Popular Bible Verses from Markut 13

Deildu

Koyan a̱ ni ya rak, rot yi yet ba̱ nzuuk. Ma a̱yin nu a̱ sseng a̱ si tat a̱ngbom u ni, nu a̱ ni kaat.”

Se yi cam ansham rot yi bvwo ka̱ram ka ba.

Ki ba ya pyyem a̱ nat i i bat ntwrang a, yi ryok yya a̱huhwa nkyang a yi ni hywa ni ba. Ki ka̱ram ryat nyin ka a̱ ba, yi ryat kyang a Tswa Ka̱za ji nji ni ryat.

Tazwa bu ka̱byen ni tyak, ma ba̱ryat nzuk ba ni tyak ba.”

“Ma a̱yin a̱n shyi a̱ bvwo nom iya ba, di ba̱pfong Ka̱za ba di Ka̱won ka. Se A̱tyyi nu ba̱diyin a̱ bvwo nom a.

Yi ni pfong nkhang nzwang, ko shishrek ko gba̱gbang. Yi ryok hok ka̱wun ba, nkyang iya dolet na ni ba, a̱ngbom u a̱ si ba.

Se yi cam ansham, rot yi bvwo ka̱ram ka a̱ntyok ka̱ryi nu na̱ nin brek ni ba. Shim na̱ ba a̱ jenshring, ko a̱kwop a̱ta̱tuk, ko a̱ta̱ntson, shim na̱ ba a̱shong a̱ntson ma. Ka̱ ya bvwa n bring, ku myyim na̱ bi shya yi shyi nda ba. Kyang a n ya tyyei naani nkpa n bo n tyyei koyan: Yi cam ansham!”

Na̱byen a̱ ni kwan bu na̱yaan; a̱tityok a̱ ya yrek ba̱ a̱tityok. Na̱bvwa ba̱gingang i ka̱sa ka a̱ ni kyrim a̱ ta̱ruk. Ba ni yya zong ba̱gingang. Nkyang a ni ryi di ka̱hwa ron mbyin ka̱ssi ni.

Ma kozan ba̱nyet a̱ ni yen hok Ka̱sham Ba̱ryat nzuk ka ka̱ram ka a̱ si yya.

Ba̱nyet ba̱gingang a̱ ni ba i diyrek nzuk a̱ hywa, ‘Nzuk n yet Kristi nu.’ A̱ si tyyi ba̱nyet ba̱gingang digrap.

“Nyin yi ta̱rwam ba̱t. Ba ni ya kwak a̱ cong i a bat ntwrang. Ba ni ya pyyem a̱ tsot a a̱bat a̱duwa i diyrek nzuk. Ba ni ya kwak a̱ cong i a̱ta̱ssi ba̱cecet ba̱gwam. Yi ni sseng i ba̱ tyyei Ka̱sham Ba̱ryat nzuk ka.

Ba̱yanyet a̱ ni ba a̱ ya yei Kristi ko ba̱nyet tyyei ba̱ryat Ka̱za i diraa. Ba ni yya nkyang ka̱hat ba̱gingang a̱ tyyei cet mba na a̱ ga shya diwat raai ba̱nyet ba a̱ yet ba̱nyyi Ka̱za ni.

“Ki a̱ka̱tuk nom a̱ywu a̱ seyak, nom nwa tyei ryin, di hywan ku bu ni sai ba. Na̱ta̱ngwat a̱ wwut nyyai ntazwa a̱ bu kwei, a̱cecet na̱bvwa nu ntazwa ka a̱ nwa zun.