Israelfɔ Ɩlʋ 3
3
Nana Bulu Ɩbɩtɔ Nkpahɔ Bʋ
Ɩkanfʋ-ɩlʋá Dawid lɔwa brɛá mʋ bi Absalom gya mʋ.
1Oo Nana Bulu, mɩ alupʋ badʋbɩ!
Adʋn bakʋsʋ mɩsʋ!
2Bʋdɛtɔɩ mɩsʋ bɛɛ,
“Bulu mɔ́ɔhɔ mʋ ɛkɛkɛɛkɛ!” Ɩya.#3:2 Ɩya asɩ gyi lɩɩ kpalobi.
3Oo Nana Bulu, fʋlegyi ɩban wa mɩ.
Fʋgyi mɩ numnyam,
fʋtotsu mɩ ansɩtɔ fʋa.
4Nosu kpoli Nana Bulu kʋklʋkʋʋ.
Ɔlɔsɔ mɩ ɔnɔ tsu mʋ onuto ɩbʋ amʋsʋ. Ɩya.
5Nɛklɛdɩ dɩdɩ.
Nalatsinki,
tsufɛ Nana Bulu togyo mɩ ɩwɩ.
6Alupʋ idu-lafa babomli mɩ,
mmɛdɛ amʋ́ ifu nya.
7Oo Nana Bulu, kʋsʋ. Mɩ Bulu, hɔ mɩ.
Tsufɛ fʋtɛda mɩ alupʋ lɛ da,
kpa awuntɔlɩnpʋ abɩn.
8Nana Bulu, fʋ ɩbɩtɔ nkpahɔ bʋ.
Ha fʋ oyula ɩba fʋ abisʋ. Ɩya.
Pilihan Saat Ini:
Israelfɔ Ɩlʋ 3: nko
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation