Popular Bible Verses from Matio' 2

Deildu

:Yeh on pa-a 'de 'gbu :dao' 'di, :yee' on 'ye 'yu :bleheh'eh 'weh 'do or 'de :Mehle' :gwlii', 'de on bla 'koor-dlu⧾ 'yi glu, on :za or-a' :weheh'. 'De on kan-dih: an-a'a: bhaan-borlor'⧾ 'i, on 'nyi-or 'nyii'-deh⧾, :en 'dhu-a 'goo-: :korn deh⧾ :mor nyor⧾ po-a 'yli, :en po-a 'no 'jeh no, an 'da-dih-a 'flehnkensehn-: 'dekorn: :pofi'orn: an 'da-dih-a 'mina-:.

:Yee' :yeh :Yusu' 'wluh-a 'de :gwlor an 'da-dih-a 'Behble'hehn 'de :Judi'a-bluhba ken, ti :Hehlo' no-a 'keen 'do 'bluhba: :dao' ken, 'do :wor :toror' :korn-nyor:⧾ :on 'chean'-a 'chuh :dhlaen, mo-: yi :Julu'slehn, on 'wluh-dih: 'de 'yluh-a' 'kwla 'wluh-dih: 'da, on dhele: nyor⧾ dih, on 'dae:, Dha 'yu :bleheh'eh: :or 'wluh-a :or no-a 'keen 'do :Jueh'-nyor⧾ bo, or :ne :eh? :A 'ye or-a' 'chuh :dhlaen-eh 'de 'yluh-a' 'kwla 'wluh-dih: 'da. Eh-a' dhih, :a 'yle :a 'ye-or' :weheh' :za.

:Yeh on 'ye-eh, :yee' 'mona 'yi-dih-uh-: dih.

'De Nyorsoa 'dhu-uh 'slen 'de 'nyinor-', or 'dae:, A-a' :mu-dih:-' 'noror 'Keen :Hehlo' bo deka o. 'De on :mu-dih: :gwie: 'sluh bo, on mu on 'bli. :Yee' :yeh on mu-a, :yee' :Gwlor :baa'-a' 'enjor :due', or-: :yi-dih: 'Joseh 'dlu bo 'de 'nyinor-', 'de or 'dae:, :Sorn-', 'duo: 'yu-yu-: :korn or 'de-: a 'ye ple, a 'ye 'Iye-bluhba ken mu. 'Do :wor a 'ye dih :dhe :chio'lo:, 'de jorwor: 'on 'ye a 'da. Deh no-eh, 'Keen :Hehlo'-a mu 'yu-yu: :daa 'kwla⧾-' dih 'bhorn-:, or 'ye-or' 'dba.