Luuga 22
22
Ugejie gwa Yahuudha
1A Ŋidwa je githo ŋa dh’ⓐesh Fatir, ŋinena ŋan Ŋidwa ŋa dh’Abrico. 2A leleny la gusus a jathib alari lidheje albuje dhuŋuna dha dhildhirinya; lidhenyo lijo. 3A Sheṯaan uni gi dhugor ganu dha Yahuudha al Iskharyuuṯi, gwina gwiro gweta gwa calmiz jina jiro die‐a‐ram. 4Ŋwela, alabiŋaijiye leleny lai la gusus a zabithŋa lai dhuŋuna dha dhuŋwundhugejie. 5Aliŋir dugore, aluminyi dildhedha gwarush. 6Ŋwuminyi ŋwuldhunijo lamun la dhuŋwulugejie lina lati lal liji je loinyadho no.
Geta momaŋ gwa ŋidi ŋa Ŋidwa ŋa dh’Abrico ŋina ŋimirudhi
7A lamun aji ŋwila la Ŋidwa ŋa dh’ⓐesh Fatir, lina lathil liji dhuge kaŋala ga Ŋidwa ŋa dh’Abrico. 8A Yasuuⓐ ukeje Buṯrusuŋw a Yuuẖanna, ŋwulaici, Idhul, nya geta ŋida momaŋ ŋa Ŋidwa ŋa dh’Abrico, danaleny. 9Alothaije galo, alaici, Au gwara anaŋa lageta ŋida momaŋ na? 10Ŋwulaici, Manya obani gi len nyaŋa laji labudhe kwijiŋa lai gwina gwupini gidhe ga ŋau; nya gwuje, nyal uni gi dunu gwina gwuŋwun uni. 11Nyabiŋaijo kwijo gwa dunu, nyaici, Muⓐallim gwarnu, Dunu gwa lirin gwada gwina gwananeny ŋida ŋa Ŋidwa ŋa dh’Abrico calmiz jai jiny? 12A gwaji gwajaŋajo duna gweta gwipa gwina gwo kabo gwina gwuthi ŋida ganu; nyan geta ŋida momaŋ. 13Alela, albuje dhuŋuna dhiro ŋinena abiŋuŋwna; algeta ŋida momaŋ ŋa Ŋidwa ŋa dh’Abrico.
Gimure gina gimiradhi
14A ma saaⓐa ro peth, aljalo liji lai lina lukejinu lina liro die‐a‐ram. 15Ŋwulabiŋaijo, ŋwulaici, Nyi gwara gwuleny aleny ŋida ŋa Ŋidwa ibiŋa kwereny nanaŋ ŋwuredeny ŋwati ŋwithiny no. 16Nyi gwa gwabiŋaijaje, ŋajaici, Ŋati ŋinyileny manaŋ no, kwereny nanaŋ ŋati ŋuthi je ganu kidhila ga Kalo no. 17Ŋwapai finjaan, ŋwugwabiŋaijo Kaloŋa, ŋwulabiŋaijo, ŋwulaici, Apul, nya gugini dagalo ganu. 18Nyi gwa gwabiŋaijaje, ŋajaici, Nyi gwati gweye ŋau ŋa dugur manaŋ no, kwereny nanaŋ gidhila ga Kalo gati gidhi no. 19Ŋwapai ⓐesh, ŋwuyaici Kaloŋa shukran, ŋwurta ganu, ŋwuldhedha, ŋwulaici, Aŋinu iny iro ibiya ina yajurtajo ganu; athanya are minoŋ, nyilaŋidhani. 20A dina mal eny, ŋwuldhedha finjaan ko, ŋwulaici, Finjaan ibigwa gwiro dhuŋun dhina dhiyaŋ dha Kalo ŋin ŋai ŋiny, ŋina ŋajilbulujo. 21Abi aŋadhul, dhoi dha kwiji gwina gwo dinyinugejie dho gi tharabeza alaŋ, dhijaijiny galo. 22Titiganu Ŋari ŋa liji ŋa ŋidhi, gwiro ŋinena arna; abi kwiji gwina gwo danugejie gwaje gwaka dhugore. 23Alothaijiye degen ganu, alari laliŋa darnu ei gwiro gwina gwara gwapai dhuŋuna ibidhe.
