Luki 14
14
Jesu paagi o yiamo
1Dayenli, U Tienu fuodima daali, Jesu den kua Farisieninba yudanba siiga yendo deni, yua n den yini o wan je. 2Yaaba n den cua ki baa je den kpaagi Jesu. U yianpiebiko daano den kaa o nintuali. 3Jesu den maadi leni li bali maama bangikacianba leni Farisieninba yaaba n ye likani, ki yedi ba: «Naani li pia sanu ban paagi o nilo mi fuodima daali, bi laa pia yo?» 4Bi den ŋmini suo. Jesu den tandi o nuu ki mubini o yiamo yeni ki paagi o ki cabi o. 5Li yaa puoli, o den yedi ba: «Yi siiga ŋme yaa bijua, yaa ka o nua, yaa baa li caali nni mi fuodima daali, o kan jaligi ki dadi ki ñani o?» #Mat 12.11. 6Baa den fidi ki guani o laa maama po liba.
Jesu bangi ke o nilo n da fiini o yuli
7Jesu n den laa ke Farisieni yeni n yini yaaba ban cua ki je, lingi yaa kalikaani n pia ti kpiagidi ki cie, o den pua ba mi kpanjama ki yedi: 8«O nilo yaa yini a mi puocaanjiema po, ŋan da gedi ki kali yaa kaanu n kpiagi ki cie. Lani n tie wan yini yaaba siiga n da ti yaa pia yua yaa jigidi n cie a yaadi, #Kpa 25.6-7. 9ke yua n yini fini leni wani kuli yaa cua, wan da ti yedi a: ‹Teni one u kaanu.› Lani, i fe baa cuo ŋa leni ŋan baa guani ki ban kali puoli po. 10Ama bi yaa yini a ke a pundi, ŋan ban kali puoli po yaa kalikaanu. A yaa tieni yeni, yua n yini a yaa ti cua, o baa yedi a: ‹N danli, cua ki kali yaa kaanu n pia ti kpiagidi ki cie.› Lani, li baa tua a po ti kpiagidi wan yini yaaba kuli nintuali. 11Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.» #Mat 23.12; Luk 18.14.
12Jesu go den maadi leni yua n yini o yeni mo ki yedi: «A yaa yini bi niba ban cua a deni mi yensiijiema po, bi mi yenjuajiema po, ŋan da yini a danlinba, a kpeliba leni a waamu, bi yaaba n li kpi leni a kuli, yaa ka a yieninlieba siiga yaaba n tie a piada, ke ban da ti guani ki mo n yini a ki jiini a a ŋanma. 13A yaa baa yini bi niba mi jaanjiema po, ŋan yini a luoda, a tadima, a waba leni a juama. 14Lani, U Tienu baa ŋanbi a po kelima bani wani kan fidi ki guani a a ŋanma. U Tienu yaa ti fiini bi niteginkaaba bi tinkpiba siiga, o baa guani a ma.»
Mi jaanjiema kpanjama
(Mat 22.1-10)
15Yaaba n den ye u saajekaanu kani siiga yendo n den gbadi laa maama, o den yedi Jesu: «Li pamanli ye leni yua n baa baa ki je U Tienu diema nni.» 16Jesu den guani ki yedi o: «O nilo den ŋanbi mi jecianma, ki yini bi niba boncianla. 17Mi jiema yogunu n pundi, o den soani o naacemo n ban yedi wan yini yaaba: ‹Cua mani na kelima li bonla kuli ŋanbi ki gbeni.› 18Ama bikuli, yendo yendo den mia sugili. O nikpialo den yedi o naacemo: ‹N da u kuanu, kali min gedi ki ban le u, ŋan mia n po sugili.› 19One mo den yedi: ‹N da naakpakpaadi piiga, n caa ki baa n biigi ba, ŋan mia n po sugili.› 20Toa moko den yedi: ‹N da taa n pua moala ne, lani yaa po n kan fidi ki gedi.› 21O naacemo den lebidi ki guani o canbaa kani ki waani o likuli. Lani, o diedaano yeni pali den beni, ke o yedi o naacemo: ‹Kua u dogu daamu nni leni u sani nni tontoni, ki cuani a luoda, a tadima, a juama leni a waba na.› 22Lan yeni waamu, o naacemo den guani ki yedi o: ‹Canbaa, n tieni ŋan bi puogi nni yaala, ama u kaanu go sieni.› 23Lani, o canbaa den guani ki yedi o: ‹Ña u dogu nni ki gedi a sanbibila nni leni a naga balinma, ki tigini bi niba ban cua na ki gbieni n diegu.› 24N yedi yi ke min den kpa yini yaaba yeni, bi siiga ba yendo kan leni n jiema.»
