Yoane 11
11
1Boto’omoi ayaaki la nkangi, Lazalo ona Betania, bonyanga bona Malia l’otoolo’onande Malata. 2Lazalo ayaaki mbangela ena Malia oho onohinyaki Nkolo l’auta bana mpimbo en’olotsi, ko onolifolaki bakak’anande la lifo linande. 3Bayato’ah’afe, botoolo l’akune, baotomela Yesu yoi, iy’ate, Nkolo, lenda, ende onok’e nganji aowa nkangi. 4Koko eneki Yesu ookaka, aila, ate, Nkangi ene efayali nkangi en’ewedi: eyali lacin’ena lokumo lona Yakomba, lacin’eho Bon’ona Yakomba akumyame l’eho. 5Yesu aokaki Malata l’akune’onande ko la Lazalo nganji. 6Lacin’eho, eneki’nd’ookak’oka ayali la nkangi; aocikala bekolo bekin’efe en’edye eneki’nd’oyalaka. 7Ena mbus’eho aosumola bakili, ate, Tutwake ena Yudea lakina. 8Bakili bamosumola, iy’ate, Labi, Ba-Yuda bafonaki nko kekeke’ane lacina bakofusele baufe, ko ocoa meho lakina? 9Yesu aokutola, ate, Bin’omoko bofayali nde la heures jo l’ife? Nk’oto aselasela l’ane afapusumwa, lacin’ende aena fololo ena loko lone. 10Koko yomb’oto aselasela l’oco, apusumwa, lacina enefana fololo eneyal’ende. 11Aotenda baoyi’aho, ko ena mbusa amasumola, ate, Efili eniso eka Lazalo aeci en’ilo; koko emi locoa oyeetoia en’ilo. 12Koko bakili’anande baila, Mbo Nkolo, yombo aeci, tumbe angika. 13Yesu atendaki lacin’ena bewedi benande; koko iyo baokanel’oka atendaki lacin’ena mpomya en’ilo. 14Nkwaho Yesu amasumola fololo, ate, Lazalo amowa; 15koko lakik’ekiko enetayal’emi meho, lacin’eho ino bimedya. Mbo tocu eneyal’ende. 16Toma, onotangama Yasa, aosumola bakili’amoi, ate, Tocoake nkoho, lacina towu iso l’ende.
17Eneki Yesu oyelaka meho aosungy’oka amoyala ena nketa bekol’enei. 18Betania eyaaki mbolimboli la Yelusalema, nko kilometres isaso en’atenyi. 19Ko bike bona Ba-Yuda baoya eneyali Malata la Malia lacina bayoledy’iyo lacin’ena mbangela eniyo. 20Koko eneki Malata ookak’oka Yesu amoya, aocoa oyukana l’ende, koko Malia aocikala en’otumba. 21Malata aosumola Yesu, ate, Nkolo, yombo oyaaki mendo, tumbe mbangela enami atawa. 22Koko le isanga emi ley’oka yoi lin’etaketaka linayufol’e Yakomba, Yakomba, angokofa. 23Yesu amosumola, ate, Mbangela ene angetwa lakina en’ewedi. 24Malata amosumola, ate, Ley’oka angetwa lakina en’eetwelo en’ina bona nsimbo. 25Yesu amosumola, ate, Emi nde nde Eetwelo ko la Liiko; ende ononjimedy’emi, kang’aowa, angika; 26ko boto l’oto onoyaike, ko anjimedy’emi, afawaki tu. Oimedya nde yoi line? 27Ate, O, Nkolo; mimedy’oka E onde Masiya, Bon’ona Yakomba, nk’ende onoya ena loko. 28Ko eneki’nd’otendaka baoyi’ane, aocoa oyelela bakune’onande ena lokuko, ate, Bolaki ayali, ko akelela. 29Eneki’nd’ookaka yoi line, aemala isasanga, ko aocoa eneyal’ende. 30En’esik’eho Yesu atafole en’onyanga: ayaaki nk’en’edye eneki Malata oukanaka l’ende. 31Ba-Yuda banayaaki en’otumba la Malia, ko banolombwelaki lokeseli, enek’iy’oenaka Malia aemala nkwaho ko aofola, bamokila, lacin’iyo bakanelaki’oka amocoa olela ena nketa. 