Gwinunu titiganu
24Alkadhe ko, alarnu, ei gwaji gwununi degen. 25Ŋwulabiŋaijo, ŋwulaici, Maluuk la Liumam lathapai ŋelenya degen; a lina lathapai ŋelenya luthi jiriny jan Liji lina Liŋir. 26Dhati dharo minoŋ dagalo no; abi gwina gwinunu dagalo, abricul ŋwuro ŋinena gwitinyunu; a gwina gwiro kweleny, abricul ŋwuro ŋinena gwina gwathapai ŋiro. 27Ei gwinunu, kwiji gwina gwathijaijo tharabeza galo, i kwiji gwina gwathapai ŋiro? Gwati gwiro gwina gwathijaijo tharabeza galo na? Nyibi ro dagalo ŋinena gwina gwathapai ŋiro. 28Alathije gigina dina iludhi dhuŋun dha dhugeje diginy. 29A gwiro ŋinena dhedhinyina Babo gwiny gidhileo, a nyi gwajidhedha gidhileo ko; 30danya jaijo tharabeza galo dhiny, nyaleny, nyaliye, kidhila giny, a nyajalo karaasi, nyakimiye gabaayil ga Israayiil gina giro die‐a‐ram.
Yasuuⓐ gwabiŋu, ŋwarnu, Buṯrus gwaji gwinyidoinya
31A Kweleny arnu, Simⓐaan, Simⓐaan, Sheṯaan gwara gwajuthi ganu, ŋwari gwajurneje gwiro ŋinena ŋwon. 32Nyi babiŋadhaijo Kaloŋa duguŋa gwai, nyi gwara imaan gwuŋa gwati gwaŋagathani no. Ma ŋa urle dhugore galo, ŋa bureye limagalo nono. 33A Buṯrus abiŋaijo, ŋwaici, Kweleny gwai, nyi gwaje momaŋ dalela karkon, i dalai. 34Ŋwabiŋaijo, ŋwaici, Buṯrus, nyi gwa gwabiŋaijaŋa, ŋaici, ŋinenaŋina kwereny nanaŋ lugugure lati luro no, ŋa gwinyi doinya ŋwamun ganu thiril, ŋa gwarnu ŋa gwati gwiliŋidhiny no. 35Ŋwulabiŋaijo, ŋwulaici, Dilaŋ majukeje athanya apo jurna ja gwarush, i nyilgu, i caudhe no, nyaŋa lamiratho ŋida ŋina ŋibupanyalo a? Alarnu, Oo, anaŋa lati lamiratho ŋida ŋina ŋibupanalo no. 36Ŋwari ŋwulabiŋaijo, ŋwulaici, Abi ŋinena gwina gwuthi kurna ga gwarush, ŋwapai ŋilgu ko; a gwina gwati gwuthi kalala no, abricul ŋwupe luga luŋun kalala ganu. 37Nyi gwa gwabiŋaijaje, ŋajaici, aram dhuŋun dhuthi je ganu diginy dhina dhulinu minoŋ, Gwidhuredhinu gi liji lina like; dhuŋun dhina dhuladhinu diginy gwai dhaji dhuthi je ganu. 38Alabiŋaijo, alaici, Kweleny gwai, jalala jo mina ram. Ŋwulabiŋaijo, ŋwulaici, Abricul di.
