Vinsæl biblíuvers úr ENTANDIKWA 39

Deildu

Mukama n'aba wamu ne Yosefu, Yosefu n'aba wa mukisa mu byonna by'akola, n'abeera mu nnyumba ya mukama we Omumisiri

Potifaari n'alekera Yosefu ebibye byonna okubirabiriranga, nga takyeraliikirira kintu kye na kimu, wabula emmere gye yalyanga. Yosefu yali mulungi mu ndabika, n'amaaso ge nga gasanyusa.

Omukuumi w'ekkomera n'akwasa Yosefu abasibe bonna mu kkomera okubalabiriranga, era n'amuwa obuvunaanyizibwa ku buli kintu ekikolebwa mu kkomera.

n'akwata Yosefu, n'amuteeka mu kkomera abasibe ba kabaka mwe bakuumirwa, Yosefu n'abeera omwo mu kkomera. Naye Mukama n'aba awamu ne Yosefu, n'amukwatirwa ekisa, n'amuwa okusiimibwa mu maaso g'omukuumi w'ekkomera.

Bwe waayitawo ekiseera, muka mukama we n'amusuuliza amaaso, n'agamba nti: “Weebake nange.” Naye Yosefu n'agaana, n'agamba muka mukama we nti: “Laba, mukama wange takyeraliikirira kintu kye na kimu mu nnyumba, kubanga nze wendi, era yandekera ebibye byonna okubirabirira. Nnina obuyinza mu maka gano obwenkanankana n'obubwe, era talina ky'atankwasa okuggyako ggwe, kubanga oli mukazi we. Kale nnyinza ntya okukola ekibi ekyenkanidde awo, ne nsobya eri Katonda?”

Naye lwali lumu, Yosefu n'ayingira mu nnyumba okukola emirimu gye, era nga tewali baweereza ba mu nnyumba balala. Omukazi n'akwata Yosefu ekyambalo, ng'amugamba nti: “Weebake nange.” Naye Yosefu n'aleka ekyambalo kye mu ngalo z'omukazi, n'adduka n'afuluma ebweru.