KA ʻEUANELIO I KĀKAU ʻIA AI E LUKA 17
17
MOKUNA XVII.
3 No ke kala ʻana i ka hewa o ka hoahānau. 6 ʻO ka manaʻoʻiʻo. 11 Ola iā Iesū nā lēpero he ʻumi. 22 ʻO ka hiki ʻana mai o ka Mesia.
1¶ A laila ʻōlelo maila ia i kāna mau haumāna, “ʻAʻole loa e ʻole ka hiki ʻana mai o nā hoʻohihia ʻana; akā hoʻi, pōʻino ka mea e hiki mai ai ia!
2“Inā ua kau ʻia ka pōhaku kaʻa palaoa ma kona ʻāʻī, a e kiola ʻia ʻo ia i lalo i ke kai, e aho ia i ka hoʻohihia ʻana i kekahi o kēia mau mea ʻuʻuku.
3“E mālama ʻoukou iā ʻoukou iho! A inā hana hewa kou hoahānau iā ʻoe, e aʻo aku ʻoe iā ia; a inā i mihi ʻo ia, e kala aku iā ia.
4“A inā ʻehiku kāna hana hewa ʻana iā ʻoe i ka lā hoʻokahi, a inā ʻehiku kona huli ʻana mai iā ʻoe i ka lā hoʻokahi, me ka ʻōlelo, ‘Ua mihi au;’ e kala aku ʻoe iā ia.”
5¶ A laila ʻōlelo akula ka poʻe lunaʻōlelo i ka Haku, “E hoʻomāhuahua ʻoe i ko mākou manaʻoʻiʻo!”
6ʻĪ maila hoʻi ka Haku, “Inā he manaʻoʻiʻo ko ʻoukou e like me ka hua mākeke, e hiki iā ʻoukou ke ʻōlelo i kēia lāʻau sukamino, ‘E hehu ʻia aku, a e kanu hou ʻia aku i ke kai,’ a e hoʻolohe nō ia iā ʻoukou.
7“ʻO wai kekahi o ʻoukou he kauā kāna e mahi ʻai ana, a e hānai holoholona ana paha, a hoʻi mai ia mai ka waena mai, e ʻōlelo aku, ‘E hele koke mai ʻoe a e noho ʻoe i lalo e ʻai’?
8“ʻAʻole anei e ʻōlelo aku iā ia, ‘E hoʻomākaukau ʻoe i ʻai naʻu, e kākoʻo iā ʻoe iho e lawelawe mai naʻu, a pau kaʻu ʻai ʻana, a me koʻu inu ʻana; a ma hope iho e ʻai ʻoe a inu hoʻi?’
9“E hāʻawi aku anei ʻo ia i ke aloha i ua kauā lā, no kāna hana ʻana i nā mea i kauoha ʻia ai? Ke manaʻo nei au ʻaʻole.
10“Pēlā hoʻi ʻoukou, aia pau i ka hana ʻia e ʻoukou kā ʻoukou mau mea a pau i kauoha ʻia ai, e ʻōlelo ʻoukou. ‘He poʻe kauā mākou e waiwai ʻole aku ai; ʻo ko mākou pono wale nō kā mākou i hana ai.’”
11¶ Eia kekahi, i kona hele ʻana i Ierusalema, hele aʻela ia ma waena o Samaria, a me Galilaia.
12A i kona komo ʻana i kekahi kauhale, hālāwai pū me ia nā kānaka lēpero he ʻumi; kū kaʻawale akula lākou.
13Hoʻokiʻekiʻe aʻela lākou i ka leo, ʻī akula, “E Iesū ke Kumu, e aloha mai iā mākou!”
14A ʻike maila, ʻī maila ʻo ia iā lākou, “E hele ʻoukou e hōʻike iā ʻoukou iho i nā kāhuna.” Eia kekahi, i ko lākou hele ʻana, hoʻomaʻemaʻe ʻia ai lākou.
15A ʻo kekahi o lākou i kona ʻike ʻana, ua hoʻōla ʻia ia, huli maila ia, hoʻonani akula i ke Akua me ka leo nui.
16A moe ihola i lalo ke alo, ma kona mau wāwae, hoʻomaikaʻi akula. No Samaria nō hoʻi ia.
