LIVALITSWA 3
3
Vaana va Haruni
1Yava navo vali vandu vi inzu ya Haruni nende Musa, mumatukhu ku Mwami Nyasaye yalomoloma khu Musa, nali khu Shikulu shia Sinai. 2Haruni yivula vaana vi shiyayi vane. Mwana mukhulundu yali Nadabu, wa khavili Abihu, wa khavaka Eliazari, khandi wa khane Itsamari. 3Yaka nako mira ka vaana va Haruni, vavekhwa makura khandi nivakholwa khuva vasalisi, khurumikha khuli vasalisi, 4navutswa Nadabu nende Abihu viirwa, lwa vakhola musango ku khusambwa nu mulilu, kuvula vutakatifu khu Mwami Nyasaye, nivali mu Shiangalangwi shia Sinai. Vali nivashili khwivulakhu mwana wosi. Eliazari nende Itsamari, varumikha khuli vasalisi khumatukhu koosi, ka tata wavo Haruni yali nashili mwoyo.
Vandu Vuluhia lwa Levi Varovolwa khuva Vasalisi
5Mwami Nyasaye yavoolela Musa, 6“Lera imbeli vandu vu lwivulu lwa Levi, khuvarovola khuva varumishi vu khukhonya musalisi Haruni. 7Valiitsa khukhola muhinzilu kutushili imbeli wi Liheemo Litakatifu, khali khukholela vasalisi nende Vaisraeli voosi muhinzilu. 8Valiitsa khusinjilila shia shindu shiosi, shili mu Liheemo Litakatifu nu khurumishila Vaisraeli voosi valiitsa khuva nivarikale. 9Vandu vuluhia lwa Levi valiitsa khurumishila Haruni nende vaana veve. Navo varovolwa khuvarumishila khurula mu Vaisraeli voosi. 10Uliitsa khurovola Haruni nende vaana veve, khukhola mihinzilu chiu vusalisi; navutswa niiva mundu aliitsa khuchelitsakhu khukhola muhinzilu kwenoko, mundu mwenoyo aliitsa khwiirwa.”
11Mwami Nyasaye yavoolela Musa, 12“Mali khurovola vandu vu lwivulu lwa Levi mu vandu vi tsimbia tsia Israeli khuva vaanje mwene, vukhala vukhuvukula mwana wi shiyayi mukhulundu khwivulwa mu Vaisraeli. Vandu vuluhia lwa Levi valiitsa khuva vaanje, 13shichila vaana vi shiyayi vakhulundu khwivulwa ni vaanje. Khali miruku chiu khuraanga khwivulwa ni chianje inzi Mwami Nyasaye. Lwa nativitsa vaana vi shiyayi vakhulundu va Vamisri nende miruku chiavo chiu khuraanga khwivulwa, mwene nayivukulila vaana vi shiyayi vakhulundu khwivulwa va Vaisraeli. Khali miruku chiavo chiu khuraanga khwivulwa ni chianje. Ninzi Mwami Nyasaye.”
Khuvalitswa khwa Vandu Vuluhia lwa Levi
14Mwami Nyasaye yavoolela Musa, wali nali mu Shiangalangwi shia Sinai, 15“Muvalitse vandu vu lwivulu lwa Levi, khulondokhana khu lwivulu nende tsinzu tsiavo. Valitsa shia mwana wi shiyayi ushili mutoro uli nu mweli mulala nu khutsililila imbeli.” 16Nalwo lwa Musa yavavalitsa, khuli Mwami Nyasaye yali namuvoolele. 17Mira ka vaana vi shiyayi va Levi yivula khulondokhana khu tsinzu tsiavo, vali Gerishoni, Kohaatsi nende Merari. 18Mira ka vaana vi shiyayi va Gerishoni yivula khulondokhana khu tsinzu tsiavo vali Libuni nende Shimei. 19Mira ka vaana va Kohaatsi khulondokhana khu tsinzu tsiavo vali Amuramu, Izuhari, Heburoni, nende Uzieli. 20Mira ka vaana va Merari khulondokhana khu tsinzu tsiavo vali Mahuli nende Mushi. Nako mira ka vandu vi tsinzu tsia vandu vu lwivulu lwa Levi khulondokhana khu lwivulu lwa vakuuka vavo.
