RAPHA HIQWA LAK 3
3
Maiqse Raq Tri Jinto
1Riita Tati Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”
2“Naishiq raq sonruk mong wa petsi ka jamlai phan tsi li jiimin asea mimai,” nguta jechak nyung raq treto. 3“Shatmaq sonruk mong ba na sitlaq chongtsi ka asea maimak. Shiikeawe raq kra chongtsi ka sea maimak nguta chongto. Kiimaq jaq maq shamkai min maimak. Kra riihaila, naishiq ka atsai miraq.”
4Kiijaq paü raq treto, “Kriika teng mak; namshiq ka tsai man. 5Shiikeawe raq kra ngutiika, namshiq raq kra siq hanla, namshiq ka Shiikeawe ikha miraq kiimaq ahea abi ka misap han. Kra ningkhan na nguto.”
6Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto. 7Tsangnai raq petsi kra sealot ri li she, tsangnai ma atak wan tsantsii ka kuqto. Kiimaq tsangnai ka naiqhü ngutiishe sapto. Kra ningkhan tsangnai raq phupmup jaq thun ka adam na tiidiim chhangto. Raüta kriimaq tsangnai khum ka tiipangto.
8Kra raji tsangnai raq Tati Shiikeawe ka sonruk na akhum trang taito. Kiimaq tsangnai ka apaiq raq chhijiiq nguta pero mong na tiipaüto. 9Shatmaq Tati Shiikeawe raq kra maiqwe ka heato, “Ümnaq ümbano?”
10Kiijiishe apaiq raq treto, “Ngi raq ümnaq khum trang sonruk na taikang. Ngi ka haisi. Kra ningkhan ümniiraq chhijiiq nguta tiipaü tiikang. Jamto ngukla ngi ka kheahü ma.”
11“Ümniika kheahü ma nguta ümniima juro chongta?” Shiikeawe raq waito. “Ngi raq petsi naqsiqkiq nguta chongpha irsha siqlaü?”
12Kra maiqwe raq treto, “Jechak nyung ümniiraq arjaq ngi rai tiisi damlaü iriiraq ngi ma petsi ka kuqto. Kiimaq ngi raq kra siqkang.”
13Kiijiishe Tati Shiikeawe raq jechak nyung kiima waito, “Ümniiraq ara jamlai wa riilaü?”
Kriinyung raq treto, “Paü raq ngi lao raüta tiisiqto.”
Shiikeawe Raq Kha Ka Photo
14Kiijiishe Tati Shiikeawe raq paü kiima nguto, “Arkha na ümniiraq mo mihohaü. Ngamsaü ngiqse phong tlotli khuthaq wa ara miitu manson ka ümniiriili she miho haü. Ümchaü armiishe ümniika ümwokpo maq tiihit laüta mikhum haü. Kiimaq ümniika atra sitlaü wiiwii hiqwin phaqsiq laüta misi haü. 15Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”
16Kiimaq apaiq raq jechak nyung ma nguto, “Ngi raq ümsewok hotlaü liipan na chamchao mitiipaha. Kiimaq nowüchhi na tsihea mitiitsiha. Atinkhan chamchao taü miimin, ümwese ma roriitsi ka ümtsan na tsi ruqli miraq. Li jiimin ümniika apaiq wokhong na misi haü.”
17Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü. 18Hiq raq sang nai shuk rii she mitiicham wan kiimaq ümniika rum na acham pechong wiirü kra phaqsiq laütiishe misi haü. 19Ümniika wak shamsea kai niiko laüta ralamsa raütiitiq hiq wa aphaq sea chang ka midong. Arka ümrilung pattup ümkhum lochang hiq da ma mijaki nong haü shaq wiiwii niiruq misihaü.”
20Atam raq tsang-nyung ka Ewaq nguta mangto. Jamkhano ngukla apaiq ka maiqse tlotli ma anyung jong riito. 21Kiimaq Tati Shiikeawe raq Atam nai tsang-nyung miitu ngamkhii wa khea klo kuqto. Raüta apaiq raq tsangnai ma khea tiisam kuqto.
Atam Nai Ewaq Ka Sonruk Mongwa Jobaiqto
22Kiijiishe Tati Shiikeawe raq nguto, “Ümchaü maiqwe ka nashiq akha maiq ashi jakito. Kiimaq ahea nai abi sap wan phaqchi ka lapto she. Apaiq ma rilung petsi chong kiiwa petsi ka pan raüta tiisea maimak raüta pattup pat-sa atrali she tiisi raamak.” 23Kriikha niishe Tati Shiikeawe raq apaiq ka Eden Sonruk mong wa kiholaq nguta aming kuqto. Raüta apaiq khum tiiq chang hiq kra tiishamseakai she tiiki baiqto. 24Kra raü tiishe sonruk shedong nü siim kiijaq apaiq raq cherubim thun ka nai walütu nepja ashi trotam na khumti kra thüto. Arka rilung petsi chong tho na jumin walot mak chang miitu thüto.
