Popular Bible Verses from Maˍkuˆ 4

Deildu

Haeˉ mae beu, Yeˍsuˆ hta laˉ yao, hawˉ manˉ nae langˉ samˍ mangˍ na, Chuiˉ nae saoˍ ngangˍ bao nae ha biˍ jiˍ. Hawˉ manˉ mangˉ saoˍ ngangˍ yao, langˉ yangˍ muiˉ yuingˉ nae ca saw jiˉ. Haeˉ mae beu, Yeˍsuˆ yawng na naˉ jiˉ. Nawng ngaˍ ba ceuˉ ha yao hkae naeˇ. Yumˉ naeˉ uiˉ nuing ba baˍ ca laˍ nae yawng na naˉ jiˉ.

Yawng hkae did did biˍ yao, Changˉ niˉ maˇ manˍ ga blaw jaˇ. Hawˉ manˉ nae lang awng ningˉ uiˉ muiˉ yang tangˍ na ang naˉ nae nawˍ nae yawng htiˍ hu nae htiˍ hu hkai lang jiˉ.

Yeˍsuˆ maˇ heuˍ naˍ hkawˍ kaˍ seu taˍ hku hku yao yuˍ nuˍ awngˉ ngangˉ jiˉ. Ta peˍ uiˍ a Yeˍsuˆ na hta hkae yao, Saˍ laˉ veuˉ, gu aˍ ya siˉ naeˇ jaˇ. Yeˍsuˆ naˇ gu na baˍ hu baˍ hpa laˍ laˉ laˍ nae ha biˍ jiˍ.

Hingˉ nawngˍ veu Yeˍsuˆ yawng na ha biˍ jiˍ. Nawng ya kyaˍ jiˍ awˍ lawng uiˉ na saˍ tiˍ ca bu. Nawng hao na cangˍ yao piˍ jiˍ laˉ mae nawng na muiˉ hao cangˍ yao piˍ laeˍ laˍ naeˍ yaˇ. Hingˉ htaˍ veu muiˉ htaengˍ caeˍ lae laˍ naeˍ yaˇ.

Htiˍ cangˍ Yeˍsuˆ maˇ Hpaˍcaoˍ beu ang meungˉ hingˉ ngaˍ nuingˉ chaˍ htaˍ veu changˉ htiˍ hu ang ceuˉ pya naeˉ na ang tuˉ yaˇ. Yaˇ miˍ hkiˍ nuing kawngˉ ang nyamˍ veu yuˍ yao hta yao ca jiˉ. Ang ceuˉ pya jiˉ hingˉ tawngˍ cheˍ cheˉ yao huiˍ laˉ naeˉ. Ang ceuˉ hingˉ ngaˍ aˉ mae huiˍ laˉ naeˇ nae yaˇ baˍ bae.

Laˍ suingˍ hkaˉ ca naeˉ changˉ uiˉ ngaˍ maenˍ nae naˉ voˍ nae ha biˍ jiˍ.