Gḭ-Néje 11
11
Kəi gə́ ŋgal gə́ duu dɔ loo gə́ ria lə Babel
1Dəwje lai dɔ naŋg neelé takɔji dee to gə́ kára ba ləm, tapa dee kara to gə́ kára ba ləm tɔ. 2Loo gə́ deḛ d’ḭ par gə́ bər d’aw ndá deḛ teḛ ndag-loo gə́ to dɔ naŋg gə́ Sineyar, tɔɓəi deḛ d’isi keneŋ tɔ. 3Deḛ d’ula na̰ pana: Ar sí j’aw j’ɔrje bɔrɔ gə mba nuŋga. Bɔrɔje neelé deḛ ra ne kula to gə́ mbal bèe ləm, né gə́ asəna gə tibi bia̰ bèe gə́ deḛ ɓaree bitumə lé yee ɓa to gə́ sima̰ lə dee ləm tɔ. 4Deḛ pa ya tɔɓəi pana: Ar sí n’raje ɓee-boo gə́ wɔji dɔ sí ləm, gə kəi gə́ ŋgal gə́ duu dɔ loo gə́ dəa ɔs dara ləm tɔ mba kar ri sí ɓar ne ləm, mba kar sí n’sanéje-na̰ dɔ naŋg nee gə loo lai el ləm tɔ.
5Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ. 6Njesigənea̰ pana: Aa oo, dəwje neelé gin dee to gə́ kára ba ləm, takɔji dee kara to gə́ kára ba ləm tɔ ndá né gə́ deḛ d’un kudu ra ɓa to nee. Ɓasinè né gə́ rara kara gə́ d’wɔji-kwɔji ra lé ndá né gə́ njekɔg dee dɔ’g a godo. 7Ar sí j’uruje naŋg mba tel gwɔs dee gə mba kar dee gər takɔji lə naa̰ el. 8Bèe ɓa Njesigənea̰ sané dee ne əw dɔ naŋg nee gə looje lai. Togə́bè ɓa deḛ d’əw rɔ deḛ kunda ɓee neelé tɔ. 9Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.
Ŋgaka Sem
10Aa ooje ŋgaka Semje lé ɓa ri dee to nee: Ləb Sem lé aḭ tɔl (100) ndá yeḛ oji Arpaksad as ləb joo goo mán bélm’g lé. 11Sem lé si kəmba ləbee tɔl mi (500) goo ndɔ koji Arpaksad’g ya, ndá yeḛ oji ŋganje gə́ diŋgam gə njé gə́ dené ləm tɔ.
12Ləb Arpaksad aḭ rɔ-munda-giree-mi (35) ndá yeḛ oji Sela. 13Arpaksad lé si kəmba ləbee tɔl-sɔ-giree-munda (403) goo ndɔ koji Sela’g ya, ndá yeḛ oji ŋganje gə́ diŋgam gə njé gə́ dené ləm tɔ.
14Ləb Sela aḭ rɔ-munda (30) ndá yeḛ oji Heber. 15Sela lé si kəmba ləbee tɔl-sɔ-giree-munda (403) goo ndɔ koji Heber’g ya, ndá yeḛ oji ŋganje gə́ diŋgam gə njé gə́ dené ləm tɔ.
16Ləb Heber aḭ rɔ-munda-giree-sɔ (34) ndá yeḛ oji Peleg. 17Heber lé si kəmba ləbee tɔl-sɔ gə dəa rɔ-munda (430) goo ndɔ koji Peleg’d ya, ndá yeḛ oji ŋganje gə́ diŋgam gə njé gə́ dené ləm tɔ.
18Ləb Peleg aḭ rɔ-munda (30) ndá yeḛ oji Rehu. 19Peleg lé si kəmba ləbee tɔl-joo-giree jinaikara (209) goo ndɔ koji Rehu’g ya, ndá yeḛ oji ŋganje gə́ diŋgam gə njé gə́ dené ləm tɔ.