Jathsemaani
39Ŋwutu, ŋwela gi len lina lan Zetuun, gwiro ŋinena athuŋwunela gigina; a calmiz juŋun gwuje. 40A dina muŋwobani kalo ibige, ŋwulabiŋaijo, ŋwulaici, Athanya abiŋaijo Kaloŋa dathathanya ugejinu gi dugor ganu dalo no. 41Ŋwutu ganu degen kalo gina guthi ŋoma gan kwiji gatho kolya, ŋwujalo ŋwurko ŋwai, ŋwabiŋaijo Kaloŋa. 42Ŋwaici, Babo, ada ŋa gwimari gwinyiwala finjaan ibigwa, nyiwala; athaŋa abrico dhuŋuna dhina dhibupiny duŋwupini no, ŋwubiro dhina dhibupaŋa dhuŋwupini. 43A malaak gweta gwa Sama uŋina dugun, ŋwubureye nono. 44Abi dhugor miri gwuleny, ŋwabiŋaijani Kaloŋa gwuleny; a ŋwutudhe ire ŋwiro ŋinena ŋin ŋina ŋiro jimlo, alide kwiyaŋ. 45A dina muŋwdira dabiŋaijo Kaloŋa, ŋwela gi calmiz juŋun, ŋwulbibuje didhre, jike dugore, 46Ŋwulabiŋaijo, ŋwulaici, Kworaŋ nyabidhire? Dirul, nyabiŋaijo Kaloŋa, athathanya ugejinu gi dugor ganu dalo no.
Mutha gwa Yasuuⓐ
47Dina abiŋaijuŋwulo, an liji eladha ganu loinyadho, a Yahuudha madhina, gwina gwiro thilmiz dhuŋun dheta dha calmiz jina jiro die‐a‐ram, ŋwudoga di Yasuuⓐ, ŋwari gwuŋwmira. 48Abi Yasuuⓐ abiŋaijo, ŋwaici, Yahuudha, au gwara gwamira Ŋare ŋa liji, ŋanbugejia? 49Ma liji aŋa lina lijilai darnu aŋ gwaji gwuthi je ganu, alabiŋaijo, alaici, Kweleny gwai, anaŋa miri kalala gai a? 50A gweta miri gadham ga kweleny gwa gusus, ŋwura kuni galo guŋun gina gijudhi gi dhiŋir. 51A Yasuuⓐ abiŋaijo, ŋwaici, Abriciny nyi geta minoŋ. Ŋwumini kuni, ŋwugeta momaŋ. 52A Yasuuⓐ abiŋaijo lelenya la gusus a zabithŋa la hekal a liji lina lurun lina liludhi dugun, ŋwulaici, Nyaŋa liludhi diginy gwiro ŋinena gwuram jalala jai a ŋwura ŋwai? 53Dina athil je hekal gigina, athinyil muthi no; abi saaⓐa jalo jiro ibija, a ŋoma ŋa girim je.
Buṯrus gwidoinyo Yasuuⓐuŋw
54Almutha, alodha, algwela gi dunu gwa kweleny gwa gusus; al Buṯrus gwuje ro gidon. 55A mal muje iga gi hosh keligeny ganu, alenaje, a Buṯrus je keligeny ganu degen. 56A ŋera ŋeta aŋa Buṯrusuŋw dina muŋw jalo gi fure gwa iga, ŋwurile gi je ganu, ŋwarnu, Kwiji ibigwa gwijil gwai ko. 57Ŋwubidoinya, ŋwarnu, Kwa gwai, gwati gwiliŋidhiny no. 58A kwiji gwiter aji ŋwaŋa, ŋwaici, Ŋa ko gwiro gweta degen. A Buṯrus arnu, Kwiji gwai, nyi gwutu no. 59Aljalo gwitiny gwar saaⓐa jetipo, a kwiji gwiter abiŋaijo ŋwubire gi je, ŋwaici, Titiganu kwiji ibigwa gwijil gwai. Gwiro kwiji gwa Jaliil. 60A Buṯrus arnu, Kwiji gwai, nyi gwati gwiliŋidhi dhuŋuna dhina dhabiŋaŋa no; a dina abiŋuŋw minoŋ an lugugure oradha ganu. 61A Kweleny urle galo, ŋwurile Buṯrusuŋw, a Buṯrus aŋidhani dhuŋuna dha Kweleny dhina dhabiŋaijuŋw, ŋwaici, Kwereny nanaŋ lugugure lati luro no, ŋa gwinyidoinya ŋwamun ganu thiril. 62A Buṯrus tu por, ŋware gwuleny. 63A liji lina limuthi Yasuuⓐuŋw alakejuma, alpi. 64A dina mal girba je galo juŋun, alpi gi nyirel ganu, alaici, Abiŋaijije dhuŋun dhai dha nebiŋa, ei gwiro gwina gwipidhaŋa? 65Athil lo dhuŋun dhai dhoinyadho dhiter manaŋ.
