Ayat-ayat Alkitab Ternama dari I YOHANE 6

Berbagi

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

Penaamo anu mompowee tuwua, koroi nahina tuduno. Luwuno pau anu pinau-Ku ndi omiu onaemo penaa ka tuwua.

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

Sumangki Ira i Yesu, ”Ndiomo anggaa anu inehe-Do Ue Ala, onaemo ka impe'ala-ala Ira anu tinena-Do Ue Ala.”

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

Isangki Ira i Simo Peturu, ”Ue, ndi semake kami melako? Pau-Miu onaemo pau tuwua anu nahina tampulaano

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

Hangano roti anu inso ndi Ondae Ue Ala onaemo roti anu metii inso i suruga ka anu moweeakono tuwua wawontolino.”

Ongkuemo roti tuwua.

Ka Do'amba i Yesu umalao roti atuu, ka Dopontarimakasi ka Dotia-tiaako ira anu pentoro i tu'ai, kanatuu koa mbo'u Doweweuo a luwuno bou atuu montonda hadiono anu inehedo. Ka mansado memowohi Dopotaeako ira ana guru-Do, ”Imepumpu iramo siba-sibano anu torea ka si hina tetadi-tadi.”

Mansado mpebose ta te'orua ba otolu kilo olaino, domengkita Ira i Yesu melempa a wawo uwoi rumangkuhio bangka atuu. Ka medoito iramo. Sine Dopotaeako ira, ”Ongkue andio, si medoito!”