LIVALITSWA 5
5
Vunihu vwa Havundu ha Vandu Vamenyanga
1Mwami Nyasaye yavoolela Musa, 2“Uvoolele Vaisraeli vakhunganyinyi mu maheemo ka vamenyamu, shia mundu wosi walwala vuchele, khandi shia mundu wosi wa mahila karulanga muye, khandi shia mundu wosi woneshe lwa yatiila khu mmbili ku mukhutsu. 3Muliitsa khukhunganyinya vandu voneshe venavo, vave vasatsa inoho vakhali khurula mu maheemo kamumenyamu, nikanyalikha khuvula khwononyinya havundu henaho, nali hamenyanga mu vandu vaanje.” 4Vaisraeli vakhola, khuli Mwami Nyasaye yali navoolele Musa vakhole. Vakhunga voosi khurula mu maheemo ka vamenyamu.
Khuvanza Vutamanu khu Mundu Wakholelwa Vutamanu
5Mwami Nyasaye yalomoloma khu Musa navoola, 6“Voolela Vaisraeli, ‘Lwa mundu, ave musatsa inoho mukhali akholelanga wundi vwoni, yambakhana khuva musuuvilwa khu Mwami Nyasaye, mundu mwenoyo avetsanga ukholi vutamanu. 7Aliitsa khwiyema ukholi vwoni, nu khurunga murungu kwosi khu mundu wa yakholela vindu vitamanu mwenoyo. Aliitsa khumeetakhu murungu kwa makhomi kavili mu imia indala. 8Niiva mundu mwenoyo, aliitsa khuva niyakhutsa khandi avula mwiikho wa hahimbi unyala khurungwa, murungu kwenoko kuliitsa khuhaanwa khu Mwami Nyasaye shichila musalisi. Murungu kwenoko, kuliitsa khumeetwakhu limiiko liu khurumishila khukhola mulukha ku khunihitsa mundu ukholi vutamanu. 9Shihanwa shiosi, shia Vaisraeli vahaananga khu Mwami Nyasaye, shiliitsa khuva shiu musalisi, wa vahaanakhu shihanwa shienesho. 10Shia musalisi wosi, aliitsa khuvikha mwene vihanwa via yaheelwa.’ ”
Lichela Liukhuchelitsa Mukhali Muheeyi
11Mwami Nyasaye yavoolela Musa, 12“Lomoloma khu Vaisraeli shia uvavoolele, niiva mukhali wosi wu mundu musatsa yahila, aliitsa khukhola vuheeyi nu khuvula khuva musuuvilwa khu musatsa wewe; 13niiva aliitsa khukona nu musatsa wundi, vuchila musatsa wewe khumanya, khandi vuchila khunyolwa nakholanga (lwa khuvula mushiahidi wamulola khandi mundu avulakhuho wamunyola nakholanga), 14niiva musatsa mwenoyo aliitsa khuva ninganakani ndi mukhali wewe avula khuli anyala khusuuvilwa, khandi ukholi vutamanu, khali niiva mukhali wewe ashili khwiyononyinya -- 15mundu musatsa mwenoyo, aliitsa khuhila mukhali wewe khu musalisi. Aliitsa khuhila khandi shihanwa shiu vusi vwi ishayiri ikilo, navutswa vuchila khuvikha makura koosi ku musayituni khuvio yu vwi vusi ishayiri inoho khurakhu vubani, shichila ni shihanwa shi imu shiu musatsa wambakhana khusuuvila mukhali wewe, nishili shihanwa shikholwangwa khurweshitsa katoto.”
16Musalisi aliitsa khulaanga mukhali mwenoyo imbeli, nu khumuvoolela asinjile imbeli wu vwaali. 17Musalisi aliitsa khuvukula matsi matakatifu, khukatsukha mu inyungu khandi avukuli malova khurula hasi hi Liheemo Litakatifu khukara mu matsi khukakhola khuva malulu. 18Aliitsa khurimbulula liswi liu mukhali mwenoyo, mare shihanwa shiu vusi mu makhono ku mukhali mwenoyo. Musalisi aliitsa khukumila mu makhono keke inyungu ya matsi malulu kaleranga shilaamo. 19Musalisi aliitsa khumwisuuhitsa, navoola, “Niiva ushili khuheeyakhu nu musatsa wundi, shilaamo shia matsi yaka kaleranga, shivuli khukhukwila. 20Navutswa niiva waheeya nu musatsa wundi, khali niiva wali hasi ha malako ku musatsa wowo, nu wiyononyinya lwa wakona nu musatsa wundi, vuchila khukona nu musatsa wowo, 21Mwami Nyasaye umali khukhulaama mu vandu vumenyamu. Vakhole vukhali vwovwo khwilinga khandi inda yoyo khuvimba. 22Matsi yaka lwa kinjila munda mwomwo kalavimbitsa inda yoyo nu khulinga vukhali vwovwo.”