17A laila ʻōlelo maila Iesū, nīnau maila, “ʻAʻole anei he ʻumi ka poʻe i hoʻomaʻemaʻe ʻia? ʻAuhea lā nā mea ʻeiwa?
18“ʻAʻole anei i ʻike ʻia kekahi mea ʻē aʻe i huli mai e hoʻonani i ke Akua, ʻo kēia kanaka ʻē wale nō anei?”
19ʻĪ maila hoʻi ʻo ia iā ia, “E kū ʻoe i luna, e hele aku; ua ola ʻoe i kou manaʻoʻiʻo.”
20¶ Nīnau akula ka poʻe Parisaio i ka manawa e hiki mai ai ke aupuni o ke Akua. ʻŌlelo maila ʻo ia iā lākou, ʻī maila, “ʻAʻole ma ka ʻike maka ka hiki ʻana mai o ke aupuni o ke Akua.
21“ʻAʻole e ʻōlelo mai kānaka, ‘Eia hoʻi ma ʻaneʻi!’ a, ‘Aia hoʻi ma ʻō!’ No ka mea, aia hoʻi i loko o ʻoukou ke aupuni o ke Akua.”
22¶ A laila ʻī maila ia i ka poʻe haumāna, “E hiki mai ana nā lā e ake ai ʻoukou e ʻike i kekahi lā o ke Keiki a ke Kanaka, ʻaʻole hoʻi ʻoukou e ʻike.
23“A ʻōlelo mai lākou iā ʻoukou, ‘Eia hoʻi ma ʻaneʻi; a, aia hoʻi ma ʻō;’ mai hele aku ʻoukou, mai hahai aku hoʻi.
24“No ka mea, e like me ka uila e ʻanapu mai ana ma kekahi ʻaoʻao mai o ka lani, a ʻālohilohi aku ma kekahi ʻaoʻao o ka lani, pēlā nō ke Keiki a ke Kanaka i kona lā.
25“Akā, e hana ʻino nui ʻia mai ʻo ia ma mua, a e wailana ʻia nō hoʻi e ia hanauna.
26“A e like me ka hana ʻana i nā lā o Noa, pēlā auaneʻi ka hana ʻana i nā lā o ke Keiki a ke Kanaka:
27ua ʻai lākou, ua inu hoʻi, ua mare aʻe, ua hoʻopalau ʻia nō hoʻi a hiki i ka lā i komo ai ʻo Noa i loko o ka hale lana, a hiki mai ke kai a Kahinaliʻi, a luku ihola iā lākou a pau.
28“E like hoʻi me ka hana ʻana i nā lā o Lota; ua ʻai lākou, ua inu hoʻi, ua kūʻai lilo mai, a kūʻai lilo aku, ua kanu, ua kūkulu hale nō hoʻi;
29a i ka lā i hele aku ai ʻo Lota ma waho o Sodoma, i ua maila ke ahi a me ka luaʻi pele, mai ka lani mai, a luku ihola iā lākou a pau.
30“Pēlā auaneʻi i ka lā e hōʻike ʻia mai ai ke Keiki a ke Kanaka.
31“A i kēlā lā, ʻo ke kanaka ma luna o ka hale, a he waiwai kona ma loko o ka hale, mai iho ia i lalo e lawe aku ia; pēlā hoʻi, ʻo ka mea ma ka waena, mai hoʻi aʻe ia.
32“E hoʻomanaʻo i ka wahine a Lota.
33“ʻO ka mea e hoʻopapau e mālama i kona ola nei, e lilo kona ola, a ʻo ka mea e lilo kona ola nei, e hoʻomau nō ia i kona ola.
34“Ke haʻi aku nei au iā ʻoukou, ia pō, e moe nō nā kānaka ʻelua ma ka moe hoʻokahi; e lawe ʻia aku kekahi, a e waiho nō kekahi.
35“ʻElua hoʻi wāhine e wili pū ana; e lawe ʻia aku kekahi, a e waiho nō kekahi.
36“Ma ka waena nō nā kānaka ʻelua; e lawe ʻia aku kekahi, a e waiho nō kekahi.”
37A nīnau akula lākou, ʻī akula iā ia, “Ai hea, e ka Haku?” ʻĪ maila hoʻi ʻo ia iā lākou, “A i ka wahi e waiho ai ke kino, i laila nā ʻaeto e ʻākoakoa ai.”
