Mateo 17
17
Jesús iyo jloniye kiechaye
(Mc 9.2-13; Lc 9.28-36)
1Ijwienjli sikio' itij'we ijwienjli tom'niji kiwa jlomas tomk'i, Jesús ijio'wape'e siujlieja tikijnaki toj pijia'm. Japokata jla'am japo Pedro, siu'neje japo Santiago jla'yi ja ji'yini Juan, ti ya'asi.#2 P 1.17-18 2Sekt'i yi'ipe ti iyoyeyi siupi iyo ti iyo jloniye jikiechaye jitieyi'i japo jla'yis, siupi jitiokio' iyo'ate jla'a kates. 3Pakayi ti kawojliyi japo t'eyasajnas, ti i'winayisi papo Moisés jla'yi pa Elías t'ipi ti takamtijnienisi ja Jesús.
4Sekyi'i ja Pedro iyone'ne 'ate ja Jesús:
—'Yaka'niona, 'esp'an ka 'nak iwiek'i. Ka woyi, jalisanejna'a puwa 'wukil jilisa janajapeja. Janjwanjli japa jajna'ya'm, janjwanjli 'neje japa jajna'yi 'ni Moisés, siojopa kiecha jajna'yi pet 'ni Elías.
5Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate:
—'Nak yas ti wuj ti emi'n, wuj ti ts'ajka'a.#Sal 2.7; Is 42.1; Mt 3.17 K'iuyeyi.
6Siojopo t'eyasajnas ipi'yayis jiwek pak ina'lap, sek t'opiyet'its'ijimpe wek ti jnots'ijnits'i.
7Jesús yamat'iyipi ti isiets'ik'i, ti kiak t'ipa iyonayipi 'ate:
—Neyets'i pijia'm, jweyitiejyi'n.
8Ti i'yenat'ik'ipe pijia'm, jakataja jla'am ja Jesús ti i'winis. Je i'winayi papo ka ijiaja.
9Jesús kiak t'ipa iyonayipi ti yapiliet'iyispe ajnat'e, ti ijliuye:
—Siukia iyo ki ji'wena ká ajwelajiamna'a paka ne'yi pa, ijiatjliyijna'a ka inotie kisie'e ni I'nio' Jlas ti jantajli ni a'no'.
10Sekyi'i i'yasisin'ne ti iyonisi 'ate:
—¿Yot'iyi'ni siunapo jiwos ni Moisés jika'neyasajnaye ti ijwilis pa Elías pak jana'an ti ja'nes?#Mal 4.5; Mt 11.14
11Iyo'ne 'ate ja Jesús ti isiujlieyi:
—Ijiate ti Elías ti jla'am ti 'nes, jla'yi ti ja jlama ti jalesank'i wikie'eyi niwa wask'i'nelaja. 12Ya'am awo'ate, Elías pajk'i ti 'nesata, 'yina i'nio' je itiant'iejesi, 'wenajliyi jla'am ni iyonisi ti itiliajasi ka iwonisi. 'Yina kiak janwonisi'ijyi ni I'nio' Jlas ka inetie jikiojyi.
13Sekyi'i ti jiwekie'aja t'ipi japo t'eyasajnas ti itijnisisie ti je pak Elías ka injwel'ni, jlam'ne kiak Juan inajiejnawo ijwil'ni.
Jesús i'mienit siupi jwemik ti jitiej je 'es
(Mc 9.14-29; Lc 9.37-43)
14Ti yiyeyisi japo i'nio', tajla 'niji ja i'nio' ijioyi takosjlete'l itiyeyijin kiajwe, ti iyo'ate:
15—¡'Yaka'niona, p'elisi'n wat 'ni yas! Wuj ti je 'es ni jiliaye iyo. Siuti yiyetaja ni iyoyi, ni'ne ti iniuye'eje wata'm, ni'ne nakaye'eje ni i'niat ti iniujwa'm. 16Atontieje'ejyi napo 'eyasajnas, 'yina je 'yijene paka iwonesi ka injwajiet.
17Jesús ipi'ya wek ti kia'iyo, sekyi'i ti kia'iyoyeyi:
—¡I'nio' jiniliaja, ti laj jitienkiujnieyeja'! ¿Tepat'e ja nojwaja'm puwa jlomas ti jayi'asap? ¿Tepat'e ja nojwaja'm puwa jlomas ti janilayit'iase? ¡Namayi'ne pa jwemik!