Yasuuⓐ dina juŋw gi je ganu ja leleny la gusus
66Ma kalo ure, a liji lina lurun a leleny la gusus a jathib alauradhe liduŋw, alodhadha gi juriya jegen, alaici, 67Abiŋaijije, Ŋa gwiro al Masiiẖ a? Ŋwulabiŋaijo, ŋwulaici, Ada nyi gwimajabiŋaijo, nyaŋa lati luminyi no. 68A ada nyi gwimajothaije galo ko, a nyaŋa lati linyabiŋaijo no; a nyaŋa lati linyabrico nyi gwela no. 69Abi Ŋari ŋa liji ŋajalo gi dhoi dha ŋoma ŋa Kalo dhina dhiro dhiŋir. 70Alari alare peth nu, Ŋa gwiro Ŋari ŋa Kalo a? Ŋwulabiŋaijo, ŋwulaici, Nyaŋa larnu nyi gwiro. 71Alarnu, Anaŋa libupo shahaada gwiter a? Anaŋa limadiŋini dhuŋuna gi linyu luŋun.
Pilihan Saat Ini:
Luuga 22: HBN
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
First published by the British and Foreign Bible Society in 1966.
Luuga 22
22
Ugejie gwa Yahuudha
1A Ŋidwa je githo ŋa dh’ⓐesh Fatir, ŋinena ŋan Ŋidwa ŋa dh’Abrico. 2A leleny la gusus a jathib alari lidheje albuje dhuŋuna dha dhildhirinya; lidhenyo lijo. 3A Sheṯaan uni gi dhugor ganu dha Yahuudha al Iskharyuuṯi, gwina gwiro gweta gwa calmiz jina jiro die‐a‐ram. 4Ŋwela, alabiŋaijiye leleny lai la gusus a zabithŋa lai dhuŋuna dha dhuŋwundhugejie. 5Aliŋir dugore, aluminyi dildhedha gwarush. 6Ŋwuminyi ŋwuldhunijo lamun la dhuŋwulugejie lina lati lal liji je loinyadho no.
Geta momaŋ gwa ŋidi ŋa Ŋidwa ŋa dh’Abrico ŋina ŋimirudhi
7A lamun aji ŋwila la Ŋidwa ŋa dh’ⓐesh Fatir, lina lathil liji dhuge kaŋala ga Ŋidwa ŋa dh’Abrico. 8A Yasuuⓐ ukeje Buṯrusuŋw a Yuuẖanna, ŋwulaici, Idhul, nya geta ŋida momaŋ ŋa Ŋidwa ŋa dh’Abrico, danaleny. 9Alothaije galo, alaici, Au gwara anaŋa lageta ŋida momaŋ na? 10Ŋwulaici, Manya obani gi len nyaŋa laji labudhe kwijiŋa lai gwina gwupini gidhe ga ŋau; nya gwuje, nyal uni gi dunu gwina gwuŋwun uni. 11Nyabiŋaijo kwijo gwa dunu, nyaici, Muⓐallim gwarnu, Dunu gwa lirin gwada gwina gwananeny ŋida ŋa Ŋidwa ŋa dh’Abrico calmiz jai jiny? 12A gwaji gwajaŋajo duna gweta gwipa gwina gwo kabo gwina gwuthi ŋida ganu; nyan geta ŋida momaŋ. 13Alela, albuje dhuŋuna dhiro ŋinena abiŋuŋwna; algeta ŋida momaŋ ŋa Ŋidwa ŋa dh’Abrico.
