Vinsæl biblíuvers úr OKUVA E MISIRI 7

Deildu

Mukama n'agamba Musa nti: “Kale nja kuteekawo muganda wo Arooni akwogerere. Ye alibuulira kabaka ebyo by'oyagala okumutegeeza.

Naye nze ndikakanyaza omutima gwa kabaka, ne bwe ndyongera okukola ebyamagero n'ebyewuunyo mu nsi y'e Misiri, kabaka talibawuliriza. Ndibonereza nnyo Misiri, ne nzigya ebika by'abantu bange Abayisirayeli mu nsi eyo.

N'Abamisiri balimanya nga Nze Mukama, bwe ndibonereza Misiri, ne nzigyayo Abayisirayeli mu bo.”

Kabaka n'ayita abagezigezi n'abalogo Abamisiri, nabo ne bakola ekintu kye kimu, mu magezi gaabwe ag'ekyama. Buli omu n'asuula wansi omuggo gwe, ne gufuuka omusota. Naye omuggo gwa Arooni ne gumira egyabwe.

N'olwekyo Mukama agamba bw'ati nti: Ku kino kw'olimanyira nga Nze MUKAMA. Laba, omuggo gwe nkutte, nja kugukuba ku mazzi agali mu mugga, gafuuke omusaayi.

“Kabaka bw'alibagamba nti: ‘Mukoleewo ekyamagero,’ ggwe Musa oligamba Arooni nti: ‘Ddira omuggo gwo ogusuule wansi mu maaso ga kabaka gufuuke omusota.’ ” Awo Musa ne Arooni ne bagenda eri kabaka, ne bakola nga Mukama bwe yalagira. Arooni n'asuula omuggo gwe wansi mu maaso ga kabaka n'ag'abakungu be, ne gufuuka omusota.