Pilihan Saat Ini:
KA ʻEUANELIO I KĀKAU ʻIA AI E LUKA 17: KBH
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E LUKA 17
17
MOKUNA XVII.
3 No ke kala ʻana i ka hewa o ka hoahānau. 6 ʻO ka manaʻoʻiʻo. 11 Ola iā Iesū nā lēpero he ʻumi. 22 ʻO ka hiki ʻana mai o ka Mesia.
1¶ A laila ʻōlelo maila ia i kāna mau haumāna, “ʻAʻole loa e ʻole ka hiki ʻana mai o nā hoʻohihia ʻana; akā hoʻi, pōʻino ka mea e hiki mai ai ia!
2“Inā ua kau ʻia ka pōhaku kaʻa palaoa ma kona ʻāʻī, a e kiola ʻia ʻo ia i lalo i ke kai, e aho ia i ka hoʻohihia ʻana i kekahi o kēia mau mea ʻuʻuku.
3“E mālama ʻoukou iā ʻoukou iho! A inā hana hewa kou hoahānau iā ʻoe, e aʻo aku ʻoe iā ia; a inā i mihi ʻo ia, e kala aku iā ia.
4“A inā ʻehiku kāna hana hewa ʻana iā ʻoe i ka lā hoʻokahi, a inā ʻehiku kona huli ʻana mai iā ʻoe i ka lā hoʻokahi, me ka ʻōlelo, ‘Ua mihi au;’ e kala aku ʻoe iā ia.”
5¶ A laila ʻōlelo akula ka poʻe lunaʻōlelo i ka Haku, “E hoʻomāhuahua ʻoe i ko mākou manaʻoʻiʻo!”
6ʻĪ maila hoʻi ka Haku, “Inā he manaʻoʻiʻo ko ʻoukou e like me ka hua mākeke, e hiki iā ʻoukou ke ʻōlelo i kēia lāʻau sukamino, ‘E hehu ʻia aku, a e kanu hou ʻia aku i ke kai,’ a e hoʻolohe nō ia iā ʻoukou.
7“ʻO wai kekahi o ʻoukou he kauā kāna e mahi ʻai ana, a e hānai holoholona ana paha, a hoʻi mai ia mai ka waena mai, e ʻōlelo aku, ‘E hele koke mai ʻoe a e noho ʻoe i lalo e ʻai’?
8“ʻAʻole anei e ʻōlelo aku iā ia, ‘E hoʻomākaukau ʻoe i ʻai naʻu, e kākoʻo iā ʻoe iho e lawelawe mai naʻu, a pau kaʻu ʻai ʻana, a me koʻu inu ʻana; a ma hope iho e ʻai ʻoe a inu hoʻi?’
9“E hāʻawi aku anei ʻo ia i ke aloha i ua kauā lā, no kāna hana ʻana i nā mea i kauoha ʻia ai? Ke manaʻo nei au ʻaʻole.
10“Pēlā hoʻi ʻoukou, aia pau i ka hana ʻia e ʻoukou kā ʻoukou mau mea a pau i kauoha ʻia ai, e ʻōlelo ʻoukou. ‘He poʻe kauā mākou e waiwai ʻole aku ai; ʻo ko mākou pono wale nō kā mākou i hana ai.’”
11¶ Eia kekahi, i kona hele ʻana i Ierusalema, hele aʻela ia ma waena o Samaria, a me Galilaia.
12A i kona komo ʻana i kekahi kauhale, hālāwai pū me ia nā kānaka lēpero he ʻumi; kū kaʻawale akula lākou.
13Hoʻokiʻekiʻe aʻela lākou i ka leo, ʻī akula, “E Iesū ke Kumu, e aloha mai iā mākou!”
14A ʻike maila, ʻī maila ʻo ia iā lākou, “E hele ʻoukou e hōʻike iā ʻoukou iho i nā kāhuna.” Eia kekahi, i ko lākou hele ʻana, hoʻomaʻemaʻe ʻia ai lākou.
15A ʻo kekahi o lākou i kona ʻike ʻana, ua hoʻōla ʻia ia, huli maila ia, hoʻonani akula i ke Akua me ka leo nui.
16A moe ihola i lalo ke alo, ma kona mau wāwae, hoʻomaikaʻi akula. No Samaria nō hoʻi ia.
