Chhóng-sṳ Ki 1
1
Song-ti ke Chhóng-chho
1Thai-chhû, Song-ti chhóng-chho thiên-thi. 2Thi hàn-he khûng-khûng, màng-yû sṳ̀n-hìn; vû-am châ-tén chhṳ̂m-yên; Song-ti ke Lìn chhai súi-mien song yun-hàng. 3Song-ti kóng: “Oi yû kông.” Chhiu yû kông. 4Song-ti khon kông he hó ke, chhiu chiông kông lâu am fûn-khôi. 5Song-ti chiông kông ôn-to “ngit-sṳ̀-thèu”, chiông am ôn-to “am-pû-thèu”. Yû am-pû, yû chêu-sṳ̀n; liá he thèu-yit ngit.
6Song-ti kóng: “Liá-têu súi ke chûng-kiên oi-yû thiên-khûng, chiông súi song-hâ fûn-khôi.” 7Song-ti chhiu chho thiên-khûng, chiông thiên-khûng yî-ha ke súi lâu thiên-khûng yî-song ke súi fûn-khôi. Sṳ chhiu án-ngiòng vàn-sṳ̀n. 8Song-ti chiông thiên-khûng ôn-to “thiên”. Yû am-pû, yû chêu-sṳ̀n; liá he thi-ngi ngit.
9Song-ti kóng: “Thiên-ha ke súi oi si̍p chhai yit-ke só-chhai, pûn châu-thi chhut-hien.” Sṳ chhiu án-ngiòng vàn-sṳ̀n. 10Song-ti chiông châu-thi ôn-to “thi”, chiông si̍p-súi ke só-chhai ôn-to “hói”. Song-ti khon liá he hó ke. 11Song-ti kóng: “Thi oi sâng-chhut kok-chúng kok-lui ke chhṳ̍t-vu̍t: yû-têu chhut-sán ńg-kuk, yû-têu kiet kó-chṳ́, kó-chṳ́ tî-poi yû-fu̍t.” Sṳ chhiu án-ngiòng vàn-sṳ̀n. 12Thi chhiu sâng-chhut kok-chúng kok-lui ke chhṳ̍t-vu̍t: yû-têu chhut-sán ńg-kuk, yû-têu kiet kó-chṳ́, kó-chṳ́ tî-poi yû-fu̍t. Song-ti khon liá he hó ke. 13Yû am-pû, yû chêu-sṳ̀n; liá he thi-sâm ngit.
14Song-ti kóng: “Thiên-táng oi yû kông-thí, fûn-phe̍t ngit-ya, lòi cho chiet-khì lâu ngièn-ngit ke ki-ho, 15pin oi chhai thiên-táng fat-kông, cheu-liong thai-thi.” Sṳ chhiu án-ngiòng vàn-sṳ̀n. 16Song-ti chhiu chho-chhut lióng-ke thai kông-thí, thai ke kón ngit-sṳ̀-thèu, se ke kón am-pû-thèu. Kì yu chho chhin-tô sên-é. 17Song-ti chiông kông-thí ôn chhai thiên-khûng, lòi cheu-liong thai-thi, 18kón-lî ngit-ya, fûn-phe̍t mìn-am. Song-ti khon liá he hó ke. 19Yû am-pû, yû chêu-sṳ̀n; liá he thi-si ngit.
20Song-ti kóng: “Súi-chûng oi fàn-chhṳ̍t tô-chúng thung-vu̍t; thiên-khûng chûng oi yû tô-chúng fî-niâu.” 21Song-ti chhiu chhóng-chho chhin thai ke hói-chhu, súi-chûng kok-chúng kok-lui yû sâng-miang ke thung-vu̍t, lâu thiên-khûng kok-chúng kok-lui ke fî-niâu. Song-ti khon liá he hó ke. 22Song-ti su-fuk pûn liá-têu thung-vu̍t kóng: “Ǹg-lui oi chhai hói-chûng fàn-chhṳ̍t, fî-niâu ya oi chhai thi-song chen-kâ.” 23Yû am-pû, yû chêu-sṳ̀n; liá he thi-ńg ngit.
24Song-ti kóng: “Thai-thi oi fàn-chhṳ̍t kok-chúng kok-lui yû sâng-miang ke thung-vu̍t: thèu-sâng, phà-chhùng lâu yâ-chhu.” Sṳ chhiu án-ngiòng vàn-sṳ̀n. 25Song-ti chhiu chho-chhut thi-song kok-chúng kok-lui ke yâ-chhu, thèu-sâng lâu phà-chhùng. Song-ti khon liá he hó ke.
26Song-ti kóng: “Ngài-têu oi cheu ngài-têu ke hìn-siong, ngài-têu ke yong-sṳt chho-ngìn, pûn kì-têu kón-lî hói-tú ke ǹg, khûng-chûng ke fî-niâu, thi-song ke thèu-sâng, kok-chúng thi-song ke phà-chhùng, lâu chhiòn-thi.” 27Song-ti chhiu cheu chhṳ-kâ ke hìn-siong chhóng-chho ngìn, Kì cheu Song-ti ke hìn-siong chhóng-chho nàm-ngìn lâu ńg-ngìn. 28Song-ti chhiu su-fuk kì-têu, yu tui kì-têu kóng: “Oi kiung tô-tô chṳ́-ńg, phien-mân sṳ-kie, lòi chhṳ-lî thai-thi, ya oi kón-lî hói-tú ke ǹg, khûng-chûng ke fî-niâu lâu thi-song kok-chúng thung-vu̍t.” 29Song-ti kóng: “Khon â! Ngài chiông chhiòn-thi ke ńg-kuk lâu kok-chúng kó-chṳ́ su-pûn ngì-têu cho sṳ̍t-vu̍t. 30Chúng-he, thi-song ke chéu-chhu lâu khûng-chûng ke fî-niâu, pin thi-song kok-chúng thung-vu̍t, Ngài chiông chhiâng ke chhṳ̍t-vu̍t su-pûn kì-têu cho sṳ̍t-vu̍t.” Sṳ chhiu án-ngiòng vàn-sṳ̀n. 31Song-ti khon Kì yit-chhiet só-chho ke he fî-sòng hó. Yû am-pû, yû chêu-sṳ̀n; liá he thi-liuk ngit.
Pilihan Saat Ini:
Chhóng-sṳ Ki 1: THV12Rdb
Sorotan
Berbagi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fid.png&w=128&q=75)
Ingin menyimpan sorotan di semua perangkat Anda? Daftar atau masuk
© The Bible Society in Taiwan, 2012 All rights reserved
© 臺灣聖經公會版權所有,2012