Popular Bible Verses from Matíe 21

Deildu

A nɩ bhibhie lé a nɩ tɔ̀ Lagɔ duo a, wɔlɩ́ɛ́ fɩ́ɛ́ a na kɔ́ɔ́ mʋ́ yrá a, a yií yɛ́.»

Bhʋ́ Zozíi srʋ á mà: «Náa srʋɛ amɔ cícása, a nɩ tɔ̀ cícása Lagɔ duo a, lé a nɩ nɩ́ ɔ́ duo bɩ́ sa a, wɔlɩ́ɛ́ ɩ́ nɩ lɛ́ figíe suó a, a yi míi lé a yií nɩ, lé a yi míi lé a yi kíkéé lɩ̀à srʋ mà: Kíkée! Wlʋ́ bhlekʋ́ lé bhli jié! Lé cémʋ́ a cí lɛ́ a, ɩ́ yi nilo.

Nyʋa kʋ ɔ́ drɩ̀, nyʋa àna kʋ ɔ bɩ́ á nie lɔlɔ á pá wɔlɩ́: «Ozana Davídɩ a yʋ́ʋ̀! Pʋ́pʋ́ɛ́ ŋnɩ mɔ̀ kʋ́, mɔ̀ɔ ɔ̀ ŋwɔ́ɔ à tɩtɔ Davídɩ a yʋ́ a! Yɛ́ pʋ́pʋ́ɛ́, mɔ̀ɔ ɔ̀ yi à Kanyɔ Lagɔ a ŋnɩ́ mʋ́ a, ɔ pá mɔ̀ nyú! Ozana! Yɛ́ pʋ́pʋ́ɛ́ Lagɔ gɔ̀ mɔ̀!»

«Lé ɔ́ srʋ á mà: Wɔlɩ́ɛ́ Lagɔ cí lé á jɩ́jrà a, ɩ́mɩ́ ŋwɔ́ɔ mà: Ná wlʋɔ́, Lagɔ̀bhìbhìè wlʋ á na kʋ́ʋ́ kɛ́zɔ̀ wleè. Mà ɛ̀ nɩ́ ghlíighlíinyʋa a wlʋʋ́ ŋwɔ́ɔ!»

Lagɔ a nékʋ́cinyɔ cí wá mà: A srʋ Sinyɔ́ɔ a nyʋa mà: A lóo, a kɩ́ɛ ɔ́mɔ́ yie ámá gɔ̀, ɔ yà ɔ́ diwɔtaá sɔ́, Ɔ́ gblà jákásɩɛ́ jɩ̀, bhè ɛ yʋ́ɔ́ kʋ ɔ bɩ́ ɛ ya bédìè sɔ́.

Lé Zozíi srʋ á mà: «A nɩ́ à zà wɔlɩdrèè lɩ̀à Lagɔ̀bɔ̀gʋ a mnɩ́ zɛɛ? Á jɩ́jrà mà: Cókpalɩ́bhuoó ghlɩpanyʋaá pá wá klá a, Ámá bhli yɩ́ lɛ́ wlʋɔ́ kʋ́. À nɩ̀ dʋdʋ̀ ɩ́ lɔ̀fɩ́ɛ́ a, Lagɔ á nɩnɩwɔlɩ kʋ̀ʋ̀, Námasa a pʋpʋ́ kʋ̀ àmɔ̀ à zà.

Ná srʋɛ yɩ́ lɛ́ sáà amɔ mà: Lagɔ a Léyibhlɩɛ́, á yi amɔ mɛ́ gɔ̀ bhá lé á yie yígàdàbhlɩ kʋ́ a nyʋaá à kà a nɩnɩgbɩ náa a, nyɛ́. [