Mukhali mwenoyo aliitsa khuvoola, “Mbuchilile; Mwami Nyasaye akhole kenako.”
23Musalisi aliitsa khuhandika vilaamo vienevo hasi nu khufuyila mahandiko mu inyungu ya matsi malulu. 24Aliitsa khuvoolela mukhali mwenoyo ang'wi matsi malulu kaleranga shilaamo, ma matsi kenako kinjile muye khumunyashitsa vululu muno. 25Musalisi aliitsa khuvukula shihanwa shiu vusi mu makhono ku mukhali mwenoyo, mashichinji ikulu khusanditsa Mwami Nyasaye, nu khuhaana khu vwaali. 26Musalisi aliitsa khuvukula lukhovi lu vusi vwenovo mu mukhono kwekwe khuli shihanwa shiu khwitsushitsilakhu nu khuvusambila khu vwaali. Aliitsa khuvoolela mukhali mwenoyo ang'wi matsi lukhumalilikha. 27Niiva mukhali mwenoyo yali waheeya nu musatsa wundi, matsi kenako kaliitsa khumusalilitsa vululu muno. Inda yeye iliitsa khuvimba, vukhali vwevwe khwilinga. Aliitsa khuva khuli shilaamo mu vandu veve vamenyamu. 28Navutswa niiva ashili khuheeyakhu nu musatsa wundi, shilaamo shilitsa khuvula khumukwila; aliitsa khutsililila khwivula vaana.
29Yili nalio lilako khulondokhana khu mundu musatsa ulolanga ndi mukhali wewe, wayambakhana khuva musuuvilwa khuye, khandi wayiyononyinya nu musatsa wundi, 30inoho lu mundu musatsa alolanga ndi mukhali wewe wayambakhana khuva musuuvilwa khuye, shichila akanakananga mukhali wewe ukholi vuheeyi nu musatsa wundi. Musalisi aliitsa khumuvoolela asinjile imbeli wu vwaali, nu khumusomela lilako yili liosi. 31Musatsa wu mukhali mwenoyo aliitsa khuva muvoholole khurula mu vutamanu vwevwe, navutswa niiva kaliitsa khulolekha ndi mukhali mwenoyo ukholi vutamanu, aliitsa khusalila khulondokhana khu kakholi mwene.
Pilihan Saat Ini:
LIVALITSWA 5: LLLCATHOLIC
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
© The Bible Society of Kenya, 2013
LIVALITSWA 5
5
Vunihu vwa Havundu ha Vandu Vamenyanga
1Mwami Nyasaye yavoolela Musa, 2“Uvoolele Vaisraeli vakhunganyinyi mu maheemo ka vamenyamu, shia mundu wosi walwala vuchele, khandi shia mundu wosi wa mahila karulanga muye, khandi shia mundu wosi woneshe lwa yatiila khu mmbili ku mukhutsu. 3Muliitsa khukhunganyinya vandu voneshe venavo, vave vasatsa inoho vakhali khurula mu maheemo kamumenyamu, nikanyalikha khuvula khwononyinya havundu henaho, nali hamenyanga mu vandu vaanje.” 4Vaisraeli vakhola, khuli Mwami Nyasaye yali navoolele Musa vakhole. Vakhunga voosi khurula mu maheemo ka vamenyamu.
Khuvanza Vutamanu khu Mundu Wakholelwa Vutamanu
5Mwami Nyasaye yalomoloma khu Musa navoola, 6“Voolela Vaisraeli, ‘Lwa mundu, ave musatsa inoho mukhali akholelanga wundi vwoni, yambakhana khuva musuuvilwa khu Mwami Nyasaye, mundu mwenoyo avetsanga ukholi vutamanu. 7Aliitsa khwiyema ukholi vwoni, nu khurunga murungu kwosi khu mundu wa yakholela vindu vitamanu mwenoyo. Aliitsa khumeetakhu murungu kwa makhomi kavili mu imia indala. 8Niiva mundu mwenoyo, aliitsa khuva niyakhutsa khandi avula mwiikho wa hahimbi unyala khurungwa, murungu kwenoko kuliitsa khuhaanwa khu Mwami Nyasaye shichila musalisi. Murungu kwenoko, kuliitsa khumeetwakhu limiiko liu khurumishila khukhola mulukha ku khunihitsa mundu ukholi vutamanu. 9Shihanwa shiosi, shia Vaisraeli vahaananga khu Mwami Nyasaye, shiliitsa khuva shiu musalisi, wa vahaanakhu shihanwa shienesho. 10Shia musalisi wosi, aliitsa khuvikha mwene vihanwa via yaheelwa.’ ”
Lichela Liukhuchelitsa Mukhali Muheeyi
11Mwami Nyasaye yavoolela Musa, 12“Lomoloma khu Vaisraeli shia uvavoolele, niiva mukhali wosi wu mundu musatsa yahila, aliitsa khukhola vuheeyi nu khuvula khuva musuuvilwa khu musatsa wewe; 13niiva aliitsa khukona nu musatsa wundi, vuchila musatsa wewe khumanya, khandi vuchila khunyolwa nakholanga (lwa khuvula mushiahidi wamulola khandi mundu avulakhuho wamunyola nakholanga), 14niiva musatsa mwenoyo aliitsa khuva ninganakani ndi mukhali wewe avula khuli anyala khusuuvilwa, khandi ukholi vutamanu, khali niiva mukhali wewe ashili khwiyononyinya -- 15mundu musatsa mwenoyo, aliitsa khuhila mukhali wewe khu musalisi. Aliitsa khuhila khandi shihanwa shiu vusi vwi ishayiri ikilo, navutswa vuchila khuvikha makura koosi ku musayituni khuvio yu vwi vusi ishayiri inoho khurakhu vubani, shichila ni shihanwa shi imu shiu musatsa wambakhana khusuuvila mukhali wewe, nishili shihanwa shikholwangwa khurweshitsa katoto.”