21Vandu vu lwivulu lwa Gerishoni vali vi tsinzu tsia Libuni nende Shimei. 22Vaana vi shiyayi vatititi vavalitswa, vali nu muhika mulala nu khutsililila imbeli vali tsiheelefu saba ni tsimia tsiranu. 23Vandu vu lwivulu lwa Gerishoni venyekhanga vamenya khuluveka luli imbo inyuma wi Liheemo Litakatifu, 24mwimilili wavo nali Eliasafu mwana wa Laheli. 25Vali vaheelwa muhinzilu ku khusinjilila Liheemo Litakatifu, luvaala lwalio lu mukari, luvaala lwalio lwi ilwanyi, luvaala luli mu vwinjililu, 26tsimbala tsi Liheemo Litakatifu tsili khu shia khundulu khwi Liheemo Litakatifu nende vwaali khandi luvaala lu mu vwinjililu vwi Liheemo Litakatifu. Vo vali vaheelwa vunyali vu khukhola muhinzilu kwosi nivarumishilanga vindu vienevo.
27Vandu vi inzu ya Kohaatsi valimu na vandu vi tsinzu tsia Amuramu, Izuhari, Heburoni nende Uzieli. 28Vaana vi shiyayi vashili vatoro vavalitswa vali nu muhika mulala nu khutsililila imbeli vali tsiheelefu munane ni tsimia sita. 29Vandu vu lwivulu yulu vamenyanga khuluveka luli ikuvanda wi Liheemo Litakatifu, 30mwamihi wavo nali Elizafani mwana wa Uzieli. 31Vali vaheelwa muhinzilu ku khusinjilila Lisanduku li Lilakano, imesa, shikuru shi itaaha, vwaali, vindu via vasalisi varumishilanga Havundu Hatakatifu nende luvaala luli mu vwinjililu vwa Havundu Hatakatifu. Vo vali vaheelwa vunyali vu khukhola mihinzilu chiosi ni vindu vienevo.
32Mwimilili wa vandu vu lwivulu lwa Levi, yali Eliazari mwana wu musalisi Haruni. Neye wasinjililanga yavo voosi vakholanga mihinzilu Havundu Hatakatifu.
33Vandu vu lwivulu lwa Merari, valimu na vandu vi tsinzu tsia Mahuli nende Mushi. 34Vaana vi shiyayi vashili vatoro vavalitswa, vali nu muhika mulala nu khutsililila imbeli, vali tsiheelefu sita ni tsimia tsivili. 35Vandu vu lwivulu lwenolo, vamenya khuluveka luli ivuluka wi Liheemo Litakatifu. Zurieli mwana wa Abihaili, neye wali mwimilili wu lwivulu lwenolo. 36Vo vali vaheelwa muhinzilu ku khusinjilila tsifulemu tsi Liheemo Litakatifu, milondi chitiilanga Liheemo Litakatifu, misala, vwalilu, nende tsisheti. Vo vali vaheelwa vunyali vu khukhola, shia muhinzilu kwosi ni vindu vienevo. 37Vali vaheelwa vunyali vu khusinjilila khandi misala, vwalilu, vindu viu khukumilanyinya vindu nende mikoye ilwanyi wi Liheemo Litakatifu.
38Musa, Haruni nende vaana veve, vali vavoolelwa vamenya mu maheemo, khuluveka luli ivukwi imbeli wi Liheemo Litakatifu. Vali vaheelwa vunyali vu khusinjilila mihinzilu chiosi, chia kholelwangwa Havundu Hatakatifu shichila Vaisraeli. Shia mundu wosi wachelitsakhu khukholakhu kenako, yenyekhanga khwiirwa. 39Vaana vi shiyayi vashili vatoro va vandu vu lwivulu lwa Levi, vali nu mweli mulala inoho minyishi khuvira mweli kwenoko, va Musa yahandika, niyakhavalitsa vandu khulondokhana khu lilako liu Mwami Nyasaye, vali tsiheelefu makhomi kavili na vavili.
