Ïïjjïn Nüütïn Woo Meeŋka yen Ïïjjïn ti
Nüütïn Woo Meeŋka yen Ïïjjïn ti
Meeŋka Ïïjjïn ti a meeŋka yaana ïïjjïdï ti Jiik Ḍoocin Dänken yek Meeŋka Jiik Jooŋ ti ye. Aŋ meeŋka yaanni a pergon kä lemmä mä Iburu, aŋ ken yeli me yok kä lemmä Mäbaan ogo Mäbaan ŋäjjo wakkä yaakki cäänna. Aŋ lemmä mä Iburu cäänna uccin kä jiik ogo, “Ïïjjïn ti.”
Aŋ nüütï wakkä muure ätä wa ke ïïjjïn ti cäwdä mänbaan ke Jooŋ. Aŋ a me ḍiirken ken gïmmïdï ogo Meeŋka Ïïjjïn ti perrïï ko Müüca, bata Kääjin Woo ke Laawïïn ke Paŋŋäni ke Ŋoccin Gïtï. Aŋ meeŋkani yaaka kä duuc yaakki battä me ogo, Tuwraat aŋ aŋan ogo, “Nüddïn kä lemmä mä Iburu.” Aŋ Meeŋka Ïïjjïn ti cääyge gïtï jiik yaaka tïïlcïdï ïkïïn yüükkïdïn ti ükcïtïn gïtï Jiik Ḍoocin Dänken ke Kïccäŋgenen ye. Aŋ ïkïïn nüütkïdïn yiñ kääjin ti ŋommañ wic ogoo, ke mäbaan ṭäktäŋŋenen maŋŋä. Aŋ cäänna nüütïdï woo waŋ yen Jooŋ yaana mäkee me ye.
Aŋ meeŋka Ïïjjïn ti, ïïjjïn ti kä Jooŋ ŋommañ naŋŋe ogoo, ke m'aka ïïjgene ti naŋŋe ye, Aadam ke Awwa. Aŋ ceeñ nüütï yaanwiiwa yen Noo ke tääl mooye. Aŋ ŋuca Meeŋka Ïïjjïn ti nüütï yaanwiiwa yen Abrayiim ke Icaak ke Yaagüüp ke äärgä tüggen yeeken. Aŋ Yaagüüp cäänna battä me ogo Icärayiil aŋ ṭoŋ kïcconḍe näŋŋä ḍoŋe. Aŋ Meeŋka Ïïjjïn ti yuuttu ïñï kä yatkäwiiwani yek merkä Yaagüüp ke juwin yeenen Kanaan atene ke Macïr. Aŋ düüñïn yaanwiiwa yen meeŋka ïïjjïn ti tïïlcïdï ogo Yuucip, minneni Yaagüüp jone, aŋ ike wäättä a mügdo yen mä Macïr ogoo.
Pilihan Saat Ini:
Ïïjjïn Nüütïn Woo Meeŋka yen Ïïjjïn ti: JBT
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2023 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
Ïïjjïn Nüütïn Woo Meeŋka yen Ïïjjïn ti
Nüütïn Woo Meeŋka yen Ïïjjïn ti
Meeŋka Ïïjjïn ti a meeŋka yaana ïïjjïdï ti Jiik Ḍoocin Dänken yek Meeŋka Jiik Jooŋ ti ye. Aŋ meeŋka yaanni a pergon kä lemmä mä Iburu, aŋ ken yeli me yok kä lemmä Mäbaan ogo Mäbaan ŋäjjo wakkä yaakki cäänna. Aŋ lemmä mä Iburu cäänna uccin kä jiik ogo, “Ïïjjïn ti.”
Aŋ nüütï wakkä muure ätä wa ke ïïjjïn ti cäwdä mänbaan ke Jooŋ. Aŋ a me ḍiirken ken gïmmïdï ogo Meeŋka Ïïjjïn ti perrïï ko Müüca, bata Kääjin Woo ke Laawïïn ke Paŋŋäni ke Ŋoccin Gïtï. Aŋ meeŋkani yaaka kä duuc yaakki battä me ogo, Tuwraat aŋ aŋan ogo, “Nüddïn kä lemmä mä Iburu.” Aŋ Meeŋka Ïïjjïn ti cääyge gïtï jiik yaaka tïïlcïdï ïkïïn yüükkïdïn ti ükcïtïn gïtï Jiik Ḍoocin Dänken ke Kïccäŋgenen ye. Aŋ ïkïïn nüütkïdïn yiñ kääjin ti ŋommañ wic ogoo, ke mäbaan ṭäktäŋŋenen maŋŋä. Aŋ cäänna nüütïdï woo waŋ yen Jooŋ yaana mäkee me ye.
Aŋ meeŋka Ïïjjïn ti, ïïjjïn ti kä Jooŋ ŋommañ naŋŋe ogoo, ke m'aka ïïjgene ti naŋŋe ye, Aadam ke Awwa. Aŋ ceeñ nüütï yaanwiiwa yen Noo ke tääl mooye. Aŋ ŋuca Meeŋka Ïïjjïn ti nüütï yaanwiiwa yen Abrayiim ke Icaak ke Yaagüüp ke äärgä tüggen yeeken. Aŋ Yaagüüp cäänna battä me ogo Icärayiil aŋ ṭoŋ kïcconḍe näŋŋä ḍoŋe. Aŋ Meeŋka Ïïjjïn ti yuuttu ïñï kä yatkäwiiwani yek merkä Yaagüüp ke juwin yeenen Kanaan atene ke Macïr. Aŋ düüñïn yaanwiiwa yen meeŋka ïïjjïn ti tïïlcïdï ogo Yuucip, minneni Yaagüüp jone, aŋ ike wäättä a mügdo yen mä Macïr ogoo.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2023 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/