لَاتَانٛوجِ 1
1
اَللَّه تَغِ کُوجٜ عٜ يِمْࢡٜ
1حَا ڢُطَّمْ اَللَّه تَغِ عَسَمَنْجِ عٜ لٜسْدِ؞ 2لٜسْدِ طٛنّٛ شٛوکْرِ، وَلَانٛ کٛو طُمٜ دٛوْ مَارِ، ࢩِࢡْرٜ سُدِّنٛ عِلَمْجِ لُغُّطِ؞ رُوحُ اَللَّه طٛنّٛ يِيلٛ دٛوْ ندِيَمْجِ؞
3ندٜنْ اَللَّه وِعِ: «أَلنّٛورَ لَاتٛ#2 کٛرِنْتُعٜنْ 4:6؞؞» کَ لَاتِ؞ 4اَللَّه يِعِ کَ وٛوطِ؞ ندٜنْ عٛسٜنْدِ حَکُّندٜ أَلنّٛورَ عٜ ࢩِࢡْرٜ؞ 5عٛعِنْدِ أَلنّٛورَ ࢩَلَوْمَ، ࢩِࢡْرٜ بٛو عٛعِنْدِ طُمْ جٜمَّ؞ حِيرِ، وٜىٰتِ، طُمْ ࢩَلَادٜ عَرَنْدٜىٰرٜ؞
6اَللَّه وِعِ: «سٜنْدٛودٜ لَاتٛ شَکَ ندِيَمْجِ، نغَمْ سٜنْدُغٛ حَکُّندٜ مَاجِ؞» نٛنْ طُمْ لَاتٛرِ؞ 7اَللَّه وَطِ سٜنْدٛودٜ مَاجُمْ؞ عٛسٜنْدِرِ ندِيَمْجِ لٜسْ بٜى ندِيَمْجِ دٛوْ؞ 8اَللَّه عِنْدِ سٜنْدٛودٜ مَاجُمْ عَسَمَ؞ حِيرِ، وٜىٰتِ، طُمْ ࢩَلَادٜ طِطَوْرٜ#2 ݠِيٜرْ 3:5؞؞
9اَللَّه وِعِ: «ندِيَمْ لٜسْ عَسَمَ مٛوࢡٛ نٛکُّورٜ وٛورٜ، حَا جٛورْطُمْ وَنغَ؞» نٛنْ طُمْ لَاتٛرِ؞ 10اَللَّه عِنْدِ جٛورْطُمْ لٜسْدِ، مٛوࢡٛرْدٜ ندِيَمْجِ بٛو، عٛعِنْدِ طُمْ مبٜىٰلَ؞ اَللَّه لَارِ طُمْ وٛوطِ؞ 11ندٜنْ عٛوِعِ: «لٜسْدِ ڢُطْنَ ڢُطْنغٛوجِ، وَاتٛ حُطٛ مَرْکٛ عَاوْدِ عٜ حَاکٛوجِ مَرْطِ عَاوْدِ، لٜطّٜ دِمٛوجٜ ࢡِࢡّٜ بٜى عَاوْدِ ندٜرْ مُوطُمْعٜنْ دٛوْ لٜسْدِ، کٛو طُمٜ ڢُو ڢٛدّٜ عَسْلِ مُوطُمْ؞» نٛنْ طُمْ لَاتٛرِ؞ 12لٜسْدِ ڢُطْنِ حُطٛ مَرْکٛ عَاوْدِ عٜ حَاکٛوجِ مَرْطِ عَاوْدِ ڢٛدّٜ عَسْلِ مُوطُمْعٜنْ، نٛنْ بٛو لٜطّٜ دِمٛوجٜ ࢡِࢡّٜ بٜى عَاوْدِ ندٜرْ مُوطُمْعٜنْ، کٛو طٜيٜ ڢُو ڢٛدّٜ عَسْلِ مُوطُمْعٜنْ؞ اَللَّه لَارِ طُمْ وٛوطِ؞ 13حِيرِ، وٜىٰتِ، طُمْ ࢩَلَادٜ تَتَࢡْرٜ؞
14اَللَّه وِعِ: «جَيْلِ لَاتٛ حَا عَسَمَ نغَمْ سٜنْدِندِرْغٛ ࢩَلَوْمَ بٜى جٜمَّ؞ طِ لَاتٛ عَلَامَاجِ نغَمْ عَنْدُغٛ وَکَّتِيجِ جُولْطٜ، نٛنْ بٛو ࢩَلْطٜ عٜ دُوࢡِ؞ 15جَيْلِ طِعِ لَاتٛ حَا عَسَمَ نغَمْ يَيْنَنْغٛ لٜسْدِ؞» نٛنْ طُمْ لَاتٛرِ؞ 16اَللَّه وَطِ جَيْلِ مَوْطِ طِطِ: جَيْنغٛلْ ࢡُرْنغٛلْ مَوْنُغٛ وَاتٛ: نَانغٜ، لَامِ ࢩَلَوْمَ، ݠَمَرٛلْ بٛو، وَاتٛ: لٜوْرُ، لَامِ جٜمَّ؞ عٛوَطِ بٛو کٛودٜ؞ 17عٛجٛعِّنِ طِ حَا عَسَمَ نغَمْ يَيْنَنْغٛ لٜسْدِ، 18نغَمْ لَامَاغٛ ࢩَلَوْمَ عٜ جٜمَّ بٛو نغَمْ سٜنْدِندِرْغٛ أَلنّٛورَ بٜى ࢩِࢡْرٜ؞ اَللَّه لَارِ طُمْ وٛوطِ؞ 19حِيرِ، وٜىٰتِ، طُمْ ࢩَلَادٜ نَيَࢡْرٜ؞
