Mak 1
1
Sesesrakan non Jon Baptaes
1Dalek teraba u Jisas Kraes niah Nujun God. 2Tevawo tapmak goah Aesea ajinan dalen God teulu. Niah God tevep mini nuhu,
“Nan nesro atnan nok karih,
Nan nesro ba man dumu i kik
Bi man sangvi hal u kik.
3Aji mwidi mwenga li vini tebu.
Bep nuhu, ‘Karu bahka halan Subu,
Karu lel boswos i hal ut ah man hural iginan.’ ”
4Tei limalen ba Jon ban li vini tebu bi mwelehvi tarutni le sileng, bi bep rorop i non dalekte mini ni. Bep mini tarutni nuhu, “Karu bukani nomi vihnian, bi kam leleh u gonani God man bihni gabarani nomi kapmwaan.” 5Tarutni sera ah ratti li vini ah Judia bi li vini kawu ah Jerusalem, ba rat tepma nerongtani toptowan non Jon. Rabep seresere no kapmwaan mini bi mwelehvi ni le sileng ah Jodan.
6Jon tei teba kote bwelakte tekabis nga, bwelan ba rat leli i ilin kamel bi teujut i bwelen bo. Tei kan hinak ah bwil bi apma tekeni dulun leng tekolkol at lewaka. 7Jon modoptop mini tarutni bep nuhu, “Aji ah mapma jukuk ba kawu ngate vali nana. Nana, ba nat ba dokoi tenga nuhu nan olte vatavan bi nam dukte kaen bwelan wokon. 8Nam lehvi gimi le sileng, ba man lehvi gimi le Tabite Kokon non God.”
Jon telehvi Jisas
9Temui vil nge leto nanong ba Jisas mapma dini vini ah Nasaret, datngin vini ah Galili, bi Jon mwelehvi le sileng ah Jodan. 10Tei vilbwaleh entorah Jisas tedumre dini ut van sileng ba mweigita goah ut le bini mamlang. Tabite Kokon tekeni maki, mwisipma li bujun Jisas. 11Dalekte mwisipma le bini bep nuhu, “Kik nante ah kobi mamjin Nujuk niah namgaji bamte kik.”
12Tei vilbwaleh limalen ba Tabite Kokon masro vali vini tebu. 13Tedok dobo li vini tebu nong tei ren ngawul kavet. Tei leto nananong ah Setan telel dopmi. Leutni ratmudi iginan ah rat tei ju. Enjilni ratti ah rat rarei leto nanong.
Jisas tehu ajinan ik, tei ni kavet
14Limalen goah rat telngi Jon le valin illan, ba Jisas ban Galili bi modoptop nokon dalek teraba non God. 15Bep nuhu, “Tei to nanong, bi rowok tegol non God ba mapma sasari. Karu bukak dini nomi kapmwaan, bi nebihni mwetaknga nan dalek teraba.”
16Jisas tehural ban sasari sileng ah Galili ba mwigita ajinan ik tei nuru karu, tei Saemon nuru kisan ah Andru. Ratru reva ik le teh i noru kubwen. 17Jisas bep mini nuru nuhu, “Karupma jukuk bi nan sesra gimru i goah kanru li ajini.” 18Tei vilbwaleh ba ramru songabarani noru kubwen bi ramru dahkuru.
19Temu van nge tewep ba mwigita aji go nuru karu. Tei Jemes nuru kisan ah Jon, tei temaru ah Sebedi. Ratrudi li aga nelel mwetani noru kubwen. 20Tei vilbwaleh entorah Jisas tekita nuru, bi mahu nuru. Ramru songabarani temaru niah Sebedi mini datngin ajinan uman ni li aga, bi ramru ban nedahkuru Jisas.
Aji ah loah tedi lelen
21Ratepma li vini ah Kapaneam, bi tei matjubungnan le ren ah Sabat ba Jisas ban le valin tangroan bi bawo mwesesesrak. 22Goah rat rongtani non sesesrakan ba rat tetkotkoh tokol i halan non sesesrakan. Tei tebakente datngin ajinan go nga ah rat sesra Temwat, ba non sesesrakan go ba rowon tei tedok.
