Popular Bible Verses from Éxodo 4

Deildu

Jejenö jö̧a̧lökwe: — Moisés ¿kwomukwatököji̧? ¿Tida jojo yöa̧lobö otidinama? Ja̧danö ¿tida jojonö yöba̧lö̧kö̧nö, a̧ja̧kwö̧kö̧nö, edo̧nö, edö̧kö̧nö otidinama? Ötjödasa, Isabenö Jo̧da jejenö otidinama. Jo̧kwaobetjö̧ Egiptobe kwi̧'yo. Ökwönö pjabatö chi̧'yakwo̧sa Moisés. Yöka̧lonö yöta̧lakwo̧sa, ökwönö pjabatö— jö̧ba̧lijetö Isabenö Jo̧ma Moisésnö.

—Chuluwo̧ jweinö yöta̧lakwö: Ötjöma otiwanö yöba̧lö̧kö̧sa jojodönöma. Ajayinö chöbötjachinemi baikwö yemidawo̧sa. Ja̧danö ina, babebi yöka̧lajemitjö̧ tupakwöbi ja̧danö. Juluwanö yöba̧lökösa, dakwö yöta̧lajö, jö̧ba̧lö. Wajwibo̧sa— jö̧ba̧lijetö Moisésma Isabenö Jo̧nöma.

Jejenö aebökwe jwiinö labijetö Isabenö Jo̧ma Moisésnö. Atadijetö: —Jao kwatjö̧ma, kwöpöe Aarónnö wetena, jo̧babi Levítjö tupadanö jojo. Jo̧bama isabenö waiso̧ jojodönö yöa̧lakwawama. ¡A̧ja̧kwitjö! Babema ökwönö edö ichakobe, ja̧danö o̧'wo ösöwanö ösödakobe ökwönö edö.