Ayat-ayat Alkitab Ternama dari ယောဟန် 16

Bagikan

နန်းနို့ဟှာ ငါ့အားဖြင့် ငြီသတ်မှုရှိဟှို့တွပ် အယ်စကားဟှို ငါပြောပီးဘီ။ နန်းနို့ဟှာ အယ်လောကမာ ဆင်းရဲဒေါက်ခ ခံရဂေ့လေ့မယ်။ အယ်ဘေမဲ့ ကြော့‑က်ဂေ့န! ငါဟှာ လောကဟှို အောန်ဟှားပီးဘီ!” ဆိုဘီး မိန့်တော်မူလေဟှယ်။

အယ်ကြောန့် ဘုရားသခင်ကြောန်းနဆိုင်ဟှူ သမ္မာတရားဟှို လမ်းပြပေးမယ့် ဝိညာဉ်တော် ကြွလာဟှူ ခီမာ နန်းနို့ဟှို သမ္မာတရား ဂူလောင်းဟှို ဖွမ့်ပြတော်မူလေ့မယ်။ အယ်ဝိညာဉ်တော်ဟှာ သူ့ဆန္ဒတိုင်း ပြောနေဇာမှုဘဲ သူကြားရဇာလေဟှို ပြောပြဘီးဟှာ ဖြစ်လာဟှို့ ဇာလေဟှိုလည်း ပြောပြလေ့မယ်။

ခုထိ ငါ့နာမအားဖြင့် နန်းနို့ဟှာ ဖြားဇာလည်း တောန်းဂေ့သေးဟှ။ နန်းနို့ရဲ့ ဝန်းသာဇာန ပ္လဲ့ဝဟှို့တွပ် တောန်းဂေ့။ တောန်းမယ် ဆိုဟှာ ရဂေ့လေ့မယ်။

နန်းနို့ဟှို ငါ မှန်တိုင်းပြောမယ်၊ ငါသွားလိုက်ဇာဟှာ နန်းနို့တွပ် ပိုဘီး ကောန်းဟှယ်။ ဖြားဖြစ်ကြောန့်နူးဆိုဟှာ ငါသွားဟှ ဆိုဟှာ ကူညီမဇသူဟှာ နန်းနို့နားဟှို ရော့‑က်လာဟှို့ မှုဟှ။ အယ်ဘေမဲ့ ငါသွားလိုက်မယ် ဆိုဟှာ အယ်သူဟှို နန်းနို့နားဟှို ငါစေလွှတ်မယ်။ ကူညီမဇသူ ရော့‑က်လာဟှူ ခီမာ လောကသားလေဟှို ပြစ်ကြောန်းဟှိုရော၊ ဖြောန့်မတ်ကြောန်းဟှိုရော၊ တရားစီရင်ကြောန်းလေဟှိုရော ဖော်ပြပေးလေ့မယ်။

ခု နန်းနို့ဟှာ ဝန်းနဲနေဂေ့ဟှယ်။ အယ်ဘေမဲ့ ငါဟှာ နန်းနို့န ပ္လန်တွိရမယ် ဖြစ်ဟှူကြောန့် နန်းနို့ရဲ့ စိနှလောင်းဟှာ ဝန်းသာဂေ့လေ့မယ်။ အယ်ဝန်းသာမှုဟှို ဖယ်သူလည်း နန်းနို့နားဟှနေ လုယူနိုင်ဂေ့ဟှ။” “အယ်မူနေ့ရော့‑က်လာခီမာ နန်းနို့ဟှာ ငါ့ဟှို ဖြားဇာလည်း မေးဂေ့လေ့မယ် မှုဟှ။ နန်းနို့ဟှို ငါ မှန်တိုင်းပြောမယ်၊ နန်းနို့ဟှာ ငါ့နာမအားဖြင့် တောန်းဇာဂူလောင်းဟှို ဖဟှ ပေးတော်မူလေ့မယ်။

နန်းနို့ဟှို ငါ မှန်တိုင်းပြောမယ်၊ နန်းနို့ဟှာ ငိုကြွေးရဂေ့လေ့မယ်။ အယ်ဘေမဲ့ အယ်လောကဟှာ ဝန်းသာဂေ့လေ့မယ်။ နန်းနို့ဟှာ ဝန်းနဲရဂေ့ဘေမဲ့ နန်းနို့ရဲ့ ဝန်းနဲမှုဟှာ ဝန်းသာမှုဟှို ပ္လောန်းလဲဟှားလေ့မယ်။