23Aji ah loah tedi lelen mapma le valin tangroan ut ah Jisas tesesesrak iginan bi mwedeng. 24Bep nuhu, “Apma ah kom doni dini gema Jisas at Nasaret? Komapma nuhu komahi gema? Namaililng kik nge, kik ba kobi atnan karih sangbak non God.” 25Jisas mwidi goro loah nong bi bep mini nuhu, “Kodi ronga bi kovaut dini aji ahe.” 26Loah nong bitki i aji nong tetkol, bi loah nong mwenga ah bwerakte, bi baut dini aji nong. 27Tarutni rat tetkotkoh tokol ini, teleli ba rat vawo nebep mini aji go nuhu, “Ani nemai apma ahe, datngin sesesrakan teraba ahe? Aji ahe ba rowon tedok u goah maskani dalekte tetkol mini loahni, bi ram rong mwetani dalen.”
28Tei vilbwaleh ba vepnan apma ah Jisas teleli ban bodi vini ah Galili.
Jisas tevamwesa tarutni halkawu lengleng
29Rat vaut dini ut le valin tangroan bi raban boswos leiman Saemon nuru Andru. Rat tetkae Jemes nuru Jon. 30Dajin atleiman Saemon tetpo neras, tei teras i mahkit. Entorah rat wupngak, bi rabep mini Jisas nagoah aji havin nong teras. 31Jisas mapma bi mambuhu nokon ngan bi mweleli mwidi boswos, bi mahkit ban dini, bi mudumre bi mweleli ka kanleutan.
32Tei utebwarek, limalen goah metakal tesro, ba tarutni ram apko goah rat ras, bi goah loah tedi le ni mapma ben Jisas. 33Tarutnan vini ah iginan rat tepma nesasabisi wan ketap. 34Jisas tevamwesa halkawu lenglengnan rasan ni, goah loah tedi le ni ba teko sera loah dini ni. Teba leltenga nuhu loah rama doptopte gonani rat teililngi ni masi.
Jisas tedoptop li vini ah Galili
35Tei jubung bwaleh matjubungnan ba Jisas mudumre bi ban dini val ah tedok lelen. Ban dini vini, ut ah ut tedi ronga u goah tedangro. 36Tei limalen goah tevan ba Saemon mini walun non mweran ni raban nedongvi. 37Entorah rat wutdihi, bi rabep mini nuhu, “Aji seranae ram dongvi kik.” 38Tehu ba Jisas balu ini bep nuhu, “Taban al li vini goihe, ba nama doptop mini ni, gonani rat tepma nau apma ah tapmak.” 39Tehural seranae ban li vini ni ah Galili, ban bi modoptop le valin no tangroan, bi mogoro loah dini goah loah tedi le ni.
Jisas tevamwesa aji ah teras i rasan tekapma
40Aji tedok iginan ah teras i rasan tekapma. Mapma ben Jisas bi maiah vatavan, bi muhleli tokol, ini nuhu, “Tigoah kon doni ba koleli ba nokon mamjik nekabis.” 41Bwaren tedok nokon Jisas bi Jisas mwerara bi mwidibwiri. Bep nuhu, “Namdoni, nokon mamjim nekabis.” 42Tei vilbwaleh, ni nge leto nanong ba rasan tekapma nong ban dini aji nong, bi nokon mamjin mwegabis. 43Jisas tevaruru sera bi moso bamula mul. 44Bep mini nuhu, “Kon badi tean nembepte apma i natleli nong mini aji watwatnende ni. Ba kovan, bi kom leli ba ajinan uman le valin God mwigita kik. Bi kom maskani nom sekakan tapmak goah Moses tevep, i kasesra nan mini aji sera nuhu nanong ba nokon mamjim tekabis.” 45Tehu ba aji nong ban, bi bep rorop ini. Tedoptop tokol nokon teleli ba Jisas tebam hural nga utemsa. Tegam hural nge dobo ut ah aji tei tewep iginan. Ba nannga ba tarutni seranae rat tepma ben.
Pilihan Saat Ini:
Mak 1: APMA
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Published by the Bible Society of the South Pacific in 1977.