20Ləb Rehu aḭ rɔ-munda-giree-joo (32) ndá yeḛ oji Serug. 21Rehu lé si kəmba ləbee tɔl-joo-giree-siri (207) goo ndɔ koji Serug’d ya, ndá yeḛ oji ŋganje gə́ diŋgam gə njé gə́ dené ləm tɔ.
22Ləb Serug aḭ rɔ-munda (30) ndá yeḛ oji Naɔr. 23Serug lé si kəmba ləbee tɔl joo (200) goo ndɔ koji Naɔr’g ya, ndá yeḛ oji ŋganje gə́ diŋgam gə njé gə́ dené ləm tɔ.
24Ləb Naɔr aḭ rɔ-joo-giree-jinaikara (29) ndá yeḛ oji Tera. 25Naɔr lé si kəmba ləbee tɔl gə dəa dɔg giree-jinaikara (119) goo ndɔ koji Tera’d ya, ndá yeḛ oji ŋganje gə́ diŋgam gə njé gə́ dené ləm tɔ.
26Ləb Tera aḭ rɔ-siri (70) ndá yeḛ oji Abram, gə Naɔr gə Haran.
27Aa ooje, ŋgaka Teraje ɓa ri dee to nee: Tera oji Abram, gə Naɔr, gə Haran. Haran oji Lɔt. 28Ndá Haran wəi kəm bɔbeeje’g Tera mee ɓee-kojee’g Ur mee ɓeeko̰ gə́ Kalde. 29Abram gə Naɔr taa denéje, ri dené lə Abram to Sarai, ri dené lə Naɔr to Milka, yeḛ to ŋgolə Haran, Haran lé to bɔ Milkaje ləm gə bɔ Jiskaje ləm tɔ. 30Sarai lé to kawkad ɓó yeḛ oji ŋgon el.
31Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ. 32Ləb si kəmba lə Tera lé aḭ tɔl-joo-giree mi (205) ndá Tera wəi Haran.
Nke Ahọpụtara Ugbu A:
Gḭ-Néje 11: SBA2015
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Ngambai Bible © Alliance Biblique du Tchad 1989, 2015.
Gḭ-Néje 11
11
Kəi gə́ ŋgal gə́ duu dɔ loo gə́ ria lə Babel
1Dəwje lai dɔ naŋg neelé takɔji dee to gə́ kára ba ləm, tapa dee kara to gə́ kára ba ləm tɔ. 2Loo gə́ deḛ d’ḭ par gə́ bər d’aw ndá deḛ teḛ ndag-loo gə́ to dɔ naŋg gə́ Sineyar, tɔɓəi deḛ d’isi keneŋ tɔ. 3Deḛ d’ula na̰ pana: Ar sí j’aw j’ɔrje bɔrɔ gə mba nuŋga. Bɔrɔje neelé deḛ ra ne kula to gə́ mbal bèe ləm, né gə́ asəna gə tibi bia̰ bèe gə́ deḛ ɓaree bitumə lé yee ɓa to gə́ sima̰ lə dee ləm tɔ. 4Deḛ pa ya tɔɓəi pana: Ar sí n’raje ɓee-boo gə́ wɔji dɔ sí ləm, gə kəi gə́ ŋgal gə́ duu dɔ loo gə́ dəa ɔs dara ləm tɔ mba kar ri sí ɓar ne ləm, mba kar sí n’sanéje-na̰ dɔ naŋg nee gə loo lai el ləm tɔ.
5Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ. 6Njesigənea̰ pana: Aa oo, dəwje neelé gin dee to gə́ kára ba ləm, takɔji dee kara to gə́ kára ba ləm tɔ ndá né gə́ deḛ d’un kudu ra ɓa to nee. Ɓasinè né gə́ rara kara gə́ d’wɔji-kwɔji ra lé ndá né gə́ njekɔg dee dɔ’g a godo. 7Ar sí j’uruje naŋg mba tel gwɔs dee gə mba kar dee gər takɔji lə naa̰ el. 8Bèe ɓa Njesigənea̰ sané dee ne əw dɔ naŋg nee gə looje lai. Togə́bè ɓa deḛ d’əw rɔ deḛ kunda ɓee neelé tɔ. 9Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.