18Sekyi'i Jesús ijliu'ne kisie'e siupi iliaki, ti iyone'ate:
—¡No kisie'e!
'Yina jakayik'i'ne ti 'esie jak jwemik.
19Siojopo i'nio' ti tajlayi ja Jesús, jakayi'ne japo t'eyasajnas ti kiak iyonayisi ti i'yasis'ni:
—¿Yot'iyi'ni pet ti je akajlaje ka kiak iyonaja ka iyokiosa ta'a kisie'e?
20Jesús iyo'ne 'ate ti isiujlie:
—'Nakayi pet ti je ijiate ka astankiujnieye poye. Ijiatk'i siunie jayo'nase ti 'wanjliyi ka kia'iwo ka jwamjla'aja ni atankiujnieye ka poye, ka wo'ate siojona mostaza jlo' jlase', 'wanjlit'itieje ka janakaye tikijnaki ka awone 'ate, “¡Taj'le ni jle'yi, 'ye'n paka jlasi!”, ijiate jank'iu'wa'm.#Mc 11.23; 1 Co 13.2 Jalajk'i paka k'iejliyeyi ka into'm aselia'm.#17.20 Siojopa v. 21 ti inkio' tikienat'iyijpe laje siupuwa inamtis ti jlamt'iyijpe, ti iyo'ate: Siunie imosik ti kiak iyo siu'nie, jikie' pet ka awo 'ajlayeja' jla'yi ka ni'nel'liajanit, jiwekie'ejata pet ka ajot kisie'e (17.20)
Jesús inijwela'aja ti ja'na'al
(Mc 9.30-32; Lc 9.43-45)
22Ti je t'eki wita'm japo t'eyasajnas yi'i jlaja Galilea, Jesús iyone'ne 'ate japoka:
—Siunie I'nio' Jlas ja tekiajla kiojia'm napo i'nio', 23ti janlanis. 'Yina jlomas janajapeja ka inoyena'a kisie'e ti janapi pijia'm.
Jaka'ne ti je 'yakanitk'i wita'm ti ipi'yayeyis.
Siupapo isi'm ilia'm niwa inkat'ijnieyejes ti ijioyi'ni japa 'najla'wet
24Ti Jesús yiyeyi isia'm jlaja Capernaum, ti jla'yis japo t'eyasajnas, siojopo i'nio' isi'm ilia'm niwa inkat'ijnieyejes ti ijioyi'ni japa 'najla'wet, ijioyi ja Pedro ti i'yase'n, ti iyone 'ate:
—¿Ma takat'i'n ape'e niwa inkat'ijnieyejes ni aka'niona siojona ijioyi'ni jana 'najla'wet?
25Pedro iyo'ne 'ate:
—Ji'yu, pajk'i.
Ti 'yuyeyis 'wuk kiajwe, Jesús inianayi jla'am ti iyo'ate:
—¿Tepi jiwone pet pa atankiujnieye, Simón? Siunapo anechiyasas wus yi' ape'e 'ni ajnat, ¿tempa siupapo jant'ajla, napoka napo jika kia'lis, ni'ne ka napokaye siunapo 'wenayi jana ajnat tajle?
26Pedro isiujlie ti iyo'ate:
—Siunapo ajnat 'wenayi jana tajla'm.
'Yina Jesús yine'ne ape'e ti iyo'ate:
—Kiak iyoyetajayi, siunapo jikawos ¿yot'iyi'ni kant'ajla? 27'Yina je 'esiji ka ijwisina napok isi'm ilia'm niwa inkat'ijnieyejes, maj, jloni jase i'niat ka atataja'm ni akajnat. Siupi ja anajnat ti ja atate pijia'm, ka akiesana'a jikiwitk'i. Ja'we'en jana wikiniet'aj ti jatajle jikiwitk'i, janakayena'a ti jakat'i'n sitipe'e jajnojli. Mayijinie'e ka kat'i'n.
Pilihan Saat Ini:
Mateo 17: CRT97
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Nuevo Testamento en Chorote © Sociedades Biblicas Unidas, 1997.