16Musalisi aliitsa khulaanga mukhali mwenoyo imbeli, nu khumuvoolela asinjile imbeli wu vwaali. 17Musalisi aliitsa khuvukula matsi matakatifu, khukatsukha mu inyungu khandi avukuli malova khurula hasi hi Liheemo Litakatifu khukara mu matsi khukakhola khuva malulu. 18Aliitsa khurimbulula liswi liu mukhali mwenoyo, mare shihanwa shiu vusi mu makhono ku mukhali mwenoyo. Musalisi aliitsa khukumila mu makhono keke inyungu ya matsi malulu kaleranga shilaamo. 19Musalisi aliitsa khumwisuuhitsa, navoola, “Niiva ushili khuheeyakhu nu musatsa wundi, shilaamo shia matsi yaka kaleranga, shivuli khukhukwila. 20Navutswa niiva waheeya nu musatsa wundi, khali niiva wali hasi ha malako ku musatsa wowo, nu wiyononyinya lwa wakona nu musatsa wundi, vuchila khukona nu musatsa wowo, 21Mwami Nyasaye umali khukhulaama mu vandu vumenyamu. Vakhole vukhali vwovwo khwilinga khandi inda yoyo khuvimba. 22Matsi yaka lwa kinjila munda mwomwo kalavimbitsa inda yoyo nu khulinga vukhali vwovwo.”
Mukhali mwenoyo aliitsa khuvoola, “Mbuchilile; Mwami Nyasaye akhole kenako.”
23Musalisi aliitsa khuhandika vilaamo vienevo hasi nu khufuyila mahandiko mu inyungu ya matsi malulu. 24Aliitsa khuvoolela mukhali mwenoyo ang'wi matsi malulu kaleranga shilaamo, ma matsi kenako kinjile muye khumunyashitsa vululu muno. 25Musalisi aliitsa khuvukula shihanwa shiu vusi mu makhono ku mukhali mwenoyo, mashichinji ikulu khusanditsa Mwami Nyasaye, nu khuhaana khu vwaali. 26Musalisi aliitsa khuvukula lukhovi lu vusi vwenovo mu mukhono kwekwe khuli shihanwa shiu khwitsushitsilakhu nu khuvusambila khu vwaali. Aliitsa khuvoolela mukhali mwenoyo ang'wi matsi lukhumalilikha. 27Niiva mukhali mwenoyo yali waheeya nu musatsa wundi, matsi kenako kaliitsa khumusalilitsa vululu muno. Inda yeye iliitsa khuvimba, vukhali vwevwe khwilinga. Aliitsa khuva khuli shilaamo mu vandu veve vamenyamu. 28Navutswa niiva ashili khuheeyakhu nu musatsa wundi, shilaamo shilitsa khuvula khumukwila; aliitsa khutsililila khwivula vaana.
29Yili nalio lilako khulondokhana khu mundu musatsa ulolanga ndi mukhali wewe, wayambakhana khuva musuuvilwa khuye, khandi wayiyononyinya nu musatsa wundi, 30inoho lu mundu musatsa alolanga ndi mukhali wewe wayambakhana khuva musuuvilwa khuye, shichila akanakananga mukhali wewe ukholi vuheeyi nu musatsa wundi. Musalisi aliitsa khumuvoolela asinjile imbeli wu vwaali, nu khumusomela lilako yili liosi. 31Musatsa wu mukhali mwenoyo aliitsa khuva muvoholole khurula mu vutamanu vwevwe, navutswa niiva kaliitsa khulolekha ndi mukhali mwenoyo ukholi vutamanu, aliitsa khusalila khulondokhana khu kakholi mwene.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
© The Bible Society of Kenya, 2013