Vandu Vuluhia lwa Levi Havukono ha Vaana vi Shiyayi Vakhulundu
40Mwami Nyasaye yavoolela Musa, “Muvalitse vaana vi shiyayi vakhulundu vashili vatoro voosi va Vaisraeli, vali nu mweli mulala inoho khutsililila imbeli, nuhandika mira kavo. 41Mbukulila vandu vu lwivulu lwa Levi, havukono ha vaana vi shiyayi vakhulundu khwivulwa va Vaisraeli, khandi miruku chia vandu vu lwivulu lwa Levi, havukono hi miruku chiu khuraanga khwivulwa chia Vaisraeli khuva vianje inzi Mwami Nyasaye.” 42Nalwo lwa Musa yakhola ndio, navalitsa vaana vi shiyayi vakhulundu khwivulwa vashili vatoro halala ni miruku misatsa chiu khuraanga khwivulwa, khuli Mwami Nyasaye yali navooli, 43khuraanjila khu mweli mulala nu khutsililila imbeli; vaana vi shiyayi vatoro vavalitswa, vali tsiheelefu makhomi kavili na vavili tsimia tsivili makhomi saba na vavaka.
44Mwami Nyasaye yavoolela Musa, 45“Utakase vandu vu lwivulu lwa Levi, havukono ha vaana voosi vi shiyayi vakhulundu khwivulwa mu Vaisraeli, khali miruku chia vandu vu lwivulu lwa Levi, havukono hi miruku chia Vaisraeli; vandu vu lwivulu lwa Levi valiitsa khuva vaanje. Ninzi Mwami Nyasaye. 46Lwa vaana vi shiyayi vakhulundu khwivulwa va Vaisraeli vali vanyishi, khuvira vandu vu lwivulu lwa Levi na vaana vi shiyayi tsimia tsivili makhomi saba na vavaka, uliitsa khukuula khandi varikala. 47Uliitsa khurunga, khu shia mulala ifetsa vitonye viranu, khulondokhana khu shipimu shitushili, 48ma uhe Haruni nende vaana veve tsisenti tsienetso.” 49Musa yalonda makhuva kenako, navukula tsisenti tsia vandu vu lwivulu lwa Levi, vali nivarunji. 50Ifetsa vitonye iheelefu indala tsimia tsivaka makhomi sita na viranu khulondokhana ni shipimu shia Havundu Hatakatifu; 51naha Haruni nende vaana veve, khulondokhana khu likhuva liu Mwami Nyasaye, khuli lwa yali navooli.
Pilihan Saat Ini:
LIVALITSWA 3: LLLCATHOLIC
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
© The Bible Society of Kenya, 2013
LIVALITSWA 3
3
Vaana va Haruni
1Yava navo vali vandu vi inzu ya Haruni nende Musa, mumatukhu ku Mwami Nyasaye yalomoloma khu Musa, nali khu Shikulu shia Sinai. 2Haruni yivula vaana vi shiyayi vane. Mwana mukhulundu yali Nadabu, wa khavili Abihu, wa khavaka Eliazari, khandi wa khane Itsamari. 3Yaka nako mira ka vaana va Haruni, vavekhwa makura khandi nivakholwa khuva vasalisi, khurumikha khuli vasalisi, 4navutswa Nadabu nende Abihu viirwa, lwa vakhola musango ku khusambwa nu mulilu, kuvula vutakatifu khu Mwami Nyasaye, nivali mu Shiangalangwi shia Sinai. Vali nivashili khwivulakhu mwana wosi. Eliazari nende Itsamari, varumikha khuli vasalisi khumatukhu koosi, ka tata wavo Haruni yali nashili mwoyo.
Vandu Vuluhia lwa Levi Varovolwa khuva Vasalisi
5Mwami Nyasaye yavoolela Musa, 6“Lera imbeli vandu vu lwivulu lwa Levi, khuvarovola khuva varumishi vu khukhonya musalisi Haruni. 7Valiitsa khukhola muhinzilu kutushili imbeli wi Liheemo Litakatifu, khali khukholela vasalisi nende Vaisraeli voosi muhinzilu. 8Valiitsa khusinjilila shia shindu shiosi, shili mu Liheemo Litakatifu nu khurumishila Vaisraeli voosi valiitsa khuva nivarikale. 9Vandu vuluhia lwa Levi valiitsa khurumishila Haruni nende vaana veve. Navo varovolwa khuvarumishila khurula mu Vaisraeli voosi. 10Uliitsa khurovola Haruni nende vaana veve, khukhola mihinzilu chiu vusalisi; navutswa niiva mundu aliitsa khuchelitsakhu khukhola muhinzilu kwenoko, mundu mwenoyo aliitsa khwiirwa.”