Gimure gina gimiradhi
14A ma saaⓐa ro peth, aljalo liji lai lina lukejinu lina liro die‐a‐ram. 15Ŋwulabiŋaijo, ŋwulaici, Nyi gwara gwuleny aleny ŋida ŋa Ŋidwa ibiŋa kwereny nanaŋ ŋwuredeny ŋwati ŋwithiny no. 16Nyi gwa gwabiŋaijaje, ŋajaici, Ŋati ŋinyileny manaŋ no, kwereny nanaŋ ŋati ŋuthi je ganu kidhila ga Kalo no. 17Ŋwapai finjaan, ŋwugwabiŋaijo Kaloŋa, ŋwulabiŋaijo, ŋwulaici, Apul, nya gugini dagalo ganu. 18Nyi gwa gwabiŋaijaje, ŋajaici, Nyi gwati gweye ŋau ŋa dugur manaŋ no, kwereny nanaŋ gidhila ga Kalo gati gidhi no. 19Ŋwapai ⓐesh, ŋwuyaici Kaloŋa shukran, ŋwurta ganu, ŋwuldhedha, ŋwulaici, Aŋinu iny iro ibiya ina yajurtajo ganu; athanya are minoŋ, nyilaŋidhani. 20A dina mal eny, ŋwuldhedha finjaan ko, ŋwulaici, Finjaan ibigwa gwiro dhuŋun dhina dhiyaŋ dha Kalo ŋin ŋai ŋiny, ŋina ŋajilbulujo. 21Abi aŋadhul, dhoi dha kwiji gwina gwo dinyinugejie dho gi tharabeza alaŋ, dhijaijiny galo. 22Titiganu Ŋari ŋa liji ŋa ŋidhi, gwiro ŋinena arna; abi kwiji gwina gwo danugejie gwaje gwaka dhugore. 23Alothaijiye degen ganu, alari laliŋa darnu ei gwiro gwina gwara gwapai dhuŋuna ibidhe.
Gwinunu titiganu
24Alkadhe ko, alarnu, ei gwaji gwununi degen. 25Ŋwulabiŋaijo, ŋwulaici, Maluuk la Liumam lathapai ŋelenya degen; a lina lathapai ŋelenya luthi jiriny jan Liji lina Liŋir. 26Dhati dharo minoŋ dagalo no; abi gwina gwinunu dagalo, abricul ŋwuro ŋinena gwitinyunu; a gwina gwiro kweleny, abricul ŋwuro ŋinena gwina gwathapai ŋiro. 27Ei gwinunu, kwiji gwina gwathijaijo tharabeza galo, i kwiji gwina gwathapai ŋiro? Gwati gwiro gwina gwathijaijo tharabeza galo na? Nyibi ro dagalo ŋinena gwina gwathapai ŋiro. 28Alathije gigina dina iludhi dhuŋun dha dhugeje diginy. 29A gwiro ŋinena dhedhinyina Babo gwiny gidhileo, a nyi gwajidhedha gidhileo ko; 30danya jaijo tharabeza galo dhiny, nyaleny, nyaliye, kidhila giny, a nyajalo karaasi, nyakimiye gabaayil ga Israayiil gina giro die‐a‐ram.
