Ayat-ayat Alkitab Ternama dari Matalikilo 3

Berbagi

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Ono nsoka yakalinga kucenjete kwiinda banyama boonse bamuluundu abo Mwaami Lesa mbwaakalenga. Nsoka yakeepusha mwanakashi ayi, “Sa ncakwiila Lesa wakamukasha kulya shisepo sha cisamu cili coonse mumuunda muno?”

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Lyalo wakaambila Adamu ayi, “Wakakutika mukaako akulya cisepo ca cisamu ncendakamukasha. Paceebo ceeci bulongo butooshinganishikwa. Aboobo mubuumi bwako boonse ulaakunoosebensa cankusu, kwaamba ayi bukukushile shakulya nshooelete.

Lesa wakeepusha ayi, “Ngani wakulwiita ayi uli matakosha? Sa walya shisepo nshindakamukasha kulya?”

Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Mpeeke Adamu wakatumba liina mukaakwe ayi “Efa”, ceebo ngomushali mwanakashi wa bantu boonse.