Mateo 17
17
Jesús iyo jloniye kiechaye
(Mc 9.2-13; Lc 9.28-36)
1Ijwienjli sikio' itij'we ijwienjli tom'niji kiwa jlomas tomk'i, Jesús ijio'wape'e siujlieja tikijnaki toj pijia'm. Japokata jla'am japo Pedro, siu'neje japo Santiago jla'yi ja ji'yini Juan, ti ya'asi.#2 P 1.17-18 2Sekt'i yi'ipe ti iyoyeyi siupi iyo ti iyo jloniye jikiechaye jitieyi'i japo jla'yis, siupi jitiokio' iyo'ate jla'a kates. 3Pakayi ti kawojliyi japo t'eyasajnas, ti i'winayisi papo Moisés jla'yi pa Elías t'ipi ti takamtijnienisi ja Jesús.
4Sekyi'i ja Pedro iyone'ne 'ate ja Jesús:
—'Yaka'niona, 'esp'an ka 'nak iwiek'i. Ka woyi, jalisanejna'a puwa 'wukil jilisa janajapeja. Janjwanjli japa jajna'ya'm, janjwanjli 'neje japa jajna'yi 'ni Moisés, siojopa kiecha jajna'yi pet 'ni Elías.
5Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate:
—'Nak yas ti wuj ti emi'n, wuj ti ts'ajka'a.#Sal 2.7; Is 42.1; Mt 3.17 K'iuyeyi.
6Siojopo t'eyasajnas ipi'yayis jiwek pak ina'lap, sek t'opiyet'its'ijimpe wek ti jnots'ijnits'i.
7Jesús yamat'iyipi ti isiets'ik'i, ti kiak t'ipa iyonayipi 'ate:
—Neyets'i pijia'm, jweyitiejyi'n.
8Ti i'yenat'ik'ipe pijia'm, jakataja jla'am ja Jesús ti i'winis. Je i'winayi papo ka ijiaja.
9Jesús kiak t'ipa iyonayipi ti yapiliet'iyispe ajnat'e, ti ijliuye:
—Siukia iyo ki ji'wena ká ajwelajiamna'a paka ne'yi pa, ijiatjliyijna'a ka inotie kisie'e ni I'nio' Jlas ti jantajli ni a'no'.
10Sekyi'i i'yasisin'ne ti iyonisi 'ate:
—¿Yot'iyi'ni siunapo jiwos ni Moisés jika'neyasajnaye ti ijwilis pa Elías pak jana'an ti ja'nes?#Mal 4.5; Mt 11.14
11Iyo'ne 'ate ja Jesús ti isiujlieyi:
—Ijiate ti Elías ti jla'am ti 'nes, jla'yi ti ja jlama ti jalesank'i wikie'eyi niwa wask'i'nelaja. 12Ya'am awo'ate, Elías pajk'i ti 'nesata, 'yina i'nio' je itiant'iejesi, 'wenajliyi jla'am ni iyonisi ti itiliajasi ka iwonisi. 'Yina kiak janwonisi'ijyi ni I'nio' Jlas ka inetie jikiojyi.
13Sekyi'i ti jiwekie'aja t'ipi japo t'eyasajnas ti itijnisisie ti je pak Elías ka injwel'ni, jlam'ne kiak Juan inajiejnawo ijwil'ni.
Jesús i'mienit siupi jwemik ti jitiej je 'es
(Mc 9.14-29; Lc 9.37-43)
14Ti yiyeyisi japo i'nio', tajla 'niji ja i'nio' ijioyi takosjlete'l itiyeyijin kiajwe, ti iyo'ate:
15—¡'Yaka'niona, p'elisi'n wat 'ni yas! Wuj ti je 'es ni jiliaye iyo. Siuti yiyetaja ni iyoyi, ni'ne ti iniuye'eje wata'm, ni'ne nakaye'eje ni i'niat ti iniujwa'm. 16Atontieje'ejyi napo 'eyasajnas, 'yina je 'yijene paka iwonesi ka injwajiet.