Yasuuⓐ gwabiŋu, ŋwarnu, Buṯrus gwaji gwinyidoinya
31A Kweleny arnu, Simⓐaan, Simⓐaan, Sheṯaan gwara gwajuthi ganu, ŋwari gwajurneje gwiro ŋinena ŋwon. 32Nyi babiŋadhaijo Kaloŋa duguŋa gwai, nyi gwara imaan gwuŋa gwati gwaŋagathani no. Ma ŋa urle dhugore galo, ŋa bureye limagalo nono. 33A Buṯrus abiŋaijo, ŋwaici, Kweleny gwai, nyi gwaje momaŋ dalela karkon, i dalai. 34Ŋwabiŋaijo, ŋwaici, Buṯrus, nyi gwa gwabiŋaijaŋa, ŋaici, ŋinenaŋina kwereny nanaŋ lugugure lati luro no, ŋa gwinyi doinya ŋwamun ganu thiril, ŋa gwarnu ŋa gwati gwiliŋidhiny no. 35Ŋwulabiŋaijo, ŋwulaici, Dilaŋ majukeje athanya apo jurna ja gwarush, i nyilgu, i caudhe no, nyaŋa lamiratho ŋida ŋina ŋibupanyalo a? Alarnu, Oo, anaŋa lati lamiratho ŋida ŋina ŋibupanalo no. 36Ŋwari ŋwulabiŋaijo, ŋwulaici, Abi ŋinena gwina gwuthi kurna ga gwarush, ŋwapai ŋilgu ko; a gwina gwati gwuthi kalala no, abricul ŋwupe luga luŋun kalala ganu. 37Nyi gwa gwabiŋaijaje, ŋajaici, aram dhuŋun dhuthi je ganu diginy dhina dhulinu minoŋ, Gwidhuredhinu gi liji lina like; dhuŋun dhina dhuladhinu diginy gwai dhaji dhuthi je ganu. 38Alabiŋaijo, alaici, Kweleny gwai, jalala jo mina ram. Ŋwulabiŋaijo, ŋwulaici, Abricul di.
Jathsemaani
39Ŋwutu, ŋwela gi len lina lan Zetuun, gwiro ŋinena athuŋwunela gigina; a calmiz juŋun gwuje. 40A dina muŋwobani kalo ibige, ŋwulabiŋaijo, ŋwulaici, Athanya abiŋaijo Kaloŋa dathathanya ugejinu gi dugor ganu dalo no. 41Ŋwutu ganu degen kalo gina guthi ŋoma gan kwiji gatho kolya, ŋwujalo ŋwurko ŋwai, ŋwabiŋaijo Kaloŋa. 42Ŋwaici, Babo, ada ŋa gwimari gwinyiwala finjaan ibigwa, nyiwala; athaŋa abrico dhuŋuna dhina dhibupiny duŋwupini no, ŋwubiro dhina dhibupaŋa dhuŋwupini. 43A malaak gweta gwa Sama uŋina dugun, ŋwubureye nono. 44Abi dhugor miri gwuleny, ŋwabiŋaijani Kaloŋa gwuleny; a ŋwutudhe ire ŋwiro ŋinena ŋin ŋina ŋiro jimlo, alide kwiyaŋ. 45A dina muŋwdira dabiŋaijo Kaloŋa, ŋwela gi calmiz juŋun, ŋwulbibuje didhre, jike dugore, 46Ŋwulabiŋaijo, ŋwulaici, Kworaŋ nyabidhire? Dirul, nyabiŋaijo Kaloŋa, athathanya ugejinu gi dugor ganu dalo no.