O nilo n baa tieni maama ki tua Jesu ŋoadika
(Mat 10.37-38)
25Bi niba boncianla den yegi leni Jesu o sancenli nni. O den jigidi ki yedi ba: 26«Yua n cua n kani, o yàá yie o baa leni o naa, o pua leni o bila, o kpeliba leni o waamu, ba o yuceli mo, o kan tua n ŋoadika. #Mat 10.37. 27Yua n ki bugi o dapoanpoanli ki ŋua nni, kan fidi ki yaa tie n ŋoadika. #Mat 10.38; 16.24; Mrk 8.34; Luk 9.23.
28Yi siiga ŋme n baa bua ki maa li diefoagili ki kan kpa kali ki bandi wan baa biani yaala, ki le o yaa pia yaa ligi n baa dagidi wan gbeni. 29O yàá tieni yeni, o yaa puu li tanpuuli ki naa fidi ki juodi, yaaba n baa le kuli baa ñuadi o, ki yedi: 30‹O joa na cili li diemaali ki naa fidi ki juodi.› 31Bado yaa ye ki bua ki tuogi bu toabu leni baditoa, ki nan pia toatieba tuda piiga (10 000), naani waa baa kpa kali ki biigi o yaa baa fidi ki tuogi bu toabu leni yua n kpendi o kani, ki pia toatieba tuda piilie (20 000)? 32O yaa sua ke o kan fidi, o baa soani o tonda hali ke o yibali da ye foagima, ki mia o wan waani o wan bua yaala, ban mangi leni biyaba.
33Li tie yeni, yi siiga yua n ki ŋaa wan pia yaala kuli, kan tua n ŋoadika.
Mi yaama kpanjama
(Mat 5.13; Mrk 9.50)
34Mi yaama tie yaa bonla n mani, ama mi yaa ti luo mi manu, bi baa taa be ki go mangi ma? 35Maa pia mayuli ki tinga po, maa go pia mayuli ti bugidi po, kali ban lu ma bebe. Yua n pia a tuba ki baa gbadi, wan gbadi.»
Pilihan Saat Ini:
Luki 14: BGP
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Gulmancema Protestant Bible © Bible Society of Burkina Faso, 2013.
Luki 14
14
Jesu paagi o yiamo
1Dayenli, U Tienu fuodima daali, Jesu den kua Farisieninba yudanba siiga yendo deni, yua n den yini o wan je. 2Yaaba n den cua ki baa je den kpaagi Jesu. U yianpiebiko daano den kaa o nintuali. 3Jesu den maadi leni li bali maama bangikacianba leni Farisieninba yaaba n ye likani, ki yedi ba: «Naani li pia sanu ban paagi o nilo mi fuodima daali, bi laa pia yo?» 4Bi den ŋmini suo. Jesu den tandi o nuu ki mubini o yiamo yeni ki paagi o ki cabi o. 5Li yaa puoli, o den yedi ba: «Yi siiga ŋme yaa bijua, yaa ka o nua, yaa baa li caali nni mi fuodima daali, o kan jaligi ki dadi ki ñani o?» #Mat 12.11. 6Baa den fidi ki guani o laa maama po liba.
Jesu bangi ke o nilo n da fiini o yuli
7Jesu n den laa ke Farisieni yeni n yini yaaba ban cua ki je, lingi yaa kalikaani n pia ti kpiagidi ki cie, o den pua ba mi kpanjama ki yedi: 8«O nilo yaa yini a mi puocaanjiema po, ŋan da gedi ki kali yaa kaanu n kpiagi ki cie. Lani n tie wan yini yaaba siiga n da ti yaa pia yua yaa jigidi n cie a yaadi, #Kpa 25.6-7. 9ke yua n yini fini leni wani kuli yaa cua, wan da ti yedi a: ‹Teni one u kaanu.› Lani, i fe baa cuo ŋa leni ŋan baa guani ki ban kali puoli po. 10Ama bi yaa yini a ke a pundi, ŋan ban kali puoli po yaa kalikaanu. A yaa tieni yeni, yua n yini a yaa ti cua, o baa yedi a: ‹N danli, cua ki kali yaa kaanu n pia ti kpiagidi ki cie.› Lani, li baa tua a po ti kpiagidi wan yini yaaba kuli nintuali. 11Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.» #Mat 23.12; Luk 18.14.
