Popular Bible Verses from Mateu 24

Deildu

Kushwahura murao wa Nyambi kenge kwa ku kura nene, thsishimo thsanu owangi kenge thsa ku pupuka. Unone oyu wa ku citanarithsa shime ku ka kuma ku hura kenge a ku yoyithsiwa.

Muthzimbu Ouwa o Kutumina kwa Nyambi kenge wa ku hongiwa mu kaye kokahe ci ikare ombangi kwanu o mishovo thzothzihe, mbeci kwa ku keye mahurerero o kaye.

Kenge mwa ku yuva yo mamvo no mapurwatwi o mamvo, unone mwa ku cithzekera. Eyo yaa roera ku tendahara, unone kadi odiyo mahurerero o kaye.

Ditunga kenge dya ku rwithsa ditunga dimweya, no kutumina kenge kwa ku rwithsa kutumina kumweya. Mu mandau o ku cithsiathsia kenge kwa kwikara mandombo no ku ngangama kokukuru ko kaye. Eyo enu yoihe kenge ya kwikara eci matatekero a mbuyama oyu nyatithsa.

Diwiru no kaye kenge ya ku pwa, unone maywi ange ao mbera ka a pu.

Inene, anu owangi kenge a ku keya mu dithzina dyange no ku amba ci: ‘Yame no Krisitu,’ karo kenge a ku yemburura anu owangi.

“Anu kenge a ku mi kwata no ku mi twara kowa a ku ka mi nyandithsa no ku ka mipaa. Mishovo thzothzihe mu kaye kenge thza ku mi thzimba mukaci ko dithzina dyange. Mwethso thsikati anu owangi kenge a ku thsia thsitawo thso, amweya kenge a ku cangithsa no ku cithzimba. Akwakukethza o mbango owangi kenge a ku keya no ku nangera anu owangi.

Yesu wa wa tawire ci: “Mu mamere ci katere a ku mi yemburure munu.

Namwe mwikare o ku mu na ciroithsera thsikati thsothsihe, inene Mwana Munu kenge a ku keya thsikati ethsi mu na kana ku taterera.

“Mu mamere, inene ka mu dimukire diyuwa edi a ku keya Fumu wenu.

“Unone yo diyuwa no thsikati kwithsa oyu na i dimuka, shaanga tungeru to ku wiru, nji Mwana, shime Tata pohuma yofoci yo na i dimuka.

Inene kenge kwa ku keya akrisitu o mbango nakwakukethza o mbango. Awo kenge a ku tenda emonithso nekomokithsa yoikuru yo ku komokithsa, kwangera anu, shaanga awa naa hangura Nyambi nga ayopo i tawa.

“Kukeya kwa Mwana Munu kenge kwa ku cipitura eci thsikati thsa Nuwe. Mwao mayuwa dimina o ku di shime, anu a dire, a nwine, a yekire, a yekithsire, mane shime ku ka kuma mu diyuwa edi engenine Nuwe mu areka. Ka dimukire thsimweya shime dimina ou dya kumine no ku na wa pukithsa wahe, dyo ya kwikara no mu diyuwa dyo kukeya kwa Mwana Munu.