Mwa 8
8
Mũminũkĩlyo wa Mbua ya Kĩw'ũ kingĩ
1Ngai nĩwalilikanile Noa, nyamũ sya kĩthekanĩ na sya mũsyĩ ila syaĩ vamwe nake ngalawanĩ. Nĩwaetie kĩseve kyavĩtĩla ĩũlũ wa nthĩ na kĩw'ũ kyambĩĩa kũng'ala. 2Kũndũ kw'onthe kũla kumaa kĩw'ũ ĩũlũ wa nthĩ na ĩtunĩ nĩkwavingiwe na mbua yaeka kua. 3Kĩw'ũ nĩkyaendeeie kũng'ala o mbola. Ĩtina wa mĩthenya ĩana na mĩongo ĩtano kĩw'ũ kĩu nĩkyang'alĩte kĩkewa kũthela. 4Mũthenyanĩ wa ĩkũmi na mũonza wa mwei wa mũonza, ngalawa ĩsu nĩyatheeie yaũngama iĩmanĩ sya Alalati. 5Kĩw'ũ nĩkyaendeeie kũng'ala nginya weethĩa mũthenyanĩ wa mbee wa mwei wa ĩkũmi mĩthya ya iĩma nĩyambĩĩe kumĩla.
6Ĩtina wa mĩthenya mĩongo ĩna, Noa nĩwavingũie ndĩlĩsya ya ngalawa ĩsu waseũvĩtye. 7Nĩwaumaalilye ngũngũũ na amĩtũma nza. Ngũngũũ ĩsu ndyaasyoka, ĩndĩ yaendeeie na kũũlũka kũũ na kũũ nginya kĩw'ũ kyang'ala vyũ. 8Nĩvo ĩndĩ Noa wasyokie atũma ĩvũĩ yĩkasisye kana kĩw'ũ nĩkĩng'alĩte vyũ ĩũlũ wa nthĩ. 9Ĩndĩ ĩvũĩ yĩu yĩyaaona vandũ va kũvũĩla nũndũ kĩw'ũ kĩyaĩ kĩnang'ala vyũ. Kwoou nĩyasyokie ngalawanĩ kũla kwĩ Noa nake atambũũkya kw'oko ayosa na ayĩlikya ngalawanĩ. 10Noa nĩweeteelile vandũ va mĩthenya ĩngĩ mũonza na atũma yĩla ĩvũĩ ĩngĩ. 11Ĩvũĩ yĩu nĩyasyokie ngalawanĩ vala ve Noa ĩa mawĩoo yĩkuĩte na mũnuka ĩtũ yĩũ ya mũtĩ wa mũthata. Kwoou Noa nĩwamanyie kana kĩw'ũ nĩkĩkilĩlye kũthela. 12Noa nĩweeteelile vandũ va mĩthenya ĩngĩ mũonza na atũma yĩla ĩvũĩ, ĩndĩ yĩyaasyoka vala ũĩ.
13Noa e na ũkũũ wa myaka maana thanthatũ na ũmwe, mũthenyanĩ wa mbee wa mwei wa mbee, kĩw'ũ kyaĩ kĩnang'ala vyũ ĩũlũ wa nthĩ. Noa nĩwathaisye kĩala kya ngalawa na asisya kĩla vandũ na oona kana nthĩ yaĩ nyiau. 14Mũthenyanĩ wa mĩongo ĩlĩ na mũonza wa mwei wa kelĩ, nthĩ yaĩ nyiau vyũ.
15Nĩvo ĩndĩ Ngai weeie Noa atĩĩ, 16“Uma ngalawanĩ wĩ na mũka waku na ana maku na iveti syoo. 17Umaalya syũmbe syonthe sya kĩla mũthemba ila syĩ vamwe naku: Nyũnyi, nyamũ sya mũsyĩ na sya kĩthekanĩ na tũsamũ tũla tũngĩ tw'onthe, nĩ kana isyaane na kwingĩva na kwongeleka ĩũlũ wa nthĩ.” 18Kwoou Noa nĩwaumie ngalawanĩ e na mũka wake, na ana make na iveti syoo. 19Nyamũ, tũsamũ tũnini na nyũnyi syonthe nĩsyaumie ngalawanĩ kwĩanana na mĩthemba yasyo.
Noa Ayumĩsya Ngai Nthembo
20Noa nĩwaakĩie Mwĩai Ngai kĩthembeo; nĩwoosie ĩmwe ya kĩla mũthemba wa nyamũ na nyũnyi ila ntheu na aivĩvĩsya kĩthembeonĩ kĩu syĩthĩwe nthembo ya kũvĩvw'a. 21Mũuke mũseo wa nthembo ĩsu nĩwamwendeeisye Mwĩai Ngai na asya, “Ndikaumanĩa nthĩ ĩngĩ nũndũ wa meko ma andũ. Nĩnĩsĩ kana kuma wananĩ woo, mosũanĩo ma andũ nĩ mavuku, na kwoou ndikananga syũmbe syonthe ũndũ nĩkie. 22Ĩvinda yonthe yĩla nthĩ yĩĩthĩawa vo kũkeethĩawa ĩvinda ya kũvanda na ya kũketha, ĩvinda ya mbevo na ĩvinda ya ũvyũvu; ĩvinda ya syũa na ĩvinda ya mbua, ĩvinda ya ũtukũ na ĩvinda ya mũthenya.”