12Jesu go den maadi leni yua n yini o yeni mo ki yedi: «A yaa yini bi niba ban cua a deni mi yensiijiema po, bi mi yenjuajiema po, ŋan da yini a danlinba, a kpeliba leni a waamu, bi yaaba n li kpi leni a kuli, yaa ka a yieninlieba siiga yaaba n tie a piada, ke ban da ti guani ki mo n yini a ki jiini a a ŋanma. 13A yaa baa yini bi niba mi jaanjiema po, ŋan yini a luoda, a tadima, a waba leni a juama. 14Lani, U Tienu baa ŋanbi a po kelima bani wani kan fidi ki guani a a ŋanma. U Tienu yaa ti fiini bi niteginkaaba bi tinkpiba siiga, o baa guani a ma.»
Mi jaanjiema kpanjama
(Mat 22.1-10)
15Yaaba n den ye u saajekaanu kani siiga yendo n den gbadi laa maama, o den yedi Jesu: «Li pamanli ye leni yua n baa baa ki je U Tienu diema nni.» 16Jesu den guani ki yedi o: «O nilo den ŋanbi mi jecianma, ki yini bi niba boncianla. 17Mi jiema yogunu n pundi, o den soani o naacemo n ban yedi wan yini yaaba: ‹Cua mani na kelima li bonla kuli ŋanbi ki gbeni.› 18Ama bikuli, yendo yendo den mia sugili. O nikpialo den yedi o naacemo: ‹N da u kuanu, kali min gedi ki ban le u, ŋan mia n po sugili.› 19One mo den yedi: ‹N da naakpakpaadi piiga, n caa ki baa n biigi ba, ŋan mia n po sugili.› 20Toa moko den yedi: ‹N da taa n pua moala ne, lani yaa po n kan fidi ki gedi.› 21O naacemo den lebidi ki guani o canbaa kani ki waani o likuli. Lani, o diedaano yeni pali den beni, ke o yedi o naacemo: ‹Kua u dogu daamu nni leni u sani nni tontoni, ki cuani a luoda, a tadima, a juama leni a waba na.› 22Lan yeni waamu, o naacemo den guani ki yedi o: ‹Canbaa, n tieni ŋan bi puogi nni yaala, ama u kaanu go sieni.› 23Lani, o canbaa den guani ki yedi o: ‹Ña u dogu nni ki gedi a sanbibila nni leni a naga balinma, ki tigini bi niba ban cua na ki gbieni n diegu.› 24N yedi yi ke min den kpa yini yaaba yeni, bi siiga ba yendo kan leni n jiema.»
O nilo n baa tieni maama ki tua Jesu ŋoadika
(Mat 10.37-38)
25Bi niba boncianla den yegi leni Jesu o sancenli nni. O den jigidi ki yedi ba: 26«Yua n cua n kani, o yàá yie o baa leni o naa, o pua leni o bila, o kpeliba leni o waamu, ba o yuceli mo, o kan tua n ŋoadika. #Mat 10.37. 27Yua n ki bugi o dapoanpoanli ki ŋua nni, kan fidi ki yaa tie n ŋoadika. #Mat 10.38; 16.24; Mrk 8.34; Luk 9.23.
28Yi siiga ŋme n baa bua ki maa li diefoagili ki kan kpa kali ki bandi wan baa biani yaala, ki le o yaa pia yaa ligi n baa dagidi wan gbeni. 29O yàá tieni yeni, o yaa puu li tanpuuli ki naa fidi ki juodi, yaaba n baa le kuli baa ñuadi o, ki yedi: 30‹O joa na cili li diemaali ki naa fidi ki juodi.› 31Bado yaa ye ki bua ki tuogi bu toabu leni baditoa, ki nan pia toatieba tuda piiga (10 000), naani waa baa kpa kali ki biigi o yaa baa fidi ki tuogi bu toabu leni yua n kpendi o kani, ki pia toatieba tuda piilie (20 000)? 32O yaa sua ke o kan fidi, o baa soani o tonda hali ke o yibali da ye foagima, ki mia o wan waani o wan bua yaala, ban mangi leni biyaba.
33Li tie yeni, yi siiga yua n ki ŋaa wan pia yaala kuli, kan tua n ŋoadika.
Mi yaama kpanjama
(Mat 5.13; Mrk 9.50)
34Mi yaama tie yaa bonla n mani, ama mi yaa ti luo mi manu, bi baa taa be ki go mangi ma? 35Maa pia mayuli ki tinga po, maa go pia mayuli ti bugidi po, kali ban lu ma bebe. Yua n pia a tuba ki baa gbadi, wan gbadi.»
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Gulmancema Protestant Bible © Bible Society of Burkina Faso, 2013.