Mak 1
1
Sesesrakan non Jon Baptaes
1Dalek teraba u Jisas Kraes niah Nujun God. 2Tevawo tapmak goah Aesea ajinan dalen God teulu. Niah God tevep mini nuhu,
“Nan nesro atnan nok karih,
Nan nesro ba man dumu i kik
Bi man sangvi hal u kik.
3Aji mwidi mwenga li vini tebu.
Bep nuhu, ‘Karu bahka halan Subu,
Karu lel boswos i hal ut ah man hural iginan.’ ”
4Tei limalen ba Jon ban li vini tebu bi mwelehvi tarutni le sileng, bi bep rorop i non dalekte mini ni. Bep mini tarutni nuhu, “Karu bukani nomi vihnian, bi kam leleh u gonani God man bihni gabarani nomi kapmwaan.” 5Tarutni sera ah ratti li vini ah Judia bi li vini kawu ah Jerusalem, ba rat tepma nerongtani toptowan non Jon. Rabep seresere no kapmwaan mini bi mwelehvi ni le sileng ah Jodan.
6Jon tei teba kote bwelakte tekabis nga, bwelan ba rat leli i ilin kamel bi teujut i bwelen bo. Tei kan hinak ah bwil bi apma tekeni dulun leng tekolkol at lewaka. 7Jon modoptop mini tarutni bep nuhu, “Aji ah mapma jukuk ba kawu ngate vali nana. Nana, ba nat ba dokoi tenga nuhu nan olte vatavan bi nam dukte kaen bwelan wokon. 8Nam lehvi gimi le sileng, ba man lehvi gimi le Tabite Kokon non God.”
Jon telehvi Jisas
9Temui vil nge leto nanong ba Jisas mapma dini vini ah Nasaret, datngin vini ah Galili, bi Jon mwelehvi le sileng ah Jodan. 10Tei vilbwaleh entorah Jisas tedumre dini ut van sileng ba mweigita goah ut le bini mamlang. Tabite Kokon tekeni maki, mwisipma li bujun Jisas. 11Dalekte mwisipma le bini bep nuhu, “Kik nante ah kobi mamjin Nujuk niah namgaji bamte kik.”
12Tei vilbwaleh limalen ba Tabite Kokon masro vali vini tebu. 13Tedok dobo li vini tebu nong tei ren ngawul kavet. Tei leto nananong ah Setan telel dopmi. Leutni ratmudi iginan ah rat tei ju. Enjilni ratti ah rat rarei leto nanong.
Jisas tehu ajinan ik, tei ni kavet
14Limalen goah rat telngi Jon le valin illan, ba Jisas ban Galili bi modoptop nokon dalek teraba non God. 15Bep nuhu, “Tei to nanong, bi rowok tegol non God ba mapma sasari. Karu bukak dini nomi kapmwaan, bi nebihni mwetaknga nan dalek teraba.”
16Jisas tehural ban sasari sileng ah Galili ba mwigita ajinan ik tei nuru karu, tei Saemon nuru kisan ah Andru. Ratru reva ik le teh i noru kubwen. 17Jisas bep mini nuru nuhu, “Karupma jukuk bi nan sesra gimru i goah kanru li ajini.” 18Tei vilbwaleh ba ramru songabarani noru kubwen bi ramru dahkuru.
19Temu van nge tewep ba mwigita aji go nuru karu. Tei Jemes nuru kisan ah Jon, tei temaru ah Sebedi. Ratrudi li aga nelel mwetani noru kubwen. 20Tei vilbwaleh entorah Jisas tekita nuru, bi mahu nuru. Ramru songabarani temaru niah Sebedi mini datngin ajinan uman ni li aga, bi ramru ban nedahkuru Jisas.
Aji ah loah tedi lelen
21Ratepma li vini ah Kapaneam, bi tei matjubungnan le ren ah Sabat ba Jisas ban le valin tangroan bi bawo mwesesesrak. 22Goah rat rongtani non sesesrakan ba rat tetkotkoh tokol i halan non sesesrakan. Tei tebakente datngin ajinan go nga ah rat sesra Temwat, ba non sesesrakan go ba rowon tei tedok.