Pilihan Saat Ini:
RAPHA HIQWA LAK 3: TANGSBSI
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 3
3
Maiqse Raq Tri Jinto
1Riita Tati Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”
2“Naishiq raq sonruk mong wa petsi ka jamlai phan tsi li jiimin asea mimai,” nguta jechak nyung raq treto. 3“Shatmaq sonruk mong ba na sitlaq chongtsi ka asea maimak. Shiikeawe raq kra chongtsi ka sea maimak nguta chongto. Kiimaq jaq maq shamkai min maimak. Kra riihaila, naishiq ka atsai miraq.”
4Kiijaq paü raq treto, “Kriika teng mak; namshiq ka tsai man. 5Shiikeawe raq kra ngutiika, namshiq raq kra siq hanla, namshiq ka Shiikeawe ikha miraq kiimaq ahea abi ka misap han. Kra ningkhan na nguto.”
6Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto. 7Tsangnai raq petsi kra sealot ri li she, tsangnai ma atak wan tsantsii ka kuqto. Kiimaq tsangnai ka naiqhü ngutiishe sapto. Kra ningkhan tsangnai raq phupmup jaq thun ka adam na tiidiim chhangto. Raüta kriimaq tsangnai khum ka tiipangto.
8Kra raji tsangnai raq Tati Shiikeawe ka sonruk na akhum trang taito. Kiimaq tsangnai ka apaiq raq chhijiiq nguta pero mong na tiipaüto. 9Shatmaq Tati Shiikeawe raq kra maiqwe ka heato, “Ümnaq ümbano?”
10Kiijiishe apaiq raq treto, “Ngi raq ümnaq khum trang sonruk na taikang. Ngi ka haisi. Kra ningkhan ümniiraq chhijiiq nguta tiipaü tiikang. Jamto ngukla ngi ka kheahü ma.”
11“Ümniika kheahü ma nguta ümniima juro chongta?” Shiikeawe raq waito. “Ngi raq petsi naqsiqkiq nguta chongpha irsha siqlaü?”
12Kra maiqwe raq treto, “Jechak nyung ümniiraq arjaq ngi rai tiisi damlaü iriiraq ngi ma petsi ka kuqto. Kiimaq ngi raq kra siqkang.”
13Kiijiishe Tati Shiikeawe raq jechak nyung kiima waito, “Ümniiraq ara jamlai wa riilaü?”
Kriinyung raq treto, “Paü raq ngi lao raüta tiisiqto.”
Shiikeawe Raq Kha Ka Photo
14Kiijiishe Tati Shiikeawe raq paü kiima nguto, “Arkha na ümniiraq mo mihohaü. Ngamsaü ngiqse phong tlotli khuthaq wa ara miitu manson ka ümniiriili she miho haü. Ümchaü armiishe ümniika ümwokpo maq tiihit laüta mikhum haü. Kiimaq ümniika atra sitlaü wiiwii hiqwin phaqsiq laüta misi haü. 15Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”
16Kiimaq apaiq raq jechak nyung ma nguto, “Ngi raq ümsewok hotlaü liipan na chamchao mitiipaha. Kiimaq nowüchhi na tsihea mitiitsiha. Atinkhan chamchao taü miimin, ümwese ma roriitsi ka ümtsan na tsi ruqli miraq. Li jiimin ümniika apaiq wokhong na misi haü.”
17Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü. 18Hiq raq sang nai shuk rii she mitiicham wan kiimaq ümniika rum na acham pechong wiirü kra phaqsiq laütiishe misi haü. 19Ümniika wak shamsea kai niiko laüta ralamsa raütiitiq hiq wa aphaq sea chang ka midong. Arka ümrilung pattup ümkhum lochang hiq da ma mijaki nong haü shaq wiiwii niiruq misihaü.”
20Atam raq tsang-nyung ka Ewaq nguta mangto. Jamkhano ngukla apaiq ka maiqse tlotli ma anyung jong riito. 21Kiimaq Tati Shiikeawe raq Atam nai tsang-nyung miitu ngamkhii wa khea klo kuqto. Raüta apaiq raq tsangnai ma khea tiisam kuqto.
Atam Nai Ewaq Ka Sonruk Mongwa Jobaiqto
22Kiijiishe Tati Shiikeawe raq nguto, “Ümchaü maiqwe ka nashiq akha maiq ashi jakito. Kiimaq ahea nai abi sap wan phaqchi ka lapto she. Apaiq ma rilung petsi chong kiiwa petsi ka pan raüta tiisea maimak raüta pattup pat-sa atrali she tiisi raamak.” 23Kriikha niishe Tati Shiikeawe raq apaiq ka Eden Sonruk mong wa kiholaq nguta aming kuqto. Raüta apaiq khum tiiq chang hiq kra tiishamseakai she tiiki baiqto. 24Kra raü tiishe sonruk shedong nü siim kiijaq apaiq raq cherubim thun ka nai walütu nepja ashi trotam na khumti kra thüto. Arka rilung petsi chong tho na jumin walot mak chang miitu thüto.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.