Mutha gwa Yasuuⓐ
47Dina abiŋaijuŋwulo, an liji eladha ganu loinyadho, a Yahuudha madhina, gwina gwiro thilmiz dhuŋun dheta dha calmiz jina jiro die‐a‐ram, ŋwudoga di Yasuuⓐ, ŋwari gwuŋwmira. 48Abi Yasuuⓐ abiŋaijo, ŋwaici, Yahuudha, au gwara gwamira Ŋare ŋa liji, ŋanbugejia? 49Ma liji aŋa lina lijilai darnu aŋ gwaji gwuthi je ganu, alabiŋaijo, alaici, Kweleny gwai, anaŋa miri kalala gai a? 50A gweta miri gadham ga kweleny gwa gusus, ŋwura kuni galo guŋun gina gijudhi gi dhiŋir. 51A Yasuuⓐ abiŋaijo, ŋwaici, Abriciny nyi geta minoŋ. Ŋwumini kuni, ŋwugeta momaŋ. 52A Yasuuⓐ abiŋaijo lelenya la gusus a zabithŋa la hekal a liji lina lurun lina liludhi dugun, ŋwulaici, Nyaŋa liludhi diginy gwiro ŋinena gwuram jalala jai a ŋwura ŋwai? 53Dina athil je hekal gigina, athinyil muthi no; abi saaⓐa jalo jiro ibija, a ŋoma ŋa girim je.
Buṯrus gwidoinyo Yasuuⓐuŋw
54Almutha, alodha, algwela gi dunu gwa kweleny gwa gusus; al Buṯrus gwuje ro gidon. 55A mal muje iga gi hosh keligeny ganu, alenaje, a Buṯrus je keligeny ganu degen. 56A ŋera ŋeta aŋa Buṯrusuŋw dina muŋw jalo gi fure gwa iga, ŋwurile gi je ganu, ŋwarnu, Kwiji ibigwa gwijil gwai ko. 57Ŋwubidoinya, ŋwarnu, Kwa gwai, gwati gwiliŋidhiny no. 58A kwiji gwiter aji ŋwaŋa, ŋwaici, Ŋa ko gwiro gweta degen. A Buṯrus arnu, Kwiji gwai, nyi gwutu no. 59Aljalo gwitiny gwar saaⓐa jetipo, a kwiji gwiter abiŋaijo ŋwubire gi je, ŋwaici, Titiganu kwiji ibigwa gwijil gwai. Gwiro kwiji gwa Jaliil. 60A Buṯrus arnu, Kwiji gwai, nyi gwati gwiliŋidhi dhuŋuna dhina dhabiŋaŋa no; a dina abiŋuŋw minoŋ an lugugure oradha ganu. 61A Kweleny urle galo, ŋwurile Buṯrusuŋw, a Buṯrus aŋidhani dhuŋuna dha Kweleny dhina dhabiŋaijuŋw, ŋwaici, Kwereny nanaŋ lugugure lati luro no, ŋa gwinyidoinya ŋwamun ganu thiril. 62A Buṯrus tu por, ŋware gwuleny. 63A liji lina limuthi Yasuuⓐuŋw alakejuma, alpi. 64A dina mal girba je galo juŋun, alpi gi nyirel ganu, alaici, Abiŋaijije dhuŋun dhai dha nebiŋa, ei gwiro gwina gwipidhaŋa? 65Athil lo dhuŋun dhai dhoinyadho dhiter manaŋ.
Yasuuⓐ dina juŋw gi je ganu ja leleny la gusus
66Ma kalo ure, a liji lina lurun a leleny la gusus a jathib alauradhe liduŋw, alodhadha gi juriya jegen, alaici, 67Abiŋaijije, Ŋa gwiro al Masiiẖ a? Ŋwulabiŋaijo, ŋwulaici, Ada nyi gwimajabiŋaijo, nyaŋa lati luminyi no. 68A ada nyi gwimajothaije galo ko, a nyaŋa lati linyabiŋaijo no; a nyaŋa lati linyabrico nyi gwela no. 69Abi Ŋari ŋa liji ŋajalo gi dhoi dha ŋoma ŋa Kalo dhina dhiro dhiŋir. 70Alari alare peth nu, Ŋa gwiro Ŋari ŋa Kalo a? Ŋwulabiŋaijo, ŋwulaici, Nyaŋa larnu nyi gwiro. 71Alarnu, Anaŋa libupo shahaada gwiter a? Anaŋa limadiŋini dhuŋuna gi linyu luŋun.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
First published by the British and Foreign Bible Society in 1966.