Vinsæl biblíuvers úr Acts 2

Deildu

Peter-el inenh ilek, “Arrantherr anetjeng twep-irretjehant. Arrantherr nwerneh-warn petjetjeh, nwern arrantherrenh Jesu Christ arrenyel-ayeng kwatj-warn irrpelh-ilemel baptise-em-iletjeh, Altjerrel anetj arrehantherr-henh wetjenheng, rang ngwerleny arrehantherr mernelhetjenheng. Kwereng Altjerrel Kwerrern Alngaltar arrehantherr-warn lanthetjenh, arrehantherrel-ayel kwetemeh anetjenheng.

Kaltj-anthenh-anthenh tjeperr mapel inang nakenh-nakenh map kaltj-anthetjart. Nakenh-nakenh inang mantjel anthwerr awetjart, ineh kangkwerremel. Inang kangkentj ularrek-ularremeh mernelhetjart. Inang mern ltwakemel pwertel arlkwetjart. Inang Altjerr-warn kweteth angketjart.

Kwerrern Alngaltar rang nakenh-nakenh ineh-warn irrpetj-alhek. Kwerrern Alngaltar rang ineh angketj arrpenh map-kenh anthek, inang angkek angketj arrpenhek-arrpenhel. Angketj inang anek map anthwerr.

Inang awek ywerr-angkentj angerr-akert, irlkarteh alkereng warl-warn kwen irrpentjerleh. Inang arek, rwang alngenth-arteh irrarnp-irrerleh, nakenh-nakenh ineh-warn arrernelhetj-alherleh nyentam-nyent-warn, rwang aleny-arteh kapert inehel-ayel. Kwerrern Alngaltar rang nakenh-nakenh ineh-warn irrpetj-alhek. Kwerrern Alngaltar rang ineh angketj arrpenh map-kenh anthek, inang angkek angketj arrpenhek-arrpenhel. Angketj inang anek map anthwerr.

Inang warl nyentam-nyentel arraw-irretjart, mern ltwakemel arlkwetjart, Jesu-eh irlpangkemel. Inang arrken awelhemel anetjart. Inang Altjerr angerr kangkemel nakek. Tjerrtj arrpenh map inang kangkek ineh, lakenh angkemel, “Yay! Tjerrtj nhenh map irlpareth kwenh anem!” Ngkartel wetharlam tjerrtj map inetjam, inang ngampekarl iteth anetjenheng. Inang Jesu nakenh-nakenhemeh irrek, werlampareny inehel-ayeng nyentemeh-irrek.

‘Mpank Ngkart petj-alpetjeh-anngernt, thang Kwerrern tjengenh tjerrtj map-warn lanthetjenh. Ler arrehantherr-henh mapel rrwey marl thwenel angketj tjengenh ilerl-apetjenh. Artwang anthetj mapel aywang mapel-arlk thwen inang anengkerr aretjenh.

Tjerrtj nakenh-nakenh inang pwert arraw-irretjart. Inang ingkerreny peltj anetjart. Inang mern-arlk ingkerrek mpwepeh arlkwetjart. Inang rnwanentj-arlk mer-arlk thwen inehenh sell-em-iletjart, maney inetjenhengarl wart. Kwereng inang maney nhenh tjerrtj angayel mapeh anthetjart. Inang kweteth yard kwenel arraw-irretjart, Altjerr-henh church angerretj-angwerr.

Ngkart mpank petj-alpetjenh-kweny-amparr, tjerrtj ngwenh apek inang Altjerr renh arlkemel pawenhetjenh, “Ngkartay, yengenh inay!”, Ngkartel inenh kel inetjenh, kwerel-ayel iteth ngampekarl anetjenheng.’ ” “Lakenh Joel-el Altjerr-henh angketj pip-warn tanthemel arrernek.”

Ngkart rang petj-alpetj-kweny-antey, thang-amparr arrehantherreng ularr mernetjenh alkerel ahelhel thwen. Tjerrtj mapel anwerlketjenh nhenh aremel. Inang alhwang, rwang kwert-arlk aretjenh. Aherrk rang kweny-irretjenh, atay rang athethek-irretjenh alhwang-arteh, Kwereng Ngkart rang alkereng petj-alpetjenh twer angerr-akert, tjerrtj ingkerrek court angerrel pawenhemel judge-em-iletjeh-anngernt.