11Mwami Nyasaye yavoolela Musa, 12“Mali khurovola vandu vu lwivulu lwa Levi mu vandu vi tsimbia tsia Israeli khuva vaanje mwene, vukhala vukhuvukula mwana wi shiyayi mukhulundu khwivulwa mu Vaisraeli. Vandu vuluhia lwa Levi valiitsa khuva vaanje, 13shichila vaana vi shiyayi vakhulundu khwivulwa ni vaanje. Khali miruku chiu khuraanga khwivulwa ni chianje inzi Mwami Nyasaye. Lwa nativitsa vaana vi shiyayi vakhulundu va Vamisri nende miruku chiavo chiu khuraanga khwivulwa, mwene nayivukulila vaana vi shiyayi vakhulundu khwivulwa va Vaisraeli. Khali miruku chiavo chiu khuraanga khwivulwa ni chianje. Ninzi Mwami Nyasaye.”
Khuvalitswa khwa Vandu Vuluhia lwa Levi
14Mwami Nyasaye yavoolela Musa, wali nali mu Shiangalangwi shia Sinai, 15“Muvalitse vandu vu lwivulu lwa Levi, khulondokhana khu lwivulu nende tsinzu tsiavo. Valitsa shia mwana wi shiyayi ushili mutoro uli nu mweli mulala nu khutsililila imbeli.” 16Nalwo lwa Musa yavavalitsa, khuli Mwami Nyasaye yali namuvoolele. 17Mira ka vaana vi shiyayi va Levi yivula khulondokhana khu tsinzu tsiavo, vali Gerishoni, Kohaatsi nende Merari. 18Mira ka vaana vi shiyayi va Gerishoni yivula khulondokhana khu tsinzu tsiavo vali Libuni nende Shimei. 19Mira ka vaana va Kohaatsi khulondokhana khu tsinzu tsiavo vali Amuramu, Izuhari, Heburoni, nende Uzieli. 20Mira ka vaana va Merari khulondokhana khu tsinzu tsiavo vali Mahuli nende Mushi. Nako mira ka vandu vi tsinzu tsia vandu vu lwivulu lwa Levi khulondokhana khu lwivulu lwa vakuuka vavo.
21Vandu vu lwivulu lwa Gerishoni vali vi tsinzu tsia Libuni nende Shimei. 22Vaana vi shiyayi vatititi vavalitswa, vali nu muhika mulala nu khutsililila imbeli vali tsiheelefu saba ni tsimia tsiranu. 23Vandu vu lwivulu lwa Gerishoni venyekhanga vamenya khuluveka luli imbo inyuma wi Liheemo Litakatifu, 24mwimilili wavo nali Eliasafu mwana wa Laheli. 25Vali vaheelwa muhinzilu ku khusinjilila Liheemo Litakatifu, luvaala lwalio lu mukari, luvaala lwalio lwi ilwanyi, luvaala luli mu vwinjililu, 26tsimbala tsi Liheemo Litakatifu tsili khu shia khundulu khwi Liheemo Litakatifu nende vwaali khandi luvaala lu mu vwinjililu vwi Liheemo Litakatifu. Vo vali vaheelwa vunyali vu khukhola muhinzilu kwosi nivarumishilanga vindu vienevo.
27Vandu vi inzu ya Kohaatsi valimu na vandu vi tsinzu tsia Amuramu, Izuhari, Heburoni nende Uzieli. 28Vaana vi shiyayi vashili vatoro vavalitswa vali nu muhika mulala nu khutsililila imbeli vali tsiheelefu munane ni tsimia sita. 29Vandu vu lwivulu yulu vamenyanga khuluveka luli ikuvanda wi Liheemo Litakatifu, 30mwamihi wavo nali Elizafani mwana wa Uzieli. 31Vali vaheelwa muhinzilu ku khusinjilila Lisanduku li Lilakano, imesa, shikuru shi itaaha, vwaali, vindu via vasalisi varumishilanga Havundu Hatakatifu nende luvaala luli mu vwinjililu vwa Havundu Hatakatifu. Vo vali vaheelwa vunyali vu khukhola mihinzilu chiosi ni vindu vienevo.
32Mwimilili wa vandu vu lwivulu lwa Levi, yali Eliazari mwana wu musalisi Haruni. Neye wasinjililanga yavo voosi vakholanga mihinzilu Havundu Hatakatifu.
