Amaokwu Akwụkwọ Nsọ Ndị Ama Ama siteré na Yowani 3

Kesaa

Ongo, bushi ásimaa ebutala busese, ku kwátuma ányituma nyi Mwana wai we'chihwa, chasiya chira mundu woshi ola wànyêmerere àtaeraa, si àbone ekalamo ke'suku ne'mango.

Ongo atányitumaa nyi Mwana wai mwa butala, kwa kuchinjibusa ebandu, si ányitumaa'mo, chasiya mwa kunyirengera'ko abanúnule.»

Yesu era kumubura mbu: «Kubinali, chechine chi nákubura: akaba emundu àtabuchirwe ebwakabiri, àtangengirira chiro na hicha mwa Bwami bwa Ongo*.»

«Chira mundu woshi ola ungányemerera nyi Mwana wa Ongo, atákachinjibusibwe. Si ola ùtanyêmemerere, yeke àchinjibusibwe mira, bushi àtanyêmerere nyi Mwana we'chihwa wa Ongo.

«Rero, cha chikátuma ebandu báchinjibusibwa chi chechine: ebulangare bwaíkire mira mwa butala, si ebandu bàtasimaa'bo. Si bushi ne'mabi ma bénde bákola, bera kuchisimira emusimya.

Oyu mundu mwera kuteta era luulu sai, byémire aéndekere éruka busese, nanyi nyiéndekere nândaalira busese.»

Chira mundu woshi ola wénde wákola emabi, àtatula asímire ebulangare. Kanji àtomva chiro kuchifunda era obu bulangare bùli, bushi emabi mai mangesha kulorekana'ko changanama.

No'yu Mwana wai, chira mundu ola wàmwêmerere mwa muchima wai kuika ànábone ekalamo ke'suku ne'mango. Si ola ùtamwêmerere, yeke atákabone'ko, ne'businane bwa Ongo bukánaendekera kuba kwe'twe lyai.»

«Rero, ngo'kwa Musa érusaa enjoka kwa muchi era yábaa ikúnganyisibwe mwa miringa mwa buyeye*, kuno'ku ku nyi Mwana we'Mundu nanyi nyěmire nyérusibwe

Ongo Tata atúla asímire eMwana wai ngachi, rero ámweresise ebindu byoshi.