23Aji ah loah tedi lelen mapma le valin tangroan ut ah Jisas tesesesrak iginan bi mwedeng. 24Bep nuhu, “Apma ah kom doni dini gema Jisas at Nasaret? Komapma nuhu komahi gema? Namaililng kik nge, kik ba kobi atnan karih sangbak non God.” 25Jisas mwidi goro loah nong bi bep mini nuhu, “Kodi ronga bi kovaut dini aji ahe.” 26Loah nong bitki i aji nong tetkol, bi loah nong mwenga ah bwerakte, bi baut dini aji nong. 27Tarutni rat tetkotkoh tokol ini, teleli ba rat vawo nebep mini aji go nuhu, “Ani nemai apma ahe, datngin sesesrakan teraba ahe? Aji ahe ba rowon tedok u goah maskani dalekte tetkol mini loahni, bi ram rong mwetani dalen.”
28Tei vilbwaleh ba vepnan apma ah Jisas teleli ban bodi vini ah Galili.
Jisas tevamwesa tarutni halkawu lengleng
29Rat vaut dini ut le valin tangroan bi raban boswos leiman Saemon nuru Andru. Rat tetkae Jemes nuru Jon. 30Dajin atleiman Saemon tetpo neras, tei teras i mahkit. Entorah rat wupngak, bi rabep mini Jisas nagoah aji havin nong teras. 31Jisas mapma bi mambuhu nokon ngan bi mweleli mwidi boswos, bi mahkit ban dini, bi mudumre bi mweleli ka kanleutan.
32Tei utebwarek, limalen goah metakal tesro, ba tarutni ram apko goah rat ras, bi goah loah tedi le ni mapma ben Jisas. 33Tarutnan vini ah iginan rat tepma nesasabisi wan ketap. 34Jisas tevamwesa halkawu lenglengnan rasan ni, goah loah tedi le ni ba teko sera loah dini ni. Teba leltenga nuhu loah rama doptopte gonani rat teililngi ni masi.
Jisas tedoptop li vini ah Galili
35Tei jubung bwaleh matjubungnan ba Jisas mudumre bi ban dini val ah tedok lelen. Ban dini vini, ut ah ut tedi ronga u goah tedangro. 36Tei limalen goah tevan ba Saemon mini walun non mweran ni raban nedongvi. 37Entorah rat wutdihi, bi rabep mini nuhu, “Aji seranae ram dongvi kik.” 38Tehu ba Jisas balu ini bep nuhu, “Taban al li vini goihe, ba nama doptop mini ni, gonani rat tepma nau apma ah tapmak.” 39Tehural seranae ban li vini ni ah Galili, ban bi modoptop le valin no tangroan, bi mogoro loah dini goah loah tedi le ni.
Jisas tevamwesa aji ah teras i rasan tekapma
40Aji tedok iginan ah teras i rasan tekapma. Mapma ben Jisas bi maiah vatavan, bi muhleli tokol, ini nuhu, “Tigoah kon doni ba koleli ba nokon mamjik nekabis.” 41Bwaren tedok nokon Jisas bi Jisas mwerara bi mwidibwiri. Bep nuhu, “Namdoni, nokon mamjim nekabis.” 42Tei vilbwaleh, ni nge leto nanong ba rasan tekapma nong ban dini aji nong, bi nokon mamjin mwegabis. 43Jisas tevaruru sera bi moso bamula mul. 44Bep mini nuhu, “Kon badi tean nembepte apma i natleli nong mini aji watwatnende ni. Ba kovan, bi kom leli ba ajinan uman le valin God mwigita kik. Bi kom maskani nom sekakan tapmak goah Moses tevep, i kasesra nan mini aji sera nuhu nanong ba nokon mamjim tekabis.” 45Tehu ba aji nong ban, bi bep rorop ini. Tedoptop tokol nokon teleli ba Jisas tebam hural nga utemsa. Tegam hural nge dobo ut ah aji tei tewep iginan. Ba nannga ba tarutni seranae rat tepma ben.
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Published by the Bible Society of the South Pacific in 1977.