Ŋgaka Sem
10Aa ooje ŋgaka Semje lé ɓa ri dee to nee: Ləb Sem lé aḭ tɔl (100) ndá yeḛ oji Arpaksad as ləb joo goo mán bélm’g lé. 11Sem lé si kəmba ləbee tɔl mi (500) goo ndɔ koji Arpaksad’g ya, ndá yeḛ oji ŋganje gə́ diŋgam gə njé gə́ dené ləm tɔ.
12Ləb Arpaksad aḭ rɔ-munda-giree-mi (35) ndá yeḛ oji Sela. 13Arpaksad lé si kəmba ləbee tɔl-sɔ-giree-munda (403) goo ndɔ koji Sela’g ya, ndá yeḛ oji ŋganje gə́ diŋgam gə njé gə́ dené ləm tɔ.
14Ləb Sela aḭ rɔ-munda (30) ndá yeḛ oji Heber. 15Sela lé si kəmba ləbee tɔl-sɔ-giree-munda (403) goo ndɔ koji Heber’g ya, ndá yeḛ oji ŋganje gə́ diŋgam gə njé gə́ dené ləm tɔ.
16Ləb Heber aḭ rɔ-munda-giree-sɔ (34) ndá yeḛ oji Peleg. 17Heber lé si kəmba ləbee tɔl-sɔ gə dəa rɔ-munda (430) goo ndɔ koji Peleg’d ya, ndá yeḛ oji ŋganje gə́ diŋgam gə njé gə́ dené ləm tɔ.
18Ləb Peleg aḭ rɔ-munda (30) ndá yeḛ oji Rehu. 19Peleg lé si kəmba ləbee tɔl-joo-giree jinaikara (209) goo ndɔ koji Rehu’g ya, ndá yeḛ oji ŋganje gə́ diŋgam gə njé gə́ dené ləm tɔ.
20Ləb Rehu aḭ rɔ-munda-giree-joo (32) ndá yeḛ oji Serug. 21Rehu lé si kəmba ləbee tɔl-joo-giree-siri (207) goo ndɔ koji Serug’d ya, ndá yeḛ oji ŋganje gə́ diŋgam gə njé gə́ dené ləm tɔ.
22Ləb Serug aḭ rɔ-munda (30) ndá yeḛ oji Naɔr. 23Serug lé si kəmba ləbee tɔl joo (200) goo ndɔ koji Naɔr’g ya, ndá yeḛ oji ŋganje gə́ diŋgam gə njé gə́ dené ləm tɔ.
24Ləb Naɔr aḭ rɔ-joo-giree-jinaikara (29) ndá yeḛ oji Tera. 25Naɔr lé si kəmba ləbee tɔl gə dəa dɔg giree-jinaikara (119) goo ndɔ koji Tera’d ya, ndá yeḛ oji ŋganje gə́ diŋgam gə njé gə́ dené ləm tɔ.
26Ləb Tera aḭ rɔ-siri (70) ndá yeḛ oji Abram, gə Naɔr gə Haran.
27Aa ooje, ŋgaka Teraje ɓa ri dee to nee: Tera oji Abram, gə Naɔr, gə Haran. Haran oji Lɔt. 28Ndá Haran wəi kəm bɔbeeje’g Tera mee ɓee-kojee’g Ur mee ɓeeko̰ gə́ Kalde. 29Abram gə Naɔr taa denéje, ri dené lə Abram to Sarai, ri dené lə Naɔr to Milka, yeḛ to ŋgolə Haran, Haran lé to bɔ Milkaje ləm gə bɔ Jiskaje ləm tɔ. 30Sarai lé to kawkad ɓó yeḛ oji ŋgon el.
31Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ. 32Ləb si kəmba lə Tera lé aḭ tɔl-joo-giree mi (205) ndá Tera wəi Haran.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Ngambai Bible © Alliance Biblique du Tchad 1989, 2015.