Ayat-ayat Alkitab Ternama dari Génesis 24

Bagikan

Tsëchömi TEYTA DIOSTA kënö mañakurqan: <<Patronnï Abraham markäkunqan TEYTA DIOS, patronnïta ankupar kanan yanapëkallämë llapanpis alli yarqïkunanpaq.

Mëqan shipashpis chämuqtam nishaq: <Puyñïkipita yakuta qarëkallämë> nir. Tsënö mañakuptï nimätsun: <Upurkullë. Camëllïkikunatapis yakütsimushaq>. Tsënö nimaq kaq këkullätsun Isaacpa warminpaq akranqëki shipash. Tsënöpam musyashaq patronnïta ankupar yanapanqëkita>>.

Tsëpitanam Isaacqa Rebecata pusharqan mamänin manaraq wanukur yachanqan toldu wayiman. Tsëchönam Rebecawan juntakar täkuyarqan. Rebecataqa Isaac alläpam kuyëkurqan. Tsëmi mamänin wanunqanpitapis llakikurqannatsu.

Ewkuyaptinnam bendisir kënö niyarqan: <<Wawëkikuna, willkëkikuna y pëkunapita miraqkuna atskaman mirar waranqa waranqa këkulläyätsun. Tsënölla mirëninkuna llapan contrankunata vencir munëninman churayätsun>>.

kë patsatapis ciëlutapis kamaq TEYTA DIOSPA shutinchö llapan ninqäta cumplinëkipaq änimë. Kë taranqä Canaán markakunapitaqa tsurïpaq warmin ama ashinkitsu. Tsëpa rantinqa castäkuna tëkäyanqan Harán markaman ëwar tsurïpa warmin kananpaq juk shipashta apamunki>>.