17Jesús ipi'ya wek ti kia'iyo, sekyi'i ti kia'iyoyeyi:
—¡I'nio' jiniliaja, ti laj jitienkiujnieyeja'! ¿Tepat'e ja nojwaja'm puwa jlomas ti jayi'asap? ¿Tepat'e ja nojwaja'm puwa jlomas ti janilayit'iase? ¡Namayi'ne pa jwemik!
18Sekyi'i Jesús ijliu'ne kisie'e siupi iliaki, ti iyone'ate:
—¡No kisie'e!
'Yina jakayik'i'ne ti 'esie jak jwemik.
19Siojopo i'nio' ti tajlayi ja Jesús, jakayi'ne japo t'eyasajnas ti kiak iyonayisi ti i'yasis'ni:
—¿Yot'iyi'ni pet ti je akajlaje ka kiak iyonaja ka iyokiosa ta'a kisie'e?
20Jesús iyo'ne 'ate ti isiujlie:
—'Nakayi pet ti je ijiate ka astankiujnieye poye. Ijiatk'i siunie jayo'nase ti 'wanjliyi ka kia'iwo ka jwamjla'aja ni atankiujnieye ka poye, ka wo'ate siojona mostaza jlo' jlase', 'wanjlit'itieje ka janakaye tikijnaki ka awone 'ate, “¡Taj'le ni jle'yi, 'ye'n paka jlasi!”, ijiate jank'iu'wa'm.#Mc 11.23; 1 Co 13.2 Jalajk'i paka k'iejliyeyi ka into'm aselia'm.#17.20 Siojopa v. 21 ti inkio' tikienat'iyijpe laje siupuwa inamtis ti jlamt'iyijpe, ti iyo'ate: Siunie imosik ti kiak iyo siu'nie, jikie' pet ka awo 'ajlayeja' jla'yi ka ni'nel'liajanit, jiwekie'ejata pet ka ajot kisie'e (17.20)
Jesús inijwela'aja ti ja'na'al
(Mc 9.30-32; Lc 9.43-45)
22Ti je t'eki wita'm japo t'eyasajnas yi'i jlaja Galilea, Jesús iyone'ne 'ate japoka:
—Siunie I'nio' Jlas ja tekiajla kiojia'm napo i'nio', 23ti janlanis. 'Yina jlomas janajapeja ka inoyena'a kisie'e ti janapi pijia'm.
Jaka'ne ti je 'yakanitk'i wita'm ti ipi'yayeyis.
Siupapo isi'm ilia'm niwa inkat'ijnieyejes ti ijioyi'ni japa 'najla'wet
24Ti Jesús yiyeyi isia'm jlaja Capernaum, ti jla'yis japo t'eyasajnas, siojopo i'nio' isi'm ilia'm niwa inkat'ijnieyejes ti ijioyi'ni japa 'najla'wet, ijioyi ja Pedro ti i'yase'n, ti iyone 'ate:
—¿Ma takat'i'n ape'e niwa inkat'ijnieyejes ni aka'niona siojona ijioyi'ni jana 'najla'wet?
25Pedro iyo'ne 'ate:
—Ji'yu, pajk'i.
Ti 'yuyeyis 'wuk kiajwe, Jesús inianayi jla'am ti iyo'ate:
—¿Tepi jiwone pet pa atankiujnieye, Simón? Siunapo anechiyasas wus yi' ape'e 'ni ajnat, ¿tempa siupapo jant'ajla, napoka napo jika kia'lis, ni'ne ka napokaye siunapo 'wenayi jana ajnat tajle?
26Pedro isiujlie ti iyo'ate:
—Siunapo ajnat 'wenayi jana tajla'm.
'Yina Jesús yine'ne ape'e ti iyo'ate:
—Kiak iyoyetajayi, siunapo jikawos ¿yot'iyi'ni kant'ajla? 27'Yina je 'esiji ka ijwisina napok isi'm ilia'm niwa inkat'ijnieyejes, maj, jloni jase i'niat ka atataja'm ni akajnat. Siupi ja anajnat ti ja atate pijia'm, ka akiesana'a jikiwitk'i. Ja'we'en jana wikiniet'aj ti jatajle jikiwitk'i, janakayena'a ti jakat'i'n sitipe'e jajnojli. Mayijinie'e ka kat'i'n.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Nuevo Testamento en Chorote © Sociedades Biblicas Unidas, 1997.