20اَللَّه وِعِ: «ندِيَمْ حٜىٰوِرَ کُوجٜ مَرْطٜ يٛنغْکِ، شٛلِّ بٛو ݠِيرَ حَا عَسَمَ، حَا دٛوْ لٜسْدِ» نٛنْ طُمْ لَاتٛرِ؞ 21اَللَّه تَغِ کُوجٜ مَوْطٜ ندٜرْ ندِيَمْ عٜ عَسْلِ کٛ وُورَتَ عٜ کٛ وَانْشَتَ عٜ کٛ دِمْبٛتٛ ڢُو ندٜرْ ندِيَمْ؞ نٛنْ بٛو شٛلِّ مَرْطِ بِلٜىٰجِ – کٛو طُمٜ ڢُو ڢٛدّٜ عَسْلِ مُمْ؞ اَللَّه لَارِ طُمْ وٛوطِ؞ 22عٛبَرْکِطِنِ طُمْ، عٛوِعِ: «ندِمْندِمْنٜ، طُوطٜ، کٜبِّنٜ ندِيَمْجِ ندٜرْ بٜىٰلِ، شٛلِّ بٛو طُوطَ دٛوْ لٜسْدِ؞» 23حِيرِ، وٜىٰتِ، طُمْ ࢩَلَادٜ جٛوَࢡْرٜ؞
24اَللَّه وِعِ: «لٜسْدِ وُرْتِنَ عَسْلِ دَبَّاجِ ڢُو: طِ سَارٜ، لَدٛوجِ، دَبَّاجِ طِ لَدّٜ، کٛو طُمٜ ڢُو ڢٛدّٜ عَسْلِ مُوطُمْ؞» نٛنْ طُمْ لَاتٛرِ؞ 25اَللَّه وَطِ دَبَّاجِ لَدّٜ ڢٛدّٜ عَسْلِ مَاجِ عٜ دَبَّاجِ سَارٜ ڢٛدّٜ عَسْلِ مَاجِ عٜ لَدٛوجِ ڢٛدّٜ عَسْلِ مَاجِ؞ عٛلَارِ طُمْ وٛوطِ؞
26اَللَّه وِعِ: «عٜنْ مبَطَ نٜطّٛ#1 کٛرِنْتُعٜنْ 11:7؞ دٛوْ جَاتِ مٜىٰطٜنْ، دٛوْ نَنْدَلْ مٜىٰطٜنْ؞ عٛلَامَنٛ لِطِّ ندٜرْ مبٜىٰلَ، شٛلِّ عٜ دَبَّاجِ عٜ کُوجٜ لَدّٜ عٜ لَدٛوجِ دٛوْ لٜسْدِ ڢُو؞» 27اَللَّه تَغِ نٜطّٛ دٛوْ جَاتِ مُوطُمْ، عٛتَغِمٛ دٛوْ نَنْدَلْ مَاکٛ، عٛتَغِ غٛرْکٛ عٜ دٜبّٛ#مَتَّ 19:4؛ مَرْکُسْ 10:6؛ 1 کٛرِنْتُعٜنْ 11:7؞؞ 28اَللَّه بَرْکِطِنِ ࢡٜ، وِعِ ࢡٜ: «ندَࢩٜ، طُوطٜ، کٜبِّنٜ لٜسْدِ، لَامَنٜ ندِ! لَامَنٜ لِطِّ ندٜرْ مبٜىٰلَ عٜ شٛلِّ عٜ دَبَّاجِ نغَانْشٛتٛوطِ دٛوْ لٜسْدِ ڢُو#لَاتَانٛوجِ 5:1-32؞!» 29اَللَّه وِعِ: «ندَا، مِحٛکِّ عٛنْ ڢُطْنغٛوجِ دِمٛوجِ دٛوْ لٜسْدِ ڢُو، نٛنْ بٛو لٜطّٜ مَرْطٜ ࢡِࢡّٜ بٜى عَاوْدِ ندٜرْ مُوطُمْعٜنْ، طُمْ لَاتٛتٛ ࢩَامْدُ مٛوطٛنْ؞ 30دَبَّاجِ لٜسْدِ عٜ شٛلِّ عٜ کٛ وَانْشَتَ دٛوْ لٜسْدِ ڢُو، وَاتٛ کٛ مَرِ يٛنغْکِ ڢُو، مِحٛکِّ طُمْ حَاکٛ حٜشّٛ نغَمْ ࢩَامُغٛ؞» نٛنْ طُمْ لَاتٛرِ؞ 31اَللَّه يِعِ کٛ عٛوَطِ ڢُو، طُمْ بٛوطُّمْ مَسِنْ؞ حِيرِ، وٜىٰتِ، طُمْ ࢩَلَادٜ جٛوٜىٰغٛعٛورٜ؞
Pilihan Saat Ini:
لَاتَانٛوجِ 1: داَ
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Fulfulde Bible Ajamiya © Bible Society of Cameroon, 2016.