Ayat-ayat Alkitab Ternama dari Nuk 6

Bagikan

Kɛ anɛ kasɔŋ ɔtɨma ɔtaba; akɛa ɛbam ɛson kɛtiŋi tiŋi, anyɨghɛ tɛtɛ ɛson ɛwuru, na yɔ anɛ ara kɛa. Ɛsika ɔgara ɔkɛ ya atɨma agara akɛa.”

Ɛtiŋi nnɛ átere atiŋa nsɔn ka netem, na ka ɛbibi nnɛ akpe ɛbibi nkater. Ji nnɛ arɨgha ka nnyɔ ɛtɨŋɔ ji akɨgha ka netem, atubsi nnyɔ ɛrɨgha ji ɛsono nnɛ ka netem.

Ka ba nɨŋɔ anɛ ba ɛjiŋ akɔrɔ war, ba nem nnɔbɔ kɛɛ abɔɔ, ba kre bri si amama afɛrɛ ka ɛkpɨnɛ abɔɔ. Kasɔŋ ntoro ɛyɨrɛ atughu kɛtiŋi tiŋi, ɛfɨnɛ ɛnem anɛ agbɛrɛ si eré abɔɔ Agaga Nton yɔ ara né atiŋa nsɔn akɛɛ abibi anɛ ba nsɔn erɛjɔnɔ ɛto abɔɔ ka amar.

Bri anɛ ɛkpɔghɔsi, na ka Nsɔjire ka bɛsɔ ara bri.

“Krɛ rak afɛm anɛ kasɔŋ anɛ arɛ rak ya yá. Krɛ rak nɛgbɔghɔ nnɛ kasɔŋ wɔ ɔrɛ gbɔ. Tam sik anɛ kasɔŋ anɛ atɨma tam asigha.

“Ka ntɔ war ba ɛrɛ yɔghɔm, ba nɨŋɔ anɛ ba ɛjiŋ akɔrɔ war, ba nem nɛnɔbɔ ka anɛ ba ɛrɛ sɨgha, fɛn ɛtiŋi nkater tub anɛ ba ara tere ɛbibi atuba, ra kak njɔm kɛɛ anɛ ba ara nea ɛbibi.

Nem kɛɛ anɛ ɛsika ɔsɛbɛ si abɔɔ atɨma nem akɛa.

Ka nnɛ atá na nsab ka ɛkpɔghɔ kpeghe biga kɛɛ; nnɛ ataba na ɛnɨmɛ kruɛ kɛɛ ji ɔyɔbɔ ka na. Kɛɛ nnɛ nɛ yɔ abɔa, ka nnɛ ayuu na ɛjom ɛja, krɛ kpɛ kɔ.

“Si ɛtiŋi ɛte ɛrɨmɛ ɛkaba abibi akab; na ka ɛbibi ɛte ɛrɨmɛ ɛkaba anɔbɔ akab.

Ɔgbɛrɛ ɛte jiku ka akab ayɛ. Ɔmam ɔsaŋ akpor si mbii ka ɛkonogbɛ ajijɔŋɔ.