Ayat-ayat Alkitab Ternama dari Wenía 9

Berbagi

Askávai vanaói. “Tekísma ivo vana mato, matomẽsho revokatsa ivorasĩ, katsése chinã viayavorasĩ aká ẽ eneshoa. Askáinã mato ẽ neská ashõkatsa, anõsho mã onãtakĩ oĩti. Naí oshõ nawã vai ená ivo ẽ rakãkatsa, tekísma ivo vana anõsho onãtakĩ oĩnõvo iinã.

Nawã vai naí oshõ rakákémaĩnõ oĩki tekísma ivo vana mai shavapa chinã viayavorasĩ ato ẽ eneshoa ivo ẽ chinãkatsa”, akĩ.

Yora avé yora yamamakĩ imi ichná akãya ivo, aaivo yora kopiki avé yorãsevi yamamaókatsa. Awesáma, ẽ yora vimaki, ea keská akĩ ẽ shovimatisho ã ikí.

Askái Yové Koĩni Noé, ãwẽ vakerasĩnĩ ashõ vana roapa ato netãi vanai neskái. “Revosho, maitioi peás itsoma.

Katsé yoinavorasĩ mã piá roase. Vevõ, piti vaná mato ẽ kashma ashõti keskásevi akĩ, katseki mato ẽ kashma ashõóai.

Maĩ yoinavo, peiyavo, maĩ noyõ ikiya, maĩ meshoya, enẽ yoini akárasĩ mato rakéshoi shokokatsavo. Katsése mato ẽ kashma ashõai.

Askásho, revosho, maitioi peás itsoma, mai anõ atsoma”, ato akĩ.