32Koko eneki Malia oyelaka en’edye eneki Yesu oyalaka, ko ameena, aokwa en’akak’anande, ko amosumola, ate, Nkolo, yombo oyaaki mendo, tumbe mbangela enami atawa. 33Eneki Yesu oenak’ende ayalele, ko Ba-Yuda banayaki l’ende bayalele, aotatana en’otem’onande, ko botem’onande bokeswa la lokeseli, ko aila, ate, 34Bomolokunja meya? Iy’ate, Nkolo, yak’oyene. 35Yesu aolela mposoli. 36Nkwaho Ba-Yuda baila, Mbo lenda, bokotua bona nganji eneki’nd’ookak’ende! 37Ko bamoi’aniyo baila, iy’ate, Boto’one onolifolaki baiso ban’iyo banodyaki’aiso, atakolana nde lisimbya bewedi ben’oto’one, lacina afawu? 38Lacin’eho, Yesu aotatana lakina en’otema, aoya ena nketa. Eho eyaaki bokole ena lufe liney’okolo, ko lufe limoi yekama en’ofolo. 39Yesu aila, ate, Bumola lufe. Malata, mbangela enande onowaki, amosumola, ate, Nkolo, amosila licoa nsole, lacina amowa bekol’enei. 40Yesu amosumola, ate, Ntakosumola nde, nk’iimedya, ongena bofilo bona Yakomba? 41Koko baoumola lufe. Ko Yesu aenol’aiso’anande ena liko, aila, ate, Bafango, lakokumya lokumo lacin’oka onjokaki; 42ko emi njeyaki’oka ondofamela bisike bihitu; ohonde lotendaka yok’osamb’one lacin’ena bato bik’ike banemali mane, lacin’eho iyo baimedy’oka e kongontomaki. 43Ko eneki’nd’otendaka baoyi’ane, aololua la lofoso lona lokolo, ate, Lazalo, folaka! 44Ko ende onowaki aofola, bakaka l’akasa nko ndingamela l’isenda bina nkunja, ko elongi nko ndingamela l’itambala. Yesu amasumola, ate, Bokakole, acu.
45Nkwaho bike bona Ba-Yuda banayaki eneyali Malia, ko baenaki ekambwa eneki Yesu okambaka, baimedy’ende. 46Ohonde bamoi baocoa eneyali Bafalusi, ko bamasumola baoyi banaki Yesu okambaka.
47Nkwaho nkanga ina toome la Bafalusi baosolonganya likita, ko baila, iy’ate, Tongil’oya? lacina boto’one aila ndembi bike. 48Nko tomocika yok’osamb’one, tumbe bato bahatu bangiimedya. Ko baise Loma bangoya, ko bangotokumola le bonyang’oniso le bato’aniso. 49Koko omoi’oniyo, Kayafa, onoyaaki. nkanga iyome ena mbula eho, amasumola. ate, Ino bofanonganya yoi limoko, 50ko botakanel’oka ekoli lacina boto’omoko awu lacin’ena bato’aniso, bato’aniso bahatu batoyowa. 51Aotenda yok’osamb’oho, efa lacin’enandamene: nko lacin’oka ayaaki nkanga iyome ena mbula eho, ko alakamaki en’olimo lacina ail’oka Yesu angowela bato’aniyo, 52ko efa lacin’en’ato’aho kei, ohonde lacina asolonganya ena botong’omoko bana bana Yakomba banafalangasanyi. 53Bina l’ina ena mbus’eho baang’eango lacina baoyake. 54Lacin’eho, Yesu atut’oselalsela ena ntoto ena Ba-Yuda ena fololo; auma meho, ko aocoa ena benyanga benoli la sengelenge, en’ecimo enetangama Efulaima, ko aoyalama meho, ende l’akili’anande. 55Koko elambedya ena Ba-Yuda, nk’ena Etelo, eolama; ko bike bon’ato baocika benyanga, ko baocoa ena Yelusalema en’oso bon’elambedya, lacina bayokul’iyoamene. 56Baofona Yesu; ko enem’iy’oemala en’otumba bona Yakomba baotendana, Mbo ino bokanel’oya? Angoya nde en’elambedya? 57Ko nkanga ina toome la Bafalusi baosekodya yoi, lacina boto on’etaketaka oney’oka Yesu ayali en’edye ntutuma atende, lacina baunde.