33Vandu vu lwivulu lwa Merari, valimu na vandu vi tsinzu tsia Mahuli nende Mushi. 34Vaana vi shiyayi vashili vatoro vavalitswa, vali nu muhika mulala nu khutsililila imbeli, vali tsiheelefu sita ni tsimia tsivili. 35Vandu vu lwivulu lwenolo, vamenya khuluveka luli ivuluka wi Liheemo Litakatifu. Zurieli mwana wa Abihaili, neye wali mwimilili wu lwivulu lwenolo. 36Vo vali vaheelwa muhinzilu ku khusinjilila tsifulemu tsi Liheemo Litakatifu, milondi chitiilanga Liheemo Litakatifu, misala, vwalilu, nende tsisheti. Vo vali vaheelwa vunyali vu khukhola, shia muhinzilu kwosi ni vindu vienevo. 37Vali vaheelwa vunyali vu khusinjilila khandi misala, vwalilu, vindu viu khukumilanyinya vindu nende mikoye ilwanyi wi Liheemo Litakatifu.
38Musa, Haruni nende vaana veve, vali vavoolelwa vamenya mu maheemo, khuluveka luli ivukwi imbeli wi Liheemo Litakatifu. Vali vaheelwa vunyali vu khusinjilila mihinzilu chiosi, chia kholelwangwa Havundu Hatakatifu shichila Vaisraeli. Shia mundu wosi wachelitsakhu khukholakhu kenako, yenyekhanga khwiirwa. 39Vaana vi shiyayi vashili vatoro va vandu vu lwivulu lwa Levi, vali nu mweli mulala inoho minyishi khuvira mweli kwenoko, va Musa yahandika, niyakhavalitsa vandu khulondokhana khu lilako liu Mwami Nyasaye, vali tsiheelefu makhomi kavili na vavili.
Vandu Vuluhia lwa Levi Havukono ha Vaana vi Shiyayi Vakhulundu
40Mwami Nyasaye yavoolela Musa, “Muvalitse vaana vi shiyayi vakhulundu vashili vatoro voosi va Vaisraeli, vali nu mweli mulala inoho khutsililila imbeli, nuhandika mira kavo. 41Mbukulila vandu vu lwivulu lwa Levi, havukono ha vaana vi shiyayi vakhulundu khwivulwa va Vaisraeli, khandi miruku chia vandu vu lwivulu lwa Levi, havukono hi miruku chiu khuraanga khwivulwa chia Vaisraeli khuva vianje inzi Mwami Nyasaye.” 42Nalwo lwa Musa yakhola ndio, navalitsa vaana vi shiyayi vakhulundu khwivulwa vashili vatoro halala ni miruku misatsa chiu khuraanga khwivulwa, khuli Mwami Nyasaye yali navooli, 43khuraanjila khu mweli mulala nu khutsililila imbeli; vaana vi shiyayi vatoro vavalitswa, vali tsiheelefu makhomi kavili na vavili tsimia tsivili makhomi saba na vavaka.
44Mwami Nyasaye yavoolela Musa, 45“Utakase vandu vu lwivulu lwa Levi, havukono ha vaana voosi vi shiyayi vakhulundu khwivulwa mu Vaisraeli, khali miruku chia vandu vu lwivulu lwa Levi, havukono hi miruku chia Vaisraeli; vandu vu lwivulu lwa Levi valiitsa khuva vaanje. Ninzi Mwami Nyasaye. 46Lwa vaana vi shiyayi vakhulundu khwivulwa va Vaisraeli vali vanyishi, khuvira vandu vu lwivulu lwa Levi na vaana vi shiyayi tsimia tsivili makhomi saba na vavaka, uliitsa khukuula khandi varikala. 47Uliitsa khurunga, khu shia mulala ifetsa vitonye viranu, khulondokhana khu shipimu shitushili, 48ma uhe Haruni nende vaana veve tsisenti tsienetso.” 49Musa yalonda makhuva kenako, navukula tsisenti tsia vandu vu lwivulu lwa Levi, vali nivarunji. 50Ifetsa vitonye iheelefu indala tsimia tsivaka makhomi sita na viranu khulondokhana ni shipimu shia Havundu Hatakatifu; 51naha Haruni nende vaana veve, khulondokhana khu likhuva liu Mwami Nyasaye, khuli lwa yali navooli.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
© The Bible Society of Kenya, 2013