17A laila ʻōlelo maila Iesū, nīnau maila, “ʻAʻole anei he ʻumi ka poʻe i hoʻomaʻemaʻe ʻia? ʻAuhea lā nā mea ʻeiwa?
18“ʻAʻole anei i ʻike ʻia kekahi mea ʻē aʻe i huli mai e hoʻonani i ke Akua, ʻo kēia kanaka ʻē wale nō anei?”
19ʻĪ maila hoʻi ʻo ia iā ia, “E kū ʻoe i luna, e hele aku; ua ola ʻoe i kou manaʻoʻiʻo.”
20¶ Nīnau akula ka poʻe Parisaio i ka manawa e hiki mai ai ke aupuni o ke Akua. ʻŌlelo maila ʻo ia iā lākou, ʻī maila, “ʻAʻole ma ka ʻike maka ka hiki ʻana mai o ke aupuni o ke Akua.
21“ʻAʻole e ʻōlelo mai kānaka, ‘Eia hoʻi ma ʻaneʻi!’ a, ‘Aia hoʻi ma ʻō!’ No ka mea, aia hoʻi i loko o ʻoukou ke aupuni o ke Akua.”
22¶ A laila ʻī maila ia i ka poʻe haumāna, “E hiki mai ana nā lā e ake ai ʻoukou e ʻike i kekahi lā o ke Keiki a ke Kanaka, ʻaʻole hoʻi ʻoukou e ʻike.
23“A ʻōlelo mai lākou iā ʻoukou, ‘Eia hoʻi ma ʻaneʻi; a, aia hoʻi ma ʻō;’ mai hele aku ʻoukou, mai hahai aku hoʻi.
24“No ka mea, e like me ka uila e ʻanapu mai ana ma kekahi ʻaoʻao mai o ka lani, a ʻālohilohi aku ma kekahi ʻaoʻao o ka lani, pēlā nō ke Keiki a ke Kanaka i kona lā.
25“Akā, e hana ʻino nui ʻia mai ʻo ia ma mua, a e wailana ʻia nō hoʻi e ia hanauna.
26“A e like me ka hana ʻana i nā lā o Noa, pēlā auaneʻi ka hana ʻana i nā lā o ke Keiki a ke Kanaka:
27ua ʻai lākou, ua inu hoʻi, ua mare aʻe, ua hoʻopalau ʻia nō hoʻi a hiki i ka lā i komo ai ʻo Noa i loko o ka hale lana, a hiki mai ke kai a Kahinaliʻi, a luku ihola iā lākou a pau.
28“E like hoʻi me ka hana ʻana i nā lā o Lota; ua ʻai lākou, ua inu hoʻi, ua kūʻai lilo mai, a kūʻai lilo aku, ua kanu, ua kūkulu hale nō hoʻi;
29a i ka lā i hele aku ai ʻo Lota ma waho o Sodoma, i ua maila ke ahi a me ka luaʻi pele, mai ka lani mai, a luku ihola iā lākou a pau.
30“Pēlā auaneʻi i ka lā e hōʻike ʻia mai ai ke Keiki a ke Kanaka.
31“A i kēlā lā, ʻo ke kanaka ma luna o ka hale, a he waiwai kona ma loko o ka hale, mai iho ia i lalo e lawe aku ia; pēlā hoʻi, ʻo ka mea ma ka waena, mai hoʻi aʻe ia.
32“E hoʻomanaʻo i ka wahine a Lota.
33“ʻO ka mea e hoʻopapau e mālama i kona ola nei, e lilo kona ola, a ʻo ka mea e lilo kona ola nei, e hoʻomau nō ia i kona ola.
34“Ke haʻi aku nei au iā ʻoukou, ia pō, e moe nō nā kānaka ʻelua ma ka moe hoʻokahi; e lawe ʻia aku kekahi, a e waiho nō kekahi.
35“ʻElua hoʻi wāhine e wili pū ana; e lawe ʻia aku kekahi, a e waiho nō kekahi.
36“Ma ka waena nō nā kānaka ʻelua; e lawe ʻia aku kekahi, a e waiho nō kekahi.”
37A nīnau akula lākou, ʻī akula iā ia, “Ai hea, e ka Haku?” ʻĪ maila hoʻi ʻo ia iā lākou, “A i ka wahi e waiho ai ke kino, i laila nā ʻaeto e ʻākoakoa ai.”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
Ka Baibala Hemolele © Partners Development Foundation, 2018.