Pilihan Saat Ini:
Yoane 11: BBY62
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Bokanda Bona Yakomba Bon’ototo © Alliance Biblique de la R. D. Congo, 1962
Yoane 11
11
1Boto’omoi ayaaki la nkangi, Lazalo ona Betania, bonyanga bona Malia l’otoolo’onande Malata. 2Lazalo ayaaki mbangela ena Malia oho onohinyaki Nkolo l’auta bana mpimbo en’olotsi, ko onolifolaki bakak’anande la lifo linande. 3Bayato’ah’afe, botoolo l’akune, baotomela Yesu yoi, iy’ate, Nkolo, lenda, ende onok’e nganji aowa nkangi. 4Koko eneki Yesu ookaka, aila, ate, Nkangi ene efayali nkangi en’ewedi: eyali lacin’ena lokumo lona Yakomba, lacin’eho Bon’ona Yakomba akumyame l’eho. 5Yesu aokaki Malata l’akune’onande ko la Lazalo nganji. 6Lacin’eho, eneki’nd’ookak’oka ayali la nkangi; aocikala bekolo bekin’efe en’edye eneki’nd’oyalaka. 7Ena mbus’eho aosumola bakili, ate, Tutwake ena Yudea lakina. 8Bakili bamosumola, iy’ate, Labi, Ba-Yuda bafonaki nko kekeke’ane lacina bakofusele baufe, ko ocoa meho lakina? 9Yesu aokutola, ate, Bin’omoko bofayali nde la heures jo l’ife? Nk’oto aselasela l’ane afapusumwa, lacin’ende aena fololo ena loko lone. 10Koko yomb’oto aselasela l’oco, apusumwa, lacina enefana fololo eneyal’ende. 11Aotenda baoyi’aho, ko ena mbusa amasumola, ate, Efili eniso eka Lazalo aeci en’ilo; koko emi locoa oyeetoia en’ilo. 12Koko bakili’anande baila, Mbo Nkolo, yombo aeci, tumbe angika. 13Yesu atendaki lacin’ena bewedi benande; koko iyo baokanel’oka atendaki lacin’ena mpomya en’ilo. 14Nkwaho Yesu amasumola fololo, ate, Lazalo amowa; 15koko lakik’ekiko enetayal’emi meho, lacin’eho ino bimedya. Mbo tocu eneyal’ende. 16Toma, onotangama Yasa, aosumola bakili’amoi, ate, Tocoake nkoho, lacina towu iso l’ende.
17Eneki Yesu oyelaka meho aosungy’oka amoyala ena nketa bekol’enei. 18Betania eyaaki mbolimboli la Yelusalema, nko kilometres isaso en’atenyi. 19Ko bike bona Ba-Yuda baoya eneyali Malata la Malia lacina bayoledy’iyo lacin’ena mbangela eniyo. 20Koko eneki Malata ookak’oka Yesu amoya, aocoa oyukana l’ende, koko Malia aocikala en’otumba. 21Malata aosumola Yesu, ate, Nkolo, yombo oyaaki mendo, tumbe mbangela enami atawa. 22Koko le isanga emi ley’oka yoi lin’etaketaka linayufol’e Yakomba, Yakomba, angokofa. 23Yesu amosumola, ate, Mbangela ene angetwa lakina en’ewedi. 24Malata amosumola, ate, Ley’oka angetwa lakina en’eetwelo en’ina bona nsimbo. 25Yesu amosumola, ate, Emi nde nde Eetwelo ko la Liiko; ende ononjimedy’emi, kang’aowa, angika; 26ko boto l’oto onoyaike, ko anjimedy’emi, afawaki tu. Oimedya nde yoi line? 27Ate, O, Nkolo; mimedy’oka E onde Masiya, Bon’ona Yakomba, nk’ende onoya ena loko. 28Ko eneki’nd’otendaka baoyi’ane, aocoa oyelela bakune’onande ena lokuko, ate, Bolaki ayali, ko akelela. 29Eneki’nd’ookaka yoi line, aemala isasanga, ko aocoa eneyal’ende. 30En’esik’eho Yesu atafole en’onyanga: ayaaki nk’en’edye eneki Malata oukanaka l’ende. 31Ba-Yuda banayaaki en’otumba la Malia, ko banolombwelaki lokeseli, enek’iy’oenaka Malia aemala nkwaho ko aofola, bamokila, lacin’iyo bakanelaki’oka amocoa olela ena nketa. 