Ayat-ayat Alkitab Ternama dari KAHTAMYENGHAN 17

Bagikan

Aope Abram nyupuh wangpeng detu me tu ngoi, Youngwanpa Abram tangte ngai hüyange Ite i, “Taowa Ütahpa Kahwang, ü-sheshao me kemtüoh, hüyange nang ünu ye-ompe ngohtüoh.

Shaaji nangmin Abram she yenyiklak, hüpoi nang min Abraham she nyiklak; hangjingne jatlan maapu pajeiyong ne Taowe nang menge tamteki.

“Taowa nang jingne, hüyange nang phei me nanghu nanghalan jingne Kahwang ne ngohlak, Tao hei nang hüyange nang phei me nanghu nanghalan nipa me jin üshei me üküm yenangpu jiengjeppu ngoh lak jingne, Taowe ü-jiengjeppu anglak.

“Leitüoh, Taowe nang phei tüopa jiengjeppu yahnang: hüyange nanga jatlan maapu pajeiyong ne menglak, Taowe jannang.

Hüpoi Kahwange i, “Yeje, nenok shekonyu Sarah-e nangte netan moija paitamlak, hüyange nange I min Isaac she nyiklak; hüyange I phei me I huhalan jingne üküm yenangpu jiengjeppu ngohlak jingne Taowe I phei jiengjeppu linglak.

Hüyange Taowe nangte, hüyange nang tokphei me nanghuhalan te, nang kemyangpu kahtok, Kanan kahtok khongkümpu, jinte numan jingne menglak ne yah pha ning, hüyange Tao iman Kahwang ne menglak.”

Tüophei me Abraham sheta khuh-e ta hüyange nyi-e ngai hüyange yoi nying nyingke hüke i, “Kahta ja nyupuh wangpeng gho ngoi te phei te yoiha puhtam phalak a? Wangpeng detu ngoite phei piyong Sarah-e moipaipu oklak a?”

Hüyange Kahwange Abraham te i, “Shaaji nenok nyuyong te nange Sarai she yenyiklak; sha-a me peiye yha min Sarah she nyiklak.

Sha-a me peiye numan jing jupeng üsho khüplak; hüyange tüopawe temanpa me jiengjeppu yepinlakpa ne ngohlak.

Hüyangpoi Isaac aohipa Sarah-e ngaiwang hakih tingme puhlakei, I phei Taowe jiengjeppu yahlak.”

Numan yo me puh phei me nyih tet ngoipu, üsho khüptüoh. Numan jin üshei me netan lili nenok me puhpune jeyah, hengching mepu nginne shakpu, nang mepu üli ne yejeyapoi, üsho khüptüoh. Rhalan nenok me puhpaipu ne jeyah, hengjing mepu shak-e peipu ne jeyah, jupeng üsho khüplak wongpong. Hüyange Ü-jiengjeppu nang mei me üküm yenangpu jiengjeppu ne ngohlak.