ఇవ్నే ఖానుఖైయిన్‍ పాసల్తీ యేసు సీమోన్‍ పేతుర్న దేఖీన్‍ యోహాన్ను ఛియ్యోహుయోతె సీమోన్‍, అవ్నెతిబి తూ మన జాఖాత్తి ఫ్యార్‍కరూకరస్‍న్నా? కరి పుఛ్చావమా ఇనే ఓవో ప్రభూ, మే తునా ఫ్యార్‍కరూకరస్‍ కరి తునాస్‍ మాలంకరి ఇనేతి బోల్యొ; యేసునె మారు మ్హేండన చరావ్కరి ఇనేతి బోల్యొ. బుజేక్తార యో యోహాన్‍ ఛియ్యోహుయోతె సీమోన్‍ మన ఫ్యార్ కరుకరస్నా? కరి బెంమ్మనితార ఇనస్ పుఛ్చావమా ఇనే ఓహో ప్రభు మే తున ఫ్యార్‍కరుకరస్‍ కరి తూస్‍ మాలంకర్‍ లీస్కరి ఇనేతి బోల్యొ యేసునె మారు మ్హేండన కాప్లారవ్వోకరి బోల్యొ. తీన్మనుఛోట్‍ యో యోహాన్ను ఛియ్యోహుయోతె సీమోన్‍, మన ఫ్యార్ కరుకరస్నా? కరి తీన్మను ఛోట్‍ ఇనస్ పుఛ్చాయోకరి పేతుర్‍ ఇబ్బందిహుయిన్‍ ప్రభూ, తూ సమస్తంనా మాలంకర్యాకోస్‍, తున ఫ్యార్‍కరూకరస్‍ కరి తూస్‍ మాలంకర్‍లిస్కరి ఇనేతి బోల్యొ. యేసు బోల్యొ, మార మ్హేంఢన ఛరావో.