Popular Bible Verses from PUDUT 3

Deildu

Idi decur ineh nenier lawa ineh do' siren matehneh, idi bua'neh pana' do' én sirenneh. Idi ieh nengerawé ineh mangun ku luk do' kuanneh lek, pad ieh mileh. Idi ieh nengalap bua' ineh, idi nekuman ineh. Idi ieh nenguit kuan awanneh, idi awanneh pana' nekuman teh.

Idi menipeh ineh meluun ileh ratnan amung-amung pung luk pangeh inau' Tuhan Allah luun tana'. Idi kebalaneh nan decur ineh, “Matuké Allah nepebala, kudeng ini, ‘Aleg medueh kuman bua' amung-amung lawa luk bang kabun ini'?”

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

Idi kebala Tuhan nan decur ineh, “Ui miak ngula' derehmu kareb iko mali', idi dengan derehmu iko miak nenganak, idi teh iko geregan ku awanmu, idi ieh pana' pa luunmu.”

Idi dengan panamu iko ngakem, idi teh iko miak ngalap akan, pad macing iko lemubed amé' ku tana' teh, ngaceku ratnan abuh tana' iko ilap, idi iko lemubed mangun ku abuh teh.”

Idi kebala Allah nan deléi ineh, “Ngaceku iko pangeh neninger bala awanmu, idi nekuman bua' ineh luk pangeh bibpengKu na miak kenen, idi tana' ini uen ngediman ngaceku iko. Idi dengan medereh iko nakap akan rat bang tana' ini seruked ulunmu.

Idi Allah nepebala, “Idéké nemaré kali namu ratnan iko lubpa? Pangehké iko nekuman bua' luk bibpengKu na miak kenen?”

Idi Ieh nenganau' tuda'-tuda' melaikat karub pa busat aco Kabun Eden ineh. Idi Ieh nenganau' sebuleng pelapet luk mebudung idi luk mediper, luk ku matar dalan amé' lawa kayuh ulun ineh.

Idi Adam neneten awanneh ineh Hawa, ngaceku ieh luk tinan amung-amung lemulun.