32Koko eneki Malia oyelaka en’edye eneki Yesu oyalaka, ko ameena, aokwa en’akak’anande, ko amosumola, ate, Nkolo, yombo oyaaki mendo, tumbe mbangela enami atawa. 33Eneki Yesu oenak’ende ayalele, ko Ba-Yuda banayaki l’ende bayalele, aotatana en’otem’onande, ko botem’onande bokeswa la lokeseli, ko aila, ate, 34Bomolokunja meya? Iy’ate, Nkolo, yak’oyene. 35Yesu aolela mposoli. 36Nkwaho Ba-Yuda baila, Mbo lenda, bokotua bona nganji eneki’nd’ookak’ende! 37Ko bamoi’aniyo baila, iy’ate, Boto’one onolifolaki baiso ban’iyo banodyaki’aiso, atakolana nde lisimbya bewedi ben’oto’one, lacina afawu? 38Lacin’eho, Yesu aotatana lakina en’otema, aoya ena nketa. Eho eyaaki bokole ena lufe liney’okolo, ko lufe limoi yekama en’ofolo. 39Yesu aila, ate, Bumola lufe. Malata, mbangela enande onowaki, amosumola, ate, Nkolo, amosila licoa nsole, lacina amowa bekol’enei. 40Yesu amosumola, ate, Ntakosumola nde, nk’iimedya, ongena bofilo bona Yakomba? 41Koko baoumola lufe. Ko Yesu aenol’aiso’anande ena liko, aila, ate, Bafango, lakokumya lokumo lacin’oka onjokaki; 42ko emi njeyaki’oka ondofamela bisike bihitu; ohonde lotendaka yok’osamb’one lacin’ena bato bik’ike banemali mane, lacin’eho iyo baimedy’oka e kongontomaki. 43Ko eneki’nd’otendaka baoyi’ane, aololua la lofoso lona lokolo, ate, Lazalo, folaka! 44Ko ende onowaki aofola, bakaka l’akasa nko ndingamela l’isenda bina nkunja, ko elongi nko ndingamela l’itambala. Yesu amasumola, ate, Bokakole, acu.
45Nkwaho bike bona Ba-Yuda banayaki eneyali Malia, ko baenaki ekambwa eneki Yesu okambaka, baimedy’ende. 46Ohonde bamoi baocoa eneyali Bafalusi, ko bamasumola baoyi banaki Yesu okambaka.
47Nkwaho nkanga ina toome la Bafalusi baosolonganya likita, ko baila, iy’ate, Tongil’oya? lacina boto’one aila ndembi bike. 48Nko tomocika yok’osamb’one, tumbe bato bahatu bangiimedya. Ko baise Loma bangoya, ko bangotokumola le bonyang’oniso le bato’aniso. 49Koko omoi’oniyo, Kayafa, onoyaaki. nkanga iyome ena mbula eho, amasumola. ate, Ino bofanonganya yoi limoko, 50ko botakanel’oka ekoli lacina boto’omoko awu lacin’ena bato’aniso, bato’aniso bahatu batoyowa. 51Aotenda yok’osamb’oho, efa lacin’enandamene: nko lacin’oka ayaaki nkanga iyome ena mbula eho, ko alakamaki en’olimo lacina ail’oka Yesu angowela bato’aniyo, 52ko efa lacin’en’ato’aho kei, ohonde lacina asolonganya ena botong’omoko bana bana Yakomba banafalangasanyi. 53Bina l’ina ena mbus’eho baang’eango lacina baoyake. 54Lacin’eho, Yesu atut’oselalsela ena ntoto ena Ba-Yuda ena fololo; auma meho, ko aocoa ena benyanga benoli la sengelenge, en’ecimo enetangama Efulaima, ko aoyalama meho, ende l’akili’anande. 55Koko elambedya ena Ba-Yuda, nk’ena Etelo, eolama; ko bike bon’ato baocika benyanga, ko baocoa ena Yelusalema en’oso bon’elambedya, lacina bayokul’iyoamene. 56Baofona Yesu; ko enem’iy’oemala en’otumba bona Yakomba baotendana, Mbo ino bokanel’oya? Angoya nde en’elambedya? 57Ko nkanga ina toome la Bafalusi baosekodya yoi, lacina boto on’etaketaka oney’oka Yesu ayali en’edye ntutuma atende, lacina baunde.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Bokanda Bona Yakomba Bon’ototo © Alliance Biblique de la R. D. Congo, 1962