Jakayi'ne ti Jesús iyone 'ate: —Ena'yate napo kia'lis. Ká atoma'ni k'iye ti iyo ka ijnoyisk'i. 'Yina napok 'yiniye siunapo i'nio' yiji pet nak Sinia' jika anechijiayas, siu'napo kia'lis.

Awo'ate, ja 'lojwa siunapo iniant'i'nijpe ja 'wanjliyek'i isia'm. Ja 'lojwa 'neje siunapo 'wanjlik'i isia'm, ti janan'ni.

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Jesús isiujlie ti iyo'ate: —Siuti jiwojonk'iye ka i'nes, maj wen'ni wikie'eyi siuniwa wask'i'nelaja ji'we'en, wejnamk'i napo p'ijliusis, kajeyepa jane ts'iji poliyi niwa akijmatisie'. Sekyi'i jiwekie'ajana'a ka ana'm ijyik'i.

Iyo'ne 'ate ja Jesús ti isiujlie: —¿Yot'iyi'ni ti si'yaseje'n siunie 'es? Ijwienjli jla'am ti 'es, naka Inia'. Siuti jiwojonk'iye ka ajia'm janak in'wasankiye ti laj jlaja, woyi niwak Inia' jlamtis yi'i ni ji'wet.

'Yejne'n, jayikiajle'eje siojona jikiayi kosoki po' ka'noyi jana jitiete ni k'itie'en, ja ke 'noyi je kast'ayiji'n ti kia'iyo; 'yina ataj enayijpe 'ate siunie jayo siunie i'nio' jwajla i'wi'in jla'm ijiatayi ti ti'nita ka'noyi nak jika anechijiayas ni Sinia'.

Siunie jayo ijiatk'i, ti po' siunie ti iliyi jana jik'iemjla, jlam'ne je janaka siojona asejnia ka ijnoski'lan'ni k'iye, nak kia'iyo yija'm nak ti iliaki ti inilesantaje ti tijwa'yi, 'yina jla'm ijiate ka 'nakaja'a ka'no'ni pet nak 'esiji ka ileyi.

Sekyi'i Jesús kiak iyonayiji japok t'eyasajnas: —Ijiate siu'nie jajwi'lase'm, ti siunie i'nio' jwajla i'wi'in ka wo ka'noyi pet ni Sinia' jika anechijiayas, wuj ti ti'nita.