Popular Bible Verses from Pemungkal 17

Deildu

Lebuh umur Abram manggai semilan puluh semilan taun, TUHAN pegari di mua iya, lalu bejaku, “Aku tu Allah Taala ti Pemadu Bekuasa. Nuan enda tau enda ngasika Aku, lalu ngereja utai ti ngena.

Nama nuan ukai Abram agi, tang Abraham, laban Aku ngaga nuan nyadika apai mayuh bengkah bansa.

“Aku deka ngamatka semaya Aku enggau nuan, sereta enggau peturun nuan, nyadika sempekat ti meruan belama iya. Aku deka nyadi Allah Taala nuan, enggau nyadi Allah Taala ke peturun nuan.

“Tu sempekat ti digaga Aku enggau nuan: Aku besemaya deka ngasuh nuan nyadi apai ke mayuh bengkah bansa.

Tang ku Allah Taala bejaku, “Enda tau. Bini nuan Sarah deka ngadaka siku anak lelaki ke nuan, lalu nuan deka meri iya nama Isak. Aku deka ngingatka sempekat Aku enggau iya, sereta enggau peturun iya belama iya. Sempekat nya deka meruan belama iya.

Aku deka meri ngagai nuan, enggau ngagai peturun nuan, menua tu, ti alai nuan diau nyadi orang kampar diatu. Semua menua Kanaan deka diempu peturun nuan belama iya, lalu Aku deka nyadi Allah Taala sida.”

Abraham nyungkurka diri ke tanah, tang iya ketawa lebuh iya berunding, “Baka ni ku lelaki ke umur seratus taun tau bisi anak? Baka ni ku Sarah ulih ngadaka anak lebuh umur iya nyau semilan puluh taun?”

Ku Allah Taala bejaku ngagai Abraham, “Nuan enda tau agi ngumbai bini nuan Sarai. Kenyau ari diatu nama iya Sarah.

Belabuh ari diatu, nuan enda tau enda nutus semua anak mit ti lelaki lebuh umur sida lapan hari, nyengkaum ulun ke ada dalam rumah kita, enggau ulun ke dibeli kita ari orang bansa bukai. Tu kena nanda sempekat entara Aku enggau nuan.

Tang Aku deka ngingatka sempekat Aku enggau anak nuan Isak, ti deka diadaka Sarah ba urung maya tu taun baru tu ila.”

Belabuh ari diatu, nuan enda tau enda nutus semua anak mit ti lelaki lebuh umur sida lapan hari, nyengkaum ulun ke ada dalam rumah kita, enggau ulun ke dibeli kita ari orang bansa bukai. Tu kena nanda sempekat entara Aku enggau nuan. Genap iku orang enda tau enda ditutus, lalu tu deka nyadika kelai ba tubuh kita, kena nunjukka sempekat Aku enggau nuan endang meruan belama iya.