Pilihan Saat Ini:
Mwa 8: KAMBA
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011
Mwa 8
8
Mũminũkĩlyo wa Mbua ya Kĩw'ũ kingĩ
1Ngai nĩwalilikanile Noa, nyamũ sya kĩthekanĩ na sya mũsyĩ ila syaĩ vamwe nake ngalawanĩ. Nĩwaetie kĩseve kyavĩtĩla ĩũlũ wa nthĩ na kĩw'ũ kyambĩĩa kũng'ala. 2Kũndũ kw'onthe kũla kumaa kĩw'ũ ĩũlũ wa nthĩ na ĩtunĩ nĩkwavingiwe na mbua yaeka kua. 3Kĩw'ũ nĩkyaendeeie kũng'ala o mbola. Ĩtina wa mĩthenya ĩana na mĩongo ĩtano kĩw'ũ kĩu nĩkyang'alĩte kĩkewa kũthela. 4Mũthenyanĩ wa ĩkũmi na mũonza wa mwei wa mũonza, ngalawa ĩsu nĩyatheeie yaũngama iĩmanĩ sya Alalati. 5Kĩw'ũ nĩkyaendeeie kũng'ala nginya weethĩa mũthenyanĩ wa mbee wa mwei wa ĩkũmi mĩthya ya iĩma nĩyambĩĩe kumĩla.
6Ĩtina wa mĩthenya mĩongo ĩna, Noa nĩwavingũie ndĩlĩsya ya ngalawa ĩsu waseũvĩtye. 7Nĩwaumaalilye ngũngũũ na amĩtũma nza. Ngũngũũ ĩsu ndyaasyoka, ĩndĩ yaendeeie na kũũlũka kũũ na kũũ nginya kĩw'ũ kyang'ala vyũ. 8Nĩvo ĩndĩ Noa wasyokie atũma ĩvũĩ yĩkasisye kana kĩw'ũ nĩkĩng'alĩte vyũ ĩũlũ wa nthĩ. 9Ĩndĩ ĩvũĩ yĩu yĩyaaona vandũ va kũvũĩla nũndũ kĩw'ũ kĩyaĩ kĩnang'ala vyũ. Kwoou nĩyasyokie ngalawanĩ kũla kwĩ Noa nake atambũũkya kw'oko ayosa na ayĩlikya ngalawanĩ. 10Noa nĩweeteelile vandũ va mĩthenya ĩngĩ mũonza na atũma yĩla ĩvũĩ ĩngĩ. 11Ĩvũĩ yĩu nĩyasyokie ngalawanĩ vala ve Noa ĩa mawĩoo yĩkuĩte na mũnuka ĩtũ yĩũ ya mũtĩ wa mũthata. Kwoou Noa nĩwamanyie kana kĩw'ũ nĩkĩkilĩlye kũthela. 12Noa nĩweeteelile vandũ va mĩthenya ĩngĩ mũonza na atũma yĩla ĩvũĩ, ĩndĩ yĩyaasyoka vala ũĩ.
13Noa e na ũkũũ wa myaka maana thanthatũ na ũmwe, mũthenyanĩ wa mbee wa mwei wa mbee, kĩw'ũ kyaĩ kĩnang'ala vyũ ĩũlũ wa nthĩ. Noa nĩwathaisye kĩala kya ngalawa na asisya kĩla vandũ na oona kana nthĩ yaĩ nyiau. 14Mũthenyanĩ wa mĩongo ĩlĩ na mũonza wa mwei wa kelĩ, nthĩ yaĩ nyiau vyũ.
15Nĩvo ĩndĩ Ngai weeie Noa atĩĩ, 16“Uma ngalawanĩ wĩ na mũka waku na ana maku na iveti syoo. 17Umaalya syũmbe syonthe sya kĩla mũthemba ila syĩ vamwe naku: Nyũnyi, nyamũ sya mũsyĩ na sya kĩthekanĩ na tũsamũ tũla tũngĩ tw'onthe, nĩ kana isyaane na kwingĩva na kwongeleka ĩũlũ wa nthĩ.” 18Kwoou Noa nĩwaumie ngalawanĩ e na mũka wake, na ana make na iveti syoo. 19Nyamũ, tũsamũ tũnini na nyũnyi syonthe nĩsyaumie ngalawanĩ kwĩanana na mĩthemba yasyo.
Noa Ayumĩsya Ngai Nthembo
20Noa nĩwaakĩie Mwĩai Ngai kĩthembeo; nĩwoosie ĩmwe ya kĩla mũthemba wa nyamũ na nyũnyi ila ntheu na aivĩvĩsya kĩthembeonĩ kĩu syĩthĩwe nthembo ya kũvĩvw'a. 21Mũuke mũseo wa nthembo ĩsu nĩwamwendeeisye Mwĩai Ngai na asya, “Ndikaumanĩa nthĩ ĩngĩ nũndũ wa meko ma andũ. Nĩnĩsĩ kana kuma wananĩ woo, mosũanĩo ma andũ nĩ mavuku, na kwoou ndikananga syũmbe syonthe ũndũ nĩkie. 22Ĩvinda yonthe yĩla nthĩ yĩĩthĩawa vo kũkeethĩawa ĩvinda ya kũvanda na ya kũketha, ĩvinda ya mbevo na ĩvinda ya ũvyũvu; ĩvinda ya syũa na ĩvinda ya mbua, ĩvinda ya ũtukũ na